لا حياة بدون هدف وبالأمل تقدرى تحقيقه(حملة سماء الإبداع)
مجتمع رجيم / الموضوعات الامنقولة فى التنمية البشرية
كتبت :
ولا احلى
-
مساء مليء بالحب والتفائل والأمل
لحملة سماء الإبداع
شعارنا
لا حياة بدون هدف ولايتحقق الهدف بدون امل
ولو عندك هدف هاتعيشى سعيدة وبالأمل هاتحققى هدفك
ديما الناس بتقول لا حياة بدون امل لكن ماحدش سأل نفسه امل فى ايه؟؟؟
امل فى تحقيق الهدف
عشان كدة انا دايما بقول لا حياه بدون هدف وبالأمل هاتوصلى للهدف
سواء كان الهدف دنيوى او اخروى
يعنى مثلا لو انا هدفى انى ادخل الجنه (ودا طبعا هدفى)
يبقى مش هايفرق معايا اى حاجه فى الدنيا
ولا فى حاجه هاتقدر توقفنى عن هدفى
وبالتالى لو حصلتلى اى مشكله مش هاركز معاها اوى
ولا هتاخد من وقتى ولا تفكيرى اكتر من اللازم
لأن عندى هدف مش شايفه غيره وباعدى كل الصعوبات فى سبيل الوصول لهدفى
اما ان كان الهدف دنيوى زى حصولى
مثلا على الدكتوراه(ههههه حلوه دى مش كده؟)
طبعا هاتختلف شويه بس برضه مافيش حاجه هاتعطلنى
يعنى لو المذاكره صعبه وانا ماعنديش الهدف دا
اعصابى هاتتعب وهازهق
لاكن الهدف دا هايصبرنى على المذاكره
لأن المثل بيقول من طلب العلا سهر الليالى
فاهذاكر وانا مش متضايقه حتى لو بعد كدا ماحصلتش الهدف
كفايه عندى ان الهدف كان سبب فى انى اذاكر وانا مبسوطه
فهمتونى؟؟؟؟؟؟؟؟
ودا مش كلامى دا كلام الدكتور ابراهيم الفقى
لما واحده راحت اشتكتله ان بنتها فى الاجازه بتفضل نايمه على طووووووول
وايام الدراسه بتبقى نشيطه قالها السبب ان ماعندهاش هدف
فامش عايزه تصحى
قوليلها ان عندها رحله بكره وجربى فسمعت كلامه والبنت
صحيت بدرى تانى
وعرفت الام ان لازم تخلى البنت عندها هدف فى الاجازه عشان ترجع لنشاطها وحيويتها
انا عارفه انى رغيت
كتير بس نفسى توصلوا لمرحله انكوا تحطوا هدف من اجل حياه سعيده مش لازم تحققى الهدف
المهم لو خسرتى الهدف عندك مليون هدف تانى تفكرى فيه
بس لازم يبقى عندك هدف عشان تعرفى تعيشى بالأمل ومن غير ملل
وعلى فكره دى احسن طريقه عشان تبقى
خوشى
(سعيده 
بس بالهندى هههههه)وان شاء الله تعيشوا سعداء دوما لأن السعادة كنز لا يفنى
ويارب اكون افادتكوا واسعدتكوا
واكيد انتو كمان هاتسعدونى بالحجات اللى بحبها
سعادتى تكون
بالإبتسامة
+ الرد+التقييم لأن الثلاث اشياء دول بيسعدونى
جدا
