الجلاش بحشوة جديدة من دعاء الكروان

مجتمع رجيم / المعجنات وَ السندويشات

كتبت : *دعاء الكروان*

المرة دى انا عملت الجلاش بحشو جديد وعندى الولاد بيحبوا طعمها اوى
واتمنى انها تعجبكم

طبعا المقادير
لفة جلاش
2بصلة كبيرة مقطعة جوانح
3فلفل رومى مقطع بالطول
4طماطم مقطعة بالطول
5بيضات ملسوقين ومقطعين حلقات
وكوب لبن مضروب فيه بيضة بملح وفلفل
ملح وفلفل

نحمر البصل فى الزيت

لغاية ما لونه يكون اصفر زى الصورة

وبعدين نضيف الفلفل الرومى ونقلبه كويس

ولما يتحمر الفلفل مع البصل نضيف الطماطم
ونقلبها كويس ونضيف الملح والفلفل

وبعد ما نقفل النار نضيف حلقات البيض المسلوق ونقلبها مع الخلطة اللى فاتت

ونجيب صينية وندهنها ونرص اول راق من الجلاش ونضيف عليه الحشو
وبعدين نضيف الراق التانى من الجلاش

ونقطع الجلاش قبل ما ندخله الفرن

وبعد ما ندخله الفرن السخنة بعشر دقايق نطلعه ونضيف له كوب اللبن بالبيضة اللى كنا محضرينه
وندخله الفرن تانى

وده شكله النهائى بعد ما فتحنا عليه الشواية تقريبا 5دقايق

ودى قطعة علشان اول رد

وبالهنا والشفا

كتبت : المشتاقة للجنان

مشاء الله روووووووعه بجد
يمي.. والله حاجه حلوه عالصبح
تسلم ايدين احلى دودو عنديي

واحلى تقيييييييييييييييييييم

كتبت : nooon