ملف للمبتدئات

مجتمع رجيم / الاطباق المتنوعة

كتبت : azmiralda000

اولا تسلقى الفراخ
و بعدين تحطى الملوخية و هى مجمدة فى حلة و تحطى عيها 2 كوب من مرقة الفراخ بس تكون سخنة
تسيبيها شوية لغاية ماتسيح و بعدين تولعى عليها النار لغاية ماتغلى
تكونى عاملة بقى الطشة اللى هى 4 فصوص توم مفروم و معلقة كبيرة كسبرة ناشفة و معلقة سمن تحمريهم على النار شوية و بعدين تحطيهم عليها و هى بتغلى و تسيبها تغلى دقيقتين كمان و تطفى
اما الفراخ بقى تطلعيها من المرقة و تدهنيها بالخليط ده (معلقة صلصة طماطم-ملح-فلفل اسود-معلقةزيت) و تحطيها تحت الشواية شوية او تحمريها فى طاسة تيفال على النار
بتكون رائعة و بالهنا و الشفا

اللى ماتعرفش تسلق الفراخ تقولى:D

كتبت : سمرا مصر

فكرتك جميله جدا وشكرا لك على تسهيل موضوع الطهى لكتير ما يعرفو كيفيه الطهى

كتبت : saroonaa

فكرة حلوه خاصة للمبتدئات وبعد للموظفات
ولي عودة مع وصفات سريعه وسهله bleh

كتبت : azmiralda000

فين المشاركة يا بناااااااااااااااااات

كتبت : جنى الجنتين

فعلا وصفات بسيطه جدا نريد المزيد من ابداعاتك