ياربي منك العون

السلام عليكم و رحمه الله و بركاته
كيف حالكم بنوتات ؟

انا صراحة من النوع الكتوم الا يستحمل كثير و عنده قدرة تحمل
لكن البركان لازم يثور لمتى بتحمل

انا البنت الكبيرة عند عايلتي
من طبعي اني مو عبصية بس الا لما محد يسمع لي

بنات انا مشكلتي ان اختي لصغيرة الله لا يوريكم اخت مثلها دايم تقلل ادبها علي و لما ارد عليها تكون مصيبة عند اهلي
و لما اقولهم تكلموا لها ابدا دايم مره ثاني مره ثانية و هالمرة الثانية ما جت ولا بتجي

صدقوني انا من النوع الحريص على اهله و اتمنى لهم الخير دايما و احرص على مالهم و سمعتهم قد ما اقدر
المشكلة اني ماالقى احد افضفض له همومي ولا احد اثق به
و الكل يجذبني صدقوني مع اني ما معاهدة نفسي ما اجذب من فتره و قبل كنت ما اجذب بس الله الشاهد
دايم يقولون هذي سوالف مراهقة و ما نحتاج نسملعلج مع اني اني والله الشاهد دايم اسمع لهم و لو مجامله لاني ما احب اجرح اي احد

صدقوني تعبت خلاص دايما اكبت و محد يصدقني و ما عندي احد افضفض له الا عندي او اعرض عليه مشاكلي
اعيش في قلق دايم لان كل مشكلة تمر فيني ما اقدر اقولها لاحد لان امي دايم تحس ان مشاكلي سخيفة او اذا اكلمها ما اشوفها الا سرحانة
و ابوي ما اقدر اكلمه في كل شي و اصلا ما احب اتكلم معه في مشاكلي و هو اصلا ما احس انه فعلا مهتم

بنات انا تعبت والله العظيم تعبت ما احس ان لي اهمية في الدنيا فقدت الامل في كل شي النا صاروا يبتعدون عني و السبب اني كلما حبيت اوضح وجهة نظري هم يبتعدون عني ولا يسمعون لي ولا شي
و يقولون اني صغيرة و المفروض انفذ بس بدون ما اوضح شي و لما يبتعدون و اصرخ يعتبرونها قلة ادب
والله بنات ابي احد اكلمه اوثق فيه 10000000000% المشكلة ان اهلي مو من النوع الا يتزاور مع اقاربنا فثقتي بهم او احاديثنا محدودة نوعا ما
و اهلي عندهم اني لو قلت شي لصديقاتي يعد فضيحة مع اني احيانا المح لصديقاتي لكن اخجل من مصارحتهم

بنات والله تعبت و فقدت ثقتي في نفسي اعيش في صراعات بين اني اوصل للابغيه و هو توضيح رايي او عدم جرح مشاعر الناس ما اقدر اوفق بين الاثنين لان الا حولي ما يستاعدون من اساس

احس روحي مالي اي فايدة في هالدنيا وجودي و عدمه واحد مالي اي اهمية في البيت ولا في المدرسة ولا في اي مكان احس نفسي شي ثانوي للاحتياط فقط او زيادة عدد
حتى احيانا اتظاهر اني فرحانة مع اني العكس و صدقوني مليت من الناس يقولون ان اهلي يحبوني و و و مع ان اهلي احسهم يفرقون بيني و بين خواتي و كل ما اقولهم يقولون انهم مو مقصرين بشي علي
المشكلة انهم فعلا مو مقصرين بالاشياء المادية نوعا ما لكن بالاشياء العاطفية و المعنوية هم مقصرين اكيد

يعني ولا مره امي جت تسأل عني و انا زعلانة ولا مرة اهتموا اذا ابغي اروح المستشفى ولا مرة احد جى و ناداني بكلمة حلوة قدام الكل او مدحني مثل ما اكل يمدح بناته
ولا مرة حسيت اهلي معاي في شي بدون اي مشاكل
خاطري مرة امي تفتخر فيني او ابوي احسهم يحسوني دايم ناقصه مع اني الحمد لله احسن من غيري
خايفة ان هالشي ياثر على مستواي الدراسي خصوصا اني كنت من المتفوقات و الحين مع اني ما زلت لكن معدل نزل
خايفة انزل اكثر من كذا يا بنات حالة هالقلق ما اقدر اعيش فيها طول حياتي

شسوي و الناس كامل ينظرون لي اني وحدة طويلة لسان لاني اطلب بحقي و اني وحدة كل مشاكلها سخيفة ما تستحق النظر ؟

والله العظيم يا بنات تعبت ودي ارتاح من الدنيا كامل اروح مكان مافيه احد هدوووووووووووووء بس انا لما ارتاح ارجع هنيه

خاطري اعيش حياة هادئة لكن هيهات محد يسمعني و الكل يكذبني و يذلني مع اني مو مقصرة مع اي احد فيهم

ياربي اعني اعني اعني