مجتمع رجيمالاطباق المتنوعة

★☀★حمام محشى وبطه وطبق محشى عزومتى لكم ★☀★

محبة رسول الهدى 01:06 PM 09-13-2011
ازيكم ياأحلى وردات


أنا قولت أعزمكم على الحمام المحشى وبط وكمان محشى
ان شاء الله هقول لكم طريقتى
بس اللى تدخل الموضوع تقيمه مش تدخل ترد وتمشى لأ عايزة تقولى رأيها بصراحة
ولو فيه أى نقد أنا روحى رياضية جدااااااااااااااا









طريقة الحمام

أنا ولادى أقول يمين ويقولوا شمال أقول حمام محشى فريك لأ عايزين حمام محشى رز
فعلشان أريح دماغى عملت الأتنين
بالنسبه للحمام المحشى فريك

الفريك أنا بنقيه وأغسله وأنشفه وأشيله لوقت الحاجة

طبعا ناخد شوية فريك وننقعهم فى ميه سخنه شوية بالشكل ده





وبعد كده بجيب بصله كبيرة أو بصلتين وأقطعهم مكعبات مش بالمبشره لأ

وأشوحهم شويه بقليل من السمن لما لونها يبقى دهبى

ثم أضيف عليهم الكبد والقوانص بعد تقطعيهم قطع

صغيرة وأضيف عليهم بهار لحمه وبهار فراخ وكارى وفلفل وملح وأسيبهم شويه على نار هاديه لغاية لما ميه

البصل تنشف شويه وأضيف عليهم الفريك بعد تصفيته من

الميه وأشوحهم مع بعض وأسيبهم على نار هايه شويه لغايه لما أحس الفريك بدأ يستوى

دى وهو على النار





وده بعد مابرد علشان أحشى بيه




وبالنسبة لحشوة الرز

بجيب الرز بعد غسلة طبعا وببشر بصل عليه وبهارات (بهار فراخ_ وبهار محشى _ وفلفل أسود وملح_وشوية نعناع بيعطى له نكهه جميلة_ وشوية كارى)



وبخلطهم على بعض بالشكل ده




بعد كدة بجيب الحمام بعد غسلة بالدقيق والملح



وعلشان هنحشى الحمام بنخلى مابين اللحم والجلد بالشكل ده



وبعد كده بحشية عادى سواء بالفريك أو بالرز
وبقفل الرقبه بخله أو بخيطها وكمان بقفله من تحت بنفس الطريقة



وبسخن المية وأحط فيها واحدة طماطم وبعدين بحط الحمام على وشه يعنى صدر الحمام بيبقى لتحت
ومجرد مايغلى بتهدى النار علشان مايفرقعش منك
وتضيفى البهار مستكة حبهان لورى ملح وشوية فلفل



وخلى بالك بصى علية كل شوية وده بعد ماخلص وكمان معاه شوية من الحشوة علشان تشوفوها




بالنسبة للبط بشوحها بملعقة سمنه وشوية كارى لمده دقايق وبعدين بضيف عليها المية بس تكون قليلة
وكل ماتحسى أنها بتقل زودى شوية صدقينى بتبقى جميلة جداااااااااااا وكمان الشوربة بتبقى مركزة وتحفه
وبعد ماتستوى بدخلها الفرن تتحمر بدون أى اضافات




وده طبق محشى كرنب سخن ملهلب للى ترد وتقيم



ودى التورته يلا مدوا ايديكم ومفيش دايت النهارده



فى رعاية الله حبيباتى
والله ده موضوعى ومش منقول
كشموشه 01:14 PM 09-13-2011
وووووووااااااااااااااااا شغل جامد ايه الحلاه دي

مدح بالمصري
واقولك بالسعودي ...ياهووووو وش ذى الزيييييييييين
تسلم يدك

على العزومه الحلووووه

واحلا تقيم لك
محبة رسول الهدى 01:23 PM 09-13-2011
حبيبتى
يااااااااااااااااااه
شكرا جزيلا كلامك فى منتهى الجمال
والله أسعدنى جدااااااااااااااااااااااااا
شكرا لكى
نورتينى
بحر الأمنيات 01:24 PM 09-13-2011
ياالله حرام عليك والله

ليش كذ1 عاد انا بالعصافير والحمام أدوووخ ومعه محشي أروووووووووح مندي اناا هههههههههههه


بارك الله فيك وأرفقي علينا المره الجايه
محبة رسول الهدى 01:24 PM 09-13-2011
الحمد لله النت أخيرا رضى عليا
ونزلت الموضوع
محبة رسول الهدى 01:27 PM 09-13-2011
اقتباس : المشاركة التي أضيفت بواسطة هام السحاب:
ياالله حرام عليك والله

ليش كذ1 عاد انا بالعصافير والحمام أدوووخ ومعه محشي أروووووووووح مندي اناا هههههههههههه


بارك الله فيك وأرفقي علينا المره الجايه

حبيبتى
تعالى عندنا فى مصر
وشوفى أنا هعمل لك ايه
وأنا فى انتظارك ياجميلة
شكرا لكى
والله أنا سعيده بكم وبمنتداكم الجميل ده
1 2  3  4  5  ... الأخيرة
كلمات ذات علاقة
★☀★ , ★☀★حمام , محشى , لكل , عزومتي , وبطه , نطبق