شكرا حماتي وسامحيني(مسابقة شكرا ماما)
مجتمع رجيم / موضوعات الأمومة والطفولة المميزة
كتبت :
احلي ماما
-
مش عارفه ينفع اقول شكرا لحماتي في المسابقه ولا ايه
بس انا حاولت اكتب موضوع عن امي مقدرتش هقول ايه ولا ايه ولا ايه
حاسه ان كلمة شكرا دي قليله عليها اوي
وبعدين انا عمري مقلتلها شكرا لانك امي
لكن دايما اقول الشكر والحمد لك يارب لانك اخترتلي امي وابي ربنا يخليهملي وربنا يجازيهم عني وعن اخواتي خير الجزاء
لكن حبيت اقول لحماتي شكرا عني وعن زوجي
هي فلاحه مصريه عاديه في وقت كانت الماده فيه قليله اوي والحياه صعبه
عندها 4 اولاد زوجي اكبرهم ويمكن علشان كده مرتبط بامه اكتر من اخواته
لانه كان واعي وشاهد علي الايام الصعبه اللي كانت في اول حياتهم
كان بيشوف امه تصحي الصبح تنظف البيت وتروح لمكان الابقار وتنظف مكانهم وتأكلهم وتحلبهم وتخرج تبيع اللبن
وبعدين ترجع تصحيهم وتصحي زوجها وتفطرهم
وتخرج مع زوجها الي الارض يدا بيد طول النهار
شغل اشغال شاقه الي ان تكبر الزرعه ويحصدوها
وترجع تكمل شغل البيت غسيل وتجهيز اكل ووووووو
وبعد ما الزرعه تطرح وتحصد تتخزن في البيت
وتخرج من الصبح كل يوم علي راسها سبت او طشت فيه كميه من البصل او الخضار او التوم المزروع
وتمشي اقل شيئ 2 او3 كيلو علي رجلها علشان تروح السوق اللي في البلده المجاوره تبيعه
وهكذا دواليك تعب في تعب وشغل في شغل الي ان فتح الله عليهم واشتروا ارض وبنوا بيت كبير
وكبروا الاولاد وجوزوهم والحمد لله
ودائما زوجي يقول لي امي لها الفضل الاول والاخير في اللي احنا فيه
دي قصة حماتي الفلاحه المصريه وقصة كل الفلاحات
ولسه قصتي انا معاها
انا اول زوجات ابنائها وبحاول والله اراعي الله فيها واحفظ لها مقامها
بس اوقات كتير بحس اني مقصره معاها ولو بقلبي
واوقات تانيه بحس بالغيره لما زوجي يشتريلها هديه غاليه
او ياخدها في جنب لوحدهم ويقعدوا يتوشوشوا
ههههههههههههههههههههههه
هي غيره نسائيه هبله بس انا بزعل من نفسي ونفسي ابقه انسانه احسن من كده
مع اني والله ما بعاتب زوجي ابدا علي اي شيئ اشتراهولها ولا ببين لحد اني زعلانه
وحماتي بتحبني جدا وبتحب اولادي جدا جدا
بس برده لازم اقلها سامحيني لاني اوقات بلاقي قلبي مش راضي
وخصوصا لان محدش من اولادها التانيين بيعاملها زي زوجي ما بيعاملها
ويارب زكي نفسي واعني عليها وخليني اعاملها زي امي واحسن
لان ماما دايما تقلي انت لو زعلتيني عمري ما هغضب عليكي ولا ادعي عليك
لكن لو زعلتيها ربنا هينتقم لها منك ومن عيالك
استر يارب وسامحيني يا حماتي
وشكرا يا ام زوجي العزيز
كتبت :
بريق الدرر
-
والله قصة مؤثرة والله في امهات يوزن بالذهب الحمدلله ان زوجك بار بها فبهذا سيحصل على رضا الله عليه
كتبت :
احلي ماما
-
[FONT="Arial Black"][COLOR="#BF3EFF"][SIZE="5"][B]
class="quote">اقتباس : المشاركة التي أضيفت بواسطة بريق الدرر:
والله قصة مؤثرة والله في امهات يوزن بالذهب الحمدلله ان زوجك بار بها فبهذا سيحصل على رضا الله عليه
الحمد والشكر لله والله قصة مؤثرة والله في امهات يوزن بالذهب الحمدلله ان زوجك بار بها فبهذا سيحصل على رضا الله عليه
والله انا بفخر بزوجي وبتمني ان اولادي يبروني زي ما ابوهم بيبر امه
شكرا حبيبتي علي مرورك العطر