فتة العيد من مطبخى
مجتمع رجيم / الاطباق المتنوعة
كتبت :
دوللى
-
حبيباتى كل عام وأنتم بخير وعيد أضحى مبارك
هقدم لكم النهاردة طبق رئيسى وهى الفتة يارب تعجبكم اتفضلو معى
المطلوب مع طريقة التحضير :
غسلت طبقين من الأرز
وحضرت السمنة والزيت حطيت قليل منهم فى الحلة وشوحت الأرز قليلآ وملحته
وبعدها ظبطت الماء وغطيته لحد ماتشرب وقلبته وتركته لحد ما استوى
غسلت الطماطم وقطعتها وضربتها فى الخلاط
بعدها حضرت الثوم ودقيته مع قليل من الملح وكسبرة ناشفة
شوحت التوم مع قليل من الزيت ووضعت الطماطم وشوية خل وملح وفلفل ومرقة ماجى وتغلى كويس واتركيها
طبعآ تكونى سلقتى اللحمة حسب رغبتك والتوابل بتاعتك وحضرت شوربة الفتة
دقيت رأس ثوم كبيرة مع قليل من الملح والكسبرة وشوحتها مع ملعقة سمنة
بعدها حطيت الشوربة وتكون سخنة مع كمية صغيرة من الخل
وقلبتها لحد ما غليت تانى وطفيت عليها النار
حضرت العيش المحمص وقطعته فى صينية
وتسقى العيش بالشوربة وهى سخنة وتغطيه قليلآ
وبعدها تحطى الأرز عليه وغطيه تانى وقدميها مع طبق الصلصة والطرشى
بالنسبة للحمة حطيتها فى صينية وشوحتها مع ملعقة سمنة وبعدها حطيتها تحت الشواية
وكان نفسى أصورهم مع بعض لكن معلش اللى حصل كده
بألف هنا وشفا
ويارب تعجبكم فتة العيد بتاعتى
وكل سنة وأنتم طيبين