طبيخ الباميه من ايديه
مجتمع رجيم / الاطباق المتنوعة
كتبت :
زووووزه
-
جوزى بارك الله فيه نفسه فالباميه( حبكت وأنا عامله رجيم)المهم قلتله من عنيه وطبعا بيحبها مسبكه يعنى مش هدوقها خالص و بما أنه أول مره أطبخ باميه بعد العيد فقررت أشاركوا معايا طريقتها السهله جداااااااااا والطريقه أهى مع الصور :
نقطع اللحم ونشوحها مع شوية زيت بس
نقشر الطماطم ونطحنها مع شوية ثوم وملح
لما تنشف اللحمه نضيف الطماطم
بعد ما تغلى وتتسبك نغطيها بالميه لغاية اللحمه ماتستوى
ررر
بعد كده نضيف الباميه المتقمعه(طبعا أنا مخزنه باميه فى الفريزر)
وأما تبقى حبات الباميه من جوه بمبى يبقى كده استوت ونحضر الطشه (ثوم مدقوق مع ملح وكزبره ناشفه)ونحمرهم شويه ونضيفهم ع الباميه
ونقدمه مع أرز أبيض وعيش بلدي وياسلاااام لو فلفل أخضر حامى
زوووووووووووووووووووووم ع الباميه
وبالهنا على اللى أكلوها