أنا وإمي والمنتدى

السلام عليكم
الموضوع مختصر عن حياتي بالمنتدى طبعا انا مشتركة بالمنتدى الجامعة هيك حياتي في من اول يوم لحد هلا

في بداية تسجيلي في هذا المنتدى(طالب جديد) ما كنت متعودة عليه كتير فكانت امي تنادي عليي ميما
انا : نعم (وعلى طول أروح ارد عليها ..ما شاء الله مطيعة )

لما بديت أتعود على المنتدى (طالب نشيط)
امي : ميماااا
انا : نعم (واضل مكاني )
امي : تعالي
انا : هيني جاي ( واقوم ارد عليها )

اما لما بديت احب المنتدى واتفاعل فيه ( طالب فعال )
امي :ميماااا
انا : .....
امي : ميماااااا
انا : نعم نعم هيني جاي
امي : ولك فهميني شو بتعملي ؟؟!!
انا : كنت فاتحة المنتدى خلص هيني اجيت (وبقوم اشوف الماما شو بدها )

اما لما صرت بمجموعة التميز
امي : ميمااااا تعالي بسرعة
انا : نعم شو بدك احكيلي ( على اساس لو بدها شي اجيبلها اياه بدل ما ارد ارجع ...كسلانة يعني خخخخخ )
امي : شو بتعملي قاعدة عالمنتدى هيني اجيت ...(كملتها لحالها حفضت الدرس ههههههههه )

اما حاليا لما وصل عندي الادمان ع المنتدى شوفو شو صار بيني وبين امي

امي :ميما
انا : نعم
امي :ميما
انا : نعم
امي : ميمااااااااا
امي : نعــــم (انا قلت شكلها مش سامعتني وبعلي بصوتي هههههه )

امي : قومي عن المنتدى وتعالي بسرعة والا .... ( والا بتيجيلي بالعصاي خخخخخ )
انا : طيب حاضر خلص هيني عنجد اجيت
المهم رديت عليها
رجعت عالغرفة وقعدت عالنت
الا امي فوق راسي

انا : خير يما شو في ؟؟
امي :
شو هالمنتدى اللي داوشتيني فيه ؟؟؟ هاتي فرجيني ؟؟
انا : هيو هاد
امي : شو يعني شو بتستفيدي منو ؟؟؟

انا : مممممم هاد المنتدى بجنن روووعة
كل شي بتلاقي فيه من دراسة لترفيه لطبيخ لصحة ... لشوووو ما بدك
حتى الجريدة خلاني استغني عنها كل الاخبار محلية عالمية منوعات واخبار الجامعة
يعني باختصار المنتدى كامل مكمل

امي : اووف اووف كل هاد
انا : ولسا ما شفتي شي في عندك كمان اقسام واشياء حلوة وبتجنن

امي: مممممم طيب قومي يلا كملي الطبخة وخليني اقعد شوي
ههههههههه

انا :


بس مش تفكرو انو ما برد على ماما
يعني في كل مرة بتفرق دقيقتين بالكثير
انا مطيعة والحمدلله (مرضّية يعني )
انشاء الله بكون كل الاخوات بالمنتدى رجيم يردوا