تجربتي من155كيلوا الى تعالواشوفو

للأمانة منقول وأخيرا بكتب قصتي وتجربتي: من 155كيلو.. صار!!! (قولو ماشاءالله وتفضلو) السلام عليكم ورحمة الله وبركاته .. فكرت وايد قبل كتابه تجربتي مع...

مجتمع رجيم / تجارب الرجيم الناجحة
& هديل &
اخر تحديث
تجربتي من155كيلوا الى تعالواشوفو

للأمانة منقول

وأخيرا بكتب قصتي وتجربتي: من 155كيلو.. صار!!! (قولو ماشاءالله وتفضلو)
السلام عليكم ورحمة الله وبركاته .. فكرت وايد قبل كتابه تجربتي مع تحزيم المعده والرجيم واللذي منه

بس استحلفكم بالله اللي تدخل تقول ماشالله تبارك الله ارجووكم لاني عشان احبكم كتبت التجربه وفكرت 1000 مره قبل كتابتها وراح تعرفون السبب بالاخييييييييييييييييييييييييي ييييييييييييييير

على فكره بكتبها كلها بموضوع واحد لاني ماحب المسلسلات والتقطيع واحب افيدكم واتمنى تقرون للاخر رغم القصه الطوييييييييييله
فاللي فاضيه بس تقراها على مهل لاني كاتبه تفاصيل كثييره

في البدايه لما تزوجت كنت متيييينه كان وزني 95 كيلو ... وخلال سنتين صار 120 كيلوووو

وبعد الحمل والولاده وصل لشي لا يطااااااااااااااااااق ((((155)))) كيلووووووووووووو

لااله الا الله كنت فيييل متحرك طبعا هذا اخر مره وزنت لمن شفت الرقم بالميزان الرقمي نزلت على

طووووووول خفت لايوصل اكثر واكثررر

المهم في هالفتره زوجي بدا يعايرني ويزعل مني بالايام ...

بسبب :

1-شكلي صار كتله من الشحم واللحم وخصوصا منطقه البطن ...
قبيح قبيح قبيح
2- بما ان منطقه البطن ( الكرش ) كان اكبر شي بجسمي صار معاي عقم وحاول الحمل ولكن هرموناتي تذبذبت وماخليت دكتور مارحت له اعتقد 6 منهم فوزيه القطان - اسامه صالحه - عمرو - ماجده اليتامى - ووو كلهم رفضو يعالجوني الا لما انزل وزني

3- ماكان زوجي يطلع معي ولا مكان غير الزواره والله العظيم واقسم بالله العظيييم حتى مشاويري البسيطه وبعظمه لسانه قال لي( انحرج امشي يمج ) هو نحيييييييييف وزنه مايتعدى ال 60 كيلووو

4- مافي ملابس داخليه قياسي وحتى عند الممارسه الزوجيه عفوا كانت .... مآساه

5- ( الطامه الكبرى ) الا وهي الشخييييييييييييييير كان زوجي ينام يمي ولمن اقوم الصبح للدوام الاقيه بالصاله ( ماتتخيلون حالتي النفسيه )

6- 3 مرات حاولنا نسافر بس وين اروح السياحه حلاتها مشي وروحات وجيات وانا كنت ماقدر امشي 5 دقايق على بعض ينهد حيييييييلي وحتى الحج كنسلت الفكره وانتو عارفين السبب .............
يكفي الصفا والمروه..... كان مت


7- نظره المجتمع لي وكل مارحت مكان يطالعوني من فوق لي تحت واي محل ادخله على طول يعطوني كرسي اقعد ودوم لما نطلع دوم انا اقعد جدام لان ورا مافيه مكان لي مع البنات وحتى العرس ماكنت ارووووح والله عيال عمي خالاتي ماروح مما سبب لي احراج مع الناس ويقولون لي فلانه ماتقدر ولا توجب

وغير اني بالاصل حلوه والله يشهد علي بس المتن مخرب علي ملامحي والحمدلله ......
فلما اشوف صوري القديمه امووووووت قهر وابجي ابجي ابجي واشوف ولدي وحيييييييييييد لا اخو ولا اخت بسبب سمنتي الفظيييييييييعه
وهذا الشي بعد يخليني ابجي دم عليه
---------------------

يوم من الايام كنت في الشغل جتني وحده من زميلاتي بقسم ثاني قالت لي توه جت بنت عمي مسويه تدبيس معده كان وزنها 120 وصار 70 كيلووووو يعني اخسرت 50 كيلو بس ماذكر بجم شهر ؟؟ بالبدايه مااهتمييييييت وتضايقت منها قلت هذي اشتبي منو اشتكالها ؟؟؟؟؟؟؟؟
وكل عاده مثل ماذكرت بنقطه سابقه الكل يشوفني يقولي ليش ماتسوين رجيم
ومره شفت زميله بيني وبينها سلام بس .. مرت علي جان تقولي يانا ياأنتي مع هالمتن !!
المهم وانا مطنشه وبس اعلف وخصوصا من الوجبات السريعه بيتزا هت وهارديز... والخ
كنت كل اسبوع اوعد زوجي ابتدي رجيم اسويه يومين والثالث تلاقيني ادبل اكلي
زوجي يقول لي هااا شخبار الرجيم .. اقوله تماااااااام ولما يطلع همممممم اللي اكو واللي ماكو اكله
يعني تخيلووو وحده وزنها قريب ال160 وطولها 162 ههههههههه يعني طولها وعرضها واحد هههههههههههه
تدرون منو قال لي هالكلمه ؟؟؟؟؟؟؟؟؟؟؟؟؟؟؟؟؟؟
دكتور مستشار
يوم بغيت اعالج للحمل
اول شي خذا وزني وطولي ( هذا منهجهم )
لمن خذوه قالي
ايه يابنتي انتي طولك وعرضك واحد ...
قدام منو ؟؟؟
قدام زووووووووووجي
فششششششله فشششششششله والله يومها انقص وجهيييييي نصين
تمنيت احذفه باللي برجلي تكرمون من الحره
المهم
ولا اثرت فيني الجمله
-----------
جي يوم وانا قاعده مع زوجي على ضحك قالي يابقره !!!!!!! اول مره تطلع من لسانه هالكلمه
لما قام يتمادى ويقولي اياها كل وقت حتن قدام ولدنا
لمن قام ولدي يقولي ماما انتي كبيييييييييره ( فهمتو قصده ) ؟؟؟؟
---------
الموقف الاخير
يوم خالتي ام زوجي مره مع السوالف قال ان فلانه اللي هي انا اطول من فلان اللي هو زوجي ولدها
وبالحقيقه هو اطول مني ب5 سم
انا طولي 162
وهو 167

وتفشششلت حتى مرت حماي حست فيني تضايقت حيييييييييييييييييييييييييل

المهم هذي المواقف نقطه من بحررررر

ولا اثرت فيني اليما جا اليوم الموعوووووووود
الحين بقولكم.

لما يوم من الايام طلعت من الحمام تكرمون وسمعت وليدي بغرفته يتكلم مع احد وكأنه يسوووولف مع احد .... منو ؟؟؟ مافي احد
ماعندي شغاله وقتها طالعه
وزوجي بالدوانيه
ولا عندي عيال غيره
ولا جاره ؟؟؟؟؟؟
عيل منوووووووووووووووووووو
ولا قاعد يكلم روووحه
حبيييييييبي والله العظيم وقفت ورا الباب اشوف شيسوي
ولا اشوفه يلعب ويمثل ان احد يلعب معاي
كانه مجنون يكلم حاله ( لان ماعنده من يلعب معاه )
غرفته متروووووسه العاب
بس كلهم جماد من غير رووووووووح
هني خلاص ارررت
بمكن تشوفون الموضوع هين
بس جد هزتني
هزت جسد ثقيييييييل حيييييييل
هزت جسد عن 3 اجسااااااااااد
المهم
رحت اخذت حبوب اللي تسد الشهيه
مانفعت معاي
كنت بدل الحبه ابلع 2 و3 مافي فايده كأني ابلع هواااااااااااا
آآآآخ شسوي بس
ماني قادره اسكر حلجي
ماني قادره اسيطر على نفسي
كل تفكيري شنو بتغدا اليوم
شنو باكل باجر
ليش؟؟ ليش؟؟
لاحول ولاقوة الا بالله العظييييييييم
اشوف زوجي يطالع هني وهناك وقلبي يعورني ادري وده ووده ووده
اشوف خواتي ماشاءالله جسمهم كل وحده احلى من الثانيه
اشوف صديقاتي بالدوام وبالعايله ووووو
حتن امي ام 60 سنه ماشاءالله تبارك الله ضعيفه بس انا كبببببببببببببت


الين جات اللحظه الحاااااااااااسمه .........
طحت مريضه وجاني هبوط حاد لما جو الاسعاف بيشيلوني واحد منهم قال مانقدر نشيلها سامحوني
وحاولو مره و 2و3و4و5 وزوجي يشوف زوجته بين الرجاجيل اللي عصب قالي وانا مريضه:
والله ان طبتي وماضعفتي بطلقج
المهم تعبت وااااااااااايد وفكرت وفكرت وفكرت
كل شي اتعب فيه كل شي والحمدلله على كل حال
حتن صلاتي اتهاون فيها والسبب ثقلي
اصلي يوم و5 لا
استغفر الله ربي واتوووووووب اليه
استغفر الله ربي واتوووووووب اليه

اتصلت على زوجي ووو

قلت له حبيبي خلاص انا قررت اسوي عمليه تحزيم معده مو تدبيس ( الدكتور اقترح التحزيم لي )
قالي من وين نجيب فلوس واحنا قطيناها على اطفال الانابيب
قلت له ابوي مستعد وهو اللي قالي
بالفعل بنات ابوي كلمني بيوم الخميس يوم زوارتنا قالي انا مستعد اعطيك من ال1000 لي ال 20000
بالبدايه زوجي مارضى
بس بعد اصرار ومن شخيري اللي مايخليه ينااام وافق
-----------------------------

سويت استخاره وطلعت زينه

اخذت موعد عند دكتور ممتاز سويت له بحث ووو اخترته
اسمه خالد شرف
رحتله واخذت موعد مع زوجي
طلب مني تحاليل كثييييييييييره
سويتها
وسيت تخطيط قلب واشعه وضغط وكل شي
والحمدلله كل شي اوووووووووووووووووووكي

يالله اشكثر كنت خاااااااااايفه وايد وايد

تشهدت يومها ووصيت على ولدي خفت وايد انه يتيتم

بس فضلت هالشي ولا يعيش مع ام متينه مفرطه بالمتن
مع احترامي لك المتان

رحت لامي قلت لها حلليني وسامحيني وقعدت تكتم عبرتها تقولي لاتسوين جذي بتردين لنا وتصيرين ضعييييفه ان شاءالله

ياترى هل راح اصير ضعيفه ولا لأ؟؟؟؟؟؟


دخلت غرفه العمليات واشوفهم يدفوني من غرفه لي غرفه واللون الاخضر يااااااااااااااااااااي اكرهه
واسمع كلام واشوف شي ينحط في ايدي 1 2 3 خخخخخخخخخخخخخخخخخخ

اخر شي سمعته صوت الممرضه تقولي اشفطي .....

قعد على طراقات الدكتور هههههههههههه وقلت الحمدلله ما مت وماحس بشي بس احس ان شي يغزني على صدري

باختصار ... العمليه بسييييييطه ولله الحمد ماشاءالله تبارك الله
اللهم بعض الآلام المحتمله ..
اعطوني ادويه مسكنه وتعليمات صارمه
منها الاكل بهدوووء ومضغ جيد وسوائل ووووو


رجعت بيتي وانا ابكي اقول ماكنت ابي اوصل لهالمواصيل
على فكره العمليه كلفتي كلها على بعض 2200 دينار كويتي
من عمليه وادويه وتحاليل واقامه م. ومسكنات والحزام وووكشوفات
وانا بالبيت اول اسبوعين سوائل
ووزني (((((((((((((((((((((( 147)))))))))))))))))) ماشاءالله من اصل 155
الوزن الناقص 7 كيلو
يعني بمعدل كيلو كل يومين
زين
الحمدلله

طبعا الحاله النفسيه زفففففت صادف الشهر اللي بعده عزايم وحفلات هم ياكلون وانا بس اشووووووووووف
بس شوفو النتيجه بعد شهر ونص من العمليه
قولو ماشاءالله
صار وزني
136 كيلو من واقع 155 الناقص 19 كيلوو
ماشاءالله تبارك الله
تعبت نفسيتي اكثر جي رمضاااااااااااااااااااااااان هههههههههه شهر العباده والاكللللللللل
ريحه المقالي تعبت نفسيتي بس ماقدر آكل من اشوف الاكل اششششششششبع
ومرت الاشهر بعد رمضان الين عيد الاضحى
ماااااااشاءالله تبارك الله قولو ماشاءالله
وقفت على الميزان وصار العيد عيدين
ولا كم وزني
118 كيلو جرام والحمدلله
الف الف الحمدلله والله يومها بكيييييييييييت لني حارمه نفسي اني اشوف وزني الا بالعيد
يعني ماشاءالله نزلت من موعد العمليه الين عيد الاضحى ( خمسة شهور تقريبا )
37 كيلو
اذكرو الله

المهم بهالفتره ماقللت اكلي وصرت اكل اكثر من كل مره
وبهالفتره ماضوقت الحلقه الحمدلله
فبعد العيد رحت ضوقتها
2 سم
بديت امشي والجو صار حلوووو
والناس بدت تلاحظ اني ضعفت حييييييييييل
118 متينه بس
الفرق عن اول كأني ضعفت سمبتييييييييك
المهم
تقريبا صرت امشي بالاسبوع 3 مرات على حسب ظرفي واشد جسمي لان الترهل صار
من جهه الذراعين والبطن والفخذ
وزوجي يقولي بعد المشي تسبحي بماي بااااااااااااااارد
كنت اسويها عشان خاطره رغم اني اكررررررررررره اتسبح بماي بارد

وخلال شهرين مع المشي والرياضه البسيطه اقول بسيطه لان مو كل يووووووم
يعني 3 الى 4 مرات بالاسبووووع
غير اني مااكل دسم ولا حلوووووو نهاااااااائيا والسبب ان معدتي تعلمت على قلتها
والحمدلله
وصل وزني99 كيلو
ماشاءالله ماااااااشاءالله
يعني خلال شهرين 19 كيلووووووووووووو
وودعت ال 3 ارقام
تبااااااارك الله والف الف الف الحمد لله
واسمريييييييت وماضوقت الحلقه بعدها ليوووومكم
والحمدلله بس من السنه اللي طافت الى رمضان اللي فات هذا ثبت وزني على الـ............
مفاجأه
قولو ماشاءالله


لا اله الا الله

79

يعني خلال سنه تقريبا
نزلت
من 155
الى 79
المجموع:
76 كيلو ناقصه

امس طلعت صورتي قبل العمليه والله العظيم مافي فرق بيني وبين كبت ولدي الصغير
خلفيتي اختفت
زنودي راااااااااااااحو
وجهي انصفق صار وجه بحق وحقيقي ( قبل كان كتله من الخدود )
والله حتى زوجي ماقام يطلع من البيت
اقولكم الاشياء اللي تغيرت خلال سنه
(( سبحان مغير الاحوال ))

حملت وانا الحين بالشهر الثاني تقريبا ( ادعولي الله يثبته)

زوجي اشترا لي ملابس داخليه بنفسه وكللللللللهم مقاسي وانا فخوووووره بهالش

اقسم بالله العظيم رب العرش العظيم ان زوجي تغييييييييييييييير 180 درجه ويقول ماقمتي تشوخرييييييييين ولا حتى نفس

ثقه بالنفس مامنها ثقه حتى ملابسي او بالاحرى عباتي القديمه لو بفصل منها 2 يكفون لي عباتين
قمت اطلع اروح واجي واعرااااس اللي امشي الكل يسألوني اشلون ضعفتي


ووحده من اهلي قبل كانت تستهزأ بسمنتي صرت اضعف منهااااااااااااااا واحلى منهااااااا

والحمدلله رب العالمين
تبارك الله ماشاءالله
اختكم جووووونا

أنثى أبكت القمر
شكرا ياقمر على النقل المفيد
وان شاء الله الجميع بينحف وما بيحتاج لعمليات ولا غيره
المهم الاراده تكون قويه
& هديل &
منووووووووره غلاي
ام نهيلة و لينة
يارب يكملك بالخير.الله يحفظك و تحلي بالارادة ولا تضعفي امام الاكل.
°¨¨™¤¦ سوسي الننوسي ¦¤™¨¨°
والله انها قصة في غاية الروعة انا اندمجت فيهاااااا وزااااد أصراري والله المتن صعب فيلو دمار بالصحة الله ينحفنا بخير تسلم ايديكي ياعسل
بحر الأمنيات
منقوووووووووووووووووووووووووووووووووووووووول

حولت عيوني ونا أقرا بالاخير منقووووووووووووووووووووول

والله حلوة القصة

يااااااااااااااااااااااااااارب أنحححححححححححححف
الصفحات 1 2  3  4  ... الأخيرة

التالي
السابق