اسئله محيرتني

بسم الله الرحمان الرحيم
السلام عليكم ورحمة الله وبركاته
حبيباتي كل هالاسئله في بالي وحبيت اتاكد من صحتها واتمنى انكم تساعدوني
س1- هل صحيح كلام الريجيمات (ريجيم ينقص 50 كيلو في شهرين ) ( ريجيم ينزل 30 كيلو في شهرين )( ريجيم ينزل 10 كيلو في اسبوع) ؟ وهل رجوع الوزن يكون فيها سريع ام لا ؟
س2-تقريبا كم يكون معدل نزول الوزن يوميا تقريبا ؟
س3- كم ساعه تلعبين رياضه وايش نوعها عشان الجسم ما يترهل وينزل الوزن ؟
س4- ما هو افضل وانسب وقت للعمل الرياضه (نهار او ليل ) ( بعد الاستيقاظ بكم ساعه ) (تكون نهار وليل ولا بس فتره وحده ) ؟
س5- افضل تكون الرياضه متواصله ولاعادي ؟
س6-يصح اكل وجبات سريعه ( من المطاعم ) ولكن تكون مشويه وبدون جبن وبدون مايونيز ونصف الساندويتش في اوقات شراء الاهل لمثل هالوجبات ولا تؤثر على الريجيم ؟
س7- لو كنتي مسويه حفله وانتي مسويه ريجيم لازم بتشتهي وتاكلين مع الناس عادي تحذفي وجبه عشاء يوم قبل العزيمه وغذاء نفس اليوم حتى تستمتعين بالاكل معهم بدون هم ارتفاع الوزن ام لا ( طبعا بالتخفيف في الاكل معهم )؟
س7- متى يبدا الجسم بالترهل من اي اسبوع اوشهر من ايام الريجيم ؟
س8- مين اصدق لمعرفه نزول وزنك ( انظار الناس )او ( الوزن في الميزان ) او ( قياس محيط الخصر والارداف ) او (الملابس وشكلك فيها ) ؟(× واي واحد يكون اسرع في ملاحظته نزول الوزن ؟
س9- متى يدا قياس ملابسك يتغير بعد كم كيلو تنزلين وقياس كم سنتمتر من محيط كل من الخصر والارداف ؟
س10 - ماهو اول جزء من اجزاء الجسم ينحف اسرع من غيره ( الصدر - الوجه -الخصر -الارداف -الزنود - الارجل -الذقن ) ؟
س11- هل كلام المكتوب بالعلب صحيح ولا ليس له شيء من الصحة ( قليل دسم )( منزوع دسم )وايش يقصد بالدسم فيها ؟
س12- ايش اقل واكثر البروتينات سعرات حراريه ( اللحوم البيضاء او الحمراء ) ( لحم غنم -دجاج - سمك -ربيان ) مع العلم انها تكون بالفرن او مسلوقه او مشويه وليست مقليه ؟
س13- ومين اقل سعرات حراريه السق ام الفرن ام الشوي ولماذا ولا كلهم نفس عدد السعرات الحراريه لنفس القطعه ؟
س14 - شرايكم بالحليب مع الريجيم ؟ واول شيء تلاحظينه بنفسك في بدايه الريجيم ايش ( حركتك اصبحت اسرع ) ( وزنك ) وغيرها ؟
س15- كيف تعرفين انه جسمك يحبس ماء او بدت تتكون العضلات ؟
س16- هل الريجيم يكبر الصدر او لعب الرياضه يكبر الصدر واذا كان يكبر الصدر كيف تحلين هالمشكله عشان لا يكبر صدرك ؟
تعبتكم معي بالاسئله بس اكثر الناس لما تسوي ريجيم تسال نفسها هالاسئله اتمنى تفيدوني ويحقق الله امانيكم واهدافكم

والله نص اجوبة هالاسئله مااعرفها انشاء الله الصبايا يفيدوكي موفقه بانتظار الاجوبه لاني انا كمان يدور في بالي اشياء كثير

ج1 مادري بس اني سوست رجيم ينقص 10 كيلو باسبوع وكنت ملتزممة فيه بالحرف وتالي مانقصت الا كيلوين بس تخيلي والرجيم قاسسي مااره واسوي رياضة بعد بس كيلوين نقصت رجوع الوزن فيها لايكون سريع ولا بطئ بس انتي مجرد ماتاكلي شئ بيرجع وزنش
ج2 اتوقع يوميا ومن دون تخبيص والتزاام تام ورياضة اتوقع نص كيلو
ج3 اسوي اذا كنت ملتزمة نص ساعة واذا خبصت ساعة كاملة وتكون مشي وتحركي ايدش وراء وقدام ورقص شرقي يعني رقص تهزي جسمش فيه تخليه يتحرك وفي حركة يقولش مرره تمحي المؤخرة محححي اسويها مع الرياضة بقولش عليها اسمعي تقعدي في مكان وانتي قاعدة تمدي اراجلش وتوصلي لعندهم وانتي قاعدة سوي 5 مرات روحة وجية يعني 10 تالي نامي على ظهرش وارفعي ارجوش ونزليها 30 مره والرجول الثانية بعد وارفعي ايدش ووديها على وراء وقدام كل ايد 30 مرة تالي تخلي ايدش على وراء وارجولش ممدودة وتقومي من دون ماترفعي ارجولش هاذي للبطن والمشي السريع اهم شئ واركضي بعد بس مو قدام احد هههههههههههه خلش لحالش نفسي
ج4 اسويها الليل ع الساعة 11 او 12 او 1 وقت متاخر يعني
ج5 متواصلة احسن
ج6 مادري احس انها تاثر لان احنا نبغى بسرعه نلتزم وننقص عشان كذا بنصبر ونتحمل
ج7 ايه من اول اليوم ماراح اكل شئ لين العشاء
ج8 احس انظار الناس اقوى شئ يعني يقولوش ضعيفة تممام والوزن ماتوقع مهم واييد المهم انه يبين على الجسم انش نحفانة
ج9 مادري والله لاكن اكييد اذا نقصتي واييد بيتغير المقاس ويدخل فينا
ج10 اتوقع الزنود مو الزنود هذا اللي يكون فوقهم يعني يصير تحت الرقبة
ج11الدسم نسبة الدهون حتى لو ماكانت صحيحة بس ماعندنا شئ غيرهم ناكلهم يعني وش نسوي
ج12 السمك
ج13 السلق اتوقع بس يمكن يكون نفس الشئ بس السلق تكوني متاكدة انش تسوي الصحح
ج14 الحليب تمام ولا اوصيش به يخلي الوجه صاااافي وينظف البطن اول شئ الاحظة حركتي تكون سريعة
ج15 بدت تتكون عضلات مادري بس الملح هو اللي يحبس الماء
ج16 الصدر احسه حساس واحنا نسوي حركات ماندري اذا كانت تكبره لو تصغره
لا شدعووه ماتعبتينا ولاشئ حياش بكل وقت اتمنى تكووني بخير تحياتي لش

اسئلتك كتير مهمه وحلو وفيها الي بعرفه وفيها الي ما اعرفه
لكن الاجسام من وحده لوحده غير انا بوزن نفسي بكون زايده لكن على المقاس بكون نازله من 1 الى1.5 سم في ناس بتشوفك صح وفي ناس مابتشوفك يعني انا نازله 7 كيلو وجوزي منتبه ومشجعني لكن لما ازر اهلي بيحكولي كلمالك بالعرض وان نازله ولما احكي اني نازله بيضحكو علي بروح ياسانه وامرات ببكي لازم ما اطلع من االبيت وقت الرجيم معلش انا رغايه انسيت باقي الاسئله هههههههه

مشكورين على المرور حبايبي
ويعطيك العافيه سماء ميرال
وان شاء الله تستفيدين ياالله حبيبي من اجوبه البنات
وهنادي عليوات لاعادي حبيبتي اهم شيء شرفتيني بمرورك
شرفتوني بمروركم
وبانتظار باقي البنات عشان يساعدونا

انانفس سماءميرال