مؤتمر عاجل لبحث مشكلة السمنة قبل العيد

السلام عليكم و رحمة الله و بركاته اسمحولى انى اكتب خواطرى انا كمان اول ما بدات من شهر يناير اللى عدى تقريبا كنت احس انى تايهة و مش عارفة ابتدى منين و...

مجتمع رجيم / أرشيف رجيم
ام_مريم
اخر تحديث

مؤتمر عاجل لبحث مشكلة السمنة قبل العيد

مؤتمر عاجل لبحث مشكلة السمنة قبل العيد

السلام عليكم و رحمة الله و بركاته

اسمحولى انى اكتب خواطرى انا كمان اول ما بدات من شهر يناير اللى عدى تقريبا
كنت احس انى تايهة و مش عارفة ابتدى منين و اول اليوم امشى كويس فى الرجيم
و بعد شوية يجينى فى بالى معقول هتقدرى على كل هذه الشحوم يا ستى انتى خلاص عديتى
الميت كيلو و لا يمكن هتنزلى منها و لكن بقيت اشجع نفسى و كان عندى جهاز سير و اول ما بدات اعمل رياضة عليه عطل
و بدات نفسى تقولى اهو شوفتى ما فى شئ بيساعدك انك تنزلى و فعلا قولت خلاص لازم ارضى بحالى كدة و بقيت اكل
اكثر من الاول و قول بكرة ان شاء الله هبدا و لكن بكرة ميجيش و طبعا مع الاكل و عدم الحركة الوزن بيزيد و التعب بيزيد و ظهرى
مكنتش اقدر افرده و لو مشيت خطوتين انهج و نفسى يتعب غير النفسية الزفت كل اللى حولى يضحكوا عليا و زوجى زهق منى
وو اهرب من كل المناسبات و مفيش ملابس على مقاسى حتى العبايات مكنتش بلاقى عباية على مقاسى فجلست ابكى على حالى
و قولت لحد امته لحد امته هقبل بوضعى ده و ياريت المشكلة ثابتة لا ده وزنى بيزيد و اللى ساكت و مستحملنى دلوقتى و بيقنع فى نفسه
انى الوضع مؤقت اكيد بكرة هيزهق لما مش هيشفنى بدات اشوف حل لمشكلتى و بعدين هفضل كدة لحد ما كل الناس تبعد عنى و الاقى نفسى وحيد لانى
كنت بتعب حتى اقوم املا كوباية ميه مكنتش بقدر اتحرك خالص و دعيت ربنا يارب عينى انا تايهة و مش عارفة اعمل ايه و عزيمتى ضعيفة و ارادتى صفر يارب ارجوك
اقف بجانبى مليش غيرك حد فىالدنيا ديه و فعلا بدات بعمل الرجيم و قولت حتى لو السير عطل رياضتى هى شغل البيت و انزل اشترى طلبات البيت بنفسى
و بدات و ربنا الحمد لله استجاب دعوتى و اكرمنى و بدا يفتحها عليا و نزلت تماريتن من على النت و بدات اعملها و طبعا فى وسط ده كله وقعت كتيييييييير و زهقت كتير
و الحمد لله كنت ماشية من اول رمضان كويس لحد اخر يوم الجمعة اللى عدت وزنت و قولت ادى لنفسى اجازة يوم من الرجيم و اليوم بقوا يومين الجمعة و السبت
و بدات التزم من الاجد و جيت للاثنين اللى هو امس للاسف كان عندى ميعاد مع دكتورة سمنة و نحافة و اول مرة اروح لدكاترة فى التخصص ده انا ماشية مع نفسى
و لكن كل اللى حولى قالولى احسن تكونى ماشية غلط روحى و اطمنى رحت بقه يا سادة عقدتنى فى عيشتى ده ممنوع و ده ممنوع و انا مكرهش فى حياتى اد اللى

يقعد يتشرط عليا و يمنع ده و يمنع ده ممكن انا ما اكله من نفسى لكن اكره اللى يتحكم فيا و اللى زاد الطينة بله انها ورقة واحدة اديتهالى و اعطتها اللى كانت معايا
بالكشف و نفس الكلام و انا اول مرة اروحلها كنت اتوقع تطلب منى تحاليل تسمع منى ايه المشكلة اللى بتسمنى و ايه اللى بحبة فى الاكل و ايه اللى بكرهة ده كله
كان فى خيالى انا بس و للاسف محصلش طبعا خرجت و انا كارهه نفسى و الدنيا و جيت على الفطار خايفة اكل لقمة زيادة احسن اخالف التعليمات و حسيت بكبت رهيب
و قومت طلعت كل اللى فى التلاجة عندى من حلويات و نشويات و كل الممنوع فى القائمة بتاع الدكتورة و اكلته و بعدين حسيت بالحسرة لكننى قولت مفيش دكاترة تانى
و مش هروح لا لدكتورة و لا دكتور الا لما اوصل للوزن اللى انا عايزاه و اروح اثبت ان شاء الله و مش هروح عند اى حد و بس لا لازم يبقى حد محترم مش حافظ كلمتين
يرصهم لكل واحد داخل عنده المهم ببص لاقيت النهارد 19 رمضان يعنى 18 يوم عدوا و ما باقى غير 12 او 11 يوم خلينا نقول 10 عايزين خطة كويسة للمدة اللى باقية ديه
و بالنسبة ليا كمان اناا ميعاد البيريود عندى قربت بس ان شاء الله هاقسم على نفسى انى مش هلغبط لحد اخر رمضان و القسم ده هيتجدد كل فترة ان شاء الله فكل واحدة
عندها اقتراح ياريت تقوله كلنا نستفيد منه و ربنا يوفقنا جميعا

المصدر: مجتمع رجيم


lcjlv uh[g gfpe la;gm hgslkm rfg hgud] gfdj

يالذيذ يا رايق
اخر تحديث
ربنا معاكى يارب
وتوصلى للى نفسك فيه
وشجعى حالك
وربنا يوفقك
♥♥..fafy..♥♥
اخر تحديث
حبيبتي ام مريم
لا تزعلي ولا تيأسي
كلناا بنمربهيك حالة عادي
طولي بالك وتتوكلي على الله
أهم شي التوكل على الله
وبععدين تجي الأخذ بالاسبااب
يالله حبيبتي استغلي فرصة هاالعشرة ايام وادعي يارب تنحفي على خير
وامشي عالتخفيف بس مشان ما تحرمي حالك وبعد العيد ان شاء الله التزمي برجيم محدد
والله يوفقك ويوفقنا جميعا
مي1987
اخر تحديث
موفقة حبيبتي على الموضوع الروعة
وشكرا لمشاركتنا تجربتك
وكلامك عسل ومقنع جدااااااااا
عقبال الخمسينات يا احلى ام مريم
Sãmð
اخر تحديث
حبيبتي ام مريم لا تياسي كل شيء بالاصرار و التحدي يتحقق باذن الله و ما في كلمة مستحيل .........!!!!!!!!!!

شدي حيلك و رح تنحفي بارادة الله و ارادتك يا قمر
ميمي الحبوبه
اخر تحديث
أم مريم ليه كل هذا التحطيم وأنتي أنجزتي كثيررررررر ماشاء الله لاحظت أنه وزنك كان106 وذحين 69هذا فرق كبير وإنجاز بحد ذاته وأكيد جسمك تغير بعد هاذي الخساره
خلاص راح الكثير ومابقي غير القليل الله يوفقك يااااارب ويحقق لك ماتتمني ويحقق لكل وحده مرادها ياااارب
أستمري على نفس الطريق وبإذن الله بيتحقق حلمك
الصفحات 1 2 

التالي

الأسود يميز المجموعة الجديدة من 2012

السابق

حوار العروسين في اول يوم

كلمات ذات علاقة
لبيت , مشكلة , مؤتمر , السمنة , العيد , عاجل , قبل