امسك اعصابك || بناديلك تعالى|| لا يفوتك

مجتمع رجيم / فضفضة

كتبت : لا تحزن وسبح ربك

align="left"> السلام عليكم ورحمة الله وبركاته

أولا : إمسك أعصابك

لو كنت داخل الموضوع من بحث مثلا وبتدور على الشريط فبالله عليك ما تضايقش ...واعرف ان ربنا أراد بيك الخير انك تدخل هنا ... ومتقفلش الصفحة واصبر واستنى واقرأ يا عم منتاش خسران حاجة ... والحكاية كلها كام سطر لله يا أخى

لو كنت عضو فى المنتدى وهتقول ايه ياعم المشرف اللى كاتبه ده ... هو الراجل ده حصله ايه ... متخافش احنا مش حاطيين الشريط ولا حاجة

ثانيا : هأجلها لآخر الموضوع ... يلا بقى ندخل فى الموضوع ... يلا أقرأ يا عمونا

شوف يا باشا ... الحكاية ان الآن عدد غفير من شبابنا بيقلب فى النت بيدور على الشريط أو اغنية مسروقة ... وبينتظر اللحظة اللى يدخل يحمل فيها الشريط mp3 high quality... والأمر ده بيتكرر كل سنة أو سنتين ... واللى فيهم الشريط ده بيتقطع تشغيل لدرجة ان سماعات جهازك نفسها زهقت منه ... مش ده اللى بيحصل ولا أنا غلطان ؟؟؟

طيب بص ... انا مش هقلك تخيل لو انت سمعت فى الوقت ده سور من القرآن مش يمكن تكون حفظتها زي ما حفظت الأغاني دي ... ده غير الحسنات الكتير اللى كنت اخدتها ...

ولا هقولك الأغاني حرام ( ومش معنى كده انها مش حرام وانت عارف من جواك ) لإن انا لما بطلت اسمع اغاني ( ايوا ياعم هو انت فاكرني مولود بلحية ولا إيه ... ربنا يثبتنا )مبطلتهاش لما عرفت انها حرام ... لا بطلتها لما عرفت أد ايه كلام ربنا حلو .. واد ايه الفايدة اللى بستفادها لما اسمع شريط في الدين او حتى اسمع كلام علمي عن اى موضوع مفيد... وحسيت ان حياتي ليها طعم جديد وليها قيمة وفايدة ...

أنا هقولك بعد إذن سيادتك بس ... لو ممكن أخد من وقت حضرتك أد وقت مرة تشغيل للشريط ده ... هاخد من وقتك نص ساعة بس أو ساعة ... تدخل هنا وتشوف المواد الموجودة على الرابط ده ... ( وكلها روابط مباشرة ) ... وافتح قلبك ليها... وزي ما بقلك لو عرفت ربنا وقلبك قرب منه هتعرف لوحدك انت محتاج الشريط ده او غيره ...وهتعرف لوحدك الاغاني حرام ولا لأ .. وصدقني ودي أهم نقطة ... هتعرف أد ايه حياتك ليها قيمة كبيرة جدا جدا جدا ... وإن كل ثانية فيها ليها قيمة كبيرة جدا ... ولازم من الآن تاخد قرارك وتقول راجعلك يارب

ادخل على الرابط التالى

>>>>>> اضغط هنا <<<<<<<

قبل ما ننهي ... انا قلت هقول النقطة التانية فى الآخر وهي انى مكذبتش فى العنوان لان حصريا ( الكلام حصري مش هتلاقيه في مكان تاني ) الألبوم ( اننا هنتكلم عنه هنا يعنى ) تحميل بروابط مباشرة ( وده من خلال الرابط اللى وضعته )
أنا جاي انهارده أمدلك ايدي واقولك هات إيدك ..

مش نفسك تفضفض لحد وتحكيله همومك ..؟؟؟

احنا هنا كلنا إخوانك يا حبيب قلبي ..

والبنات هنا كلهم أخواتك يا أختي ..

ونفسنا تسجلوا معانا في الطريق الى الله وتمدولنا ايديكم علشان ناخد بإيد بعض للجنة بإذن الله ..

هتسأل وتقول:
هي الناس دي تاعبة نفسها معايا ومع غيري لييييه ؟

هقولك علشان إنتوا أخواننا وأخواتنا.. أيوه أخواننا وأخواتنا..

وخايفين عليكم وبنحب ليكم الخير زي ما بنحبه لنفسنا بالظبط ..

ده حتى إيمان العبد مش بيكتمل غير لما يحب أخوه ويخاف عليه زي نفسه ..

قال رسول الله :
(لا يؤمن أحدكم حتى يحب لأخيه ما يحب لنفسه)

وكلنا في مركب واحدة .. ولازم ناخد بإيد بعض..
ناخد بإيد بعض في الدنيا ، علشان في الآخرة نتقابل مع حبيبنا ونشرب من إيديه ونبقى معاه في الجنة ..

هتقول :
بس أنا ماستحقش إني اكون عضو في المنتدى ده !!
او اكون وسطكم أو اكون أخ لناس زيكم !!!
انتو ناس طاهرة وعالم محترمة وبلاش توجعوا قلبكم مع العالم اللي زيي !!!

هقولك : مين قال كده يا حبيب قلبي ؟؟
كلنا اصحاب ذنوب ومعاصي ومفيش حد فينا معصوم .. كلنا بنغلط وبنتوب ..
وإنت بإذن الله بعد التوبة سيئاتك كلها بإذن الله هتتبدل حسنات وممكن تكون اطهر وأحسن مننا 100 مرة..
وملكش دعوة بالدوشة ووجع القلب ..
احنا يا سيدي عالم غاويين وجع قلب .. بس انت سجل وادوشنا واوجع قلبنا براحتك ..
وإن شاء الله هتتغير وتبقى احسن واحد في الدنيا ..
بس خلي عندك أمل ويقين في الله عز وجل ..

الصحابة كانوا بيقولوا إن سيدنا عمر بن الخطاب مستحيل هيدخل الاسلام ..

مستحييييييييييييييييل ده يحصل !!

لدرجة إنهم كانوا بيقولوا :

(لو أسلم حمار الخطاب ، ما أسلم عمر !!!)

يعني فيه امل ان الحمار ممكن يسلم إنما عمر لأ !!!

تخيل فقدان الامل وصل لمرحلة ايه ؟؟؟

ولكن زي ما قولتلك الأمل في الله موجود ولا ينقطع ..

وعُمر أسلم .. وبقى سيدنا عمر بن الخطاب .. الفاروق ..

أمير المؤمنين وثاني الخلفاء الراشدين ..

علشان كده بقولك اوعى تيأس ابداااااااااااااااااا..

ومهما غلطت أو عملت ذنوب ومعاصي قوم واتوضا وصلي ركعتين توبة وتاكد إن ربنا هيقبل توبتك ..

هات قلبك .... هات ايدك .. وهتلاقينا معاك ..

هنكون جنبك.. ومش هنسيبك أبداً بإذن الله ..

مستنيينكم بإذن الله تسجلوا وتتواصلوا معانا

نحبكم في الله ..

وفى الختام ... دعاء

اللهم يا تواب يارحيم .. يا ذا العرش المجيد ... يا حي يا قيوم ... اللهم صلى على سيدنا محمد وعلى آله وصحبه وسلم ... اللهم تب علينا توبة ترضيك عنها
... اللهم اعنا على أنفسنا ... اللهم طهر قلوبنا واجعلها خالصة لك ... اللهم اعفو عنا واغفر لنا وارحمنا ... اللهم اختم لنا بحسن خاتمه واجعل قبرنا روضة من رياض الجنة ...
وارزقنا رفقة حبيبك محمد صلى الله عليه وسلم فى أعالي جنان الخلد ...

اللهم آمين

((((((((( الرجاء النشر في كل المنتديات والجروبات ... )))))))))))

كتبت : صفاء العمر

جزاك الله خير فارسة الاسلام
وبارك الله فيك
وازيد على ماقلت

سئل سماحة الشيخ عبد العزيز بن باز رحمه الله تعالى السؤال التالي :
أنا شاب قد أسرفت على نفسي في المعاصي كثيرا ،
حتى أنني لا أصلي في المسجد ولم أصم رمضان كاملا في حياتي ،
وأعمل أعمالا قبيحة أخرى ،
وكثيرا ما عاهدت نفسي على التوبة ، ولكني أعود إلى المعصية
وأنا أصاحب شبابا في حينا ليسوا مستقيمين تماما ،
كما أن أصدقاء إخواني كثيرا ما يأتوننا في البيت وهم أيضا ليسوا صالحين ، ويعلم الله أنني أسرفت على نفسي كثيرا في المعاصي وعملت أعمالا شنيعة ، ولكنني كلما عزمت على التوبة أعود مرة ثانية كما كنت .
أرجو أن تدلوني على طريق يقربني إلى ربي ويبعدني عن هذه الأعمال السيئة . فأجاب رحمه الله تعالى
يقول الله عز و جل : ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ) سورة الزمر

أجمع العلماء أن هذه الآية الكريمة نزلت في شأن التائبين ،
فمن تاب من ذنوبه توبة نصوحا غفر الله له ذنوبه جميعا لهذه الآية الكريمة ، ولقوله سبحانه : ( يا أيها الذين آمنوا توبوا إلى الله توبة نصوحا عسى ربكم أن يكفر عنكم سيئاتكم ويدخلكم جنات تجري من تحتها الأنهار ) ، سورة التحريم
فعلق سبحانه تكفير السيئات ودخول الجنات في هذه الآية بالتوبة النصوح ،
وهي التي اشتملت على ترك الذنوب والحذر منها ،

والندم على ما سلف منها ،
والعزم الصادق على أن لا يعود فيها تعظيما لله سبحانه ورغبة في ثوابه
وحذرا من عقابه .

امسك اعصابك || بناديلك تعالى|| لا يفوتك

مجتمع رجيم / فضفضة

موقف طريف من احد خطابك

البيت المهموم