عايرتني بـِ الوزن وهو وقار ،، ويا ليتها عايرتني بـِما هو عارُ .. هجومي على وزن الثلاث خانات ههههههه

مجتمع رجيم / أرشيف رجيم

كتبت : سحر الغروب

مسالخير يا قمر
الدكتور قلي غريب بما انه ملتزمة وما مغيرة شي بالبرنامج والبيريود لسة مطولة عليكي شو القصة
فقلي هلا انه غيب اسبوعين وارجعله وشوف الوزن كم
وان شالله خير
والله يستر

اهلا وسهلا فيكي هدي الحبيب نورتينا يا عسل

اي والله كانو طيبين الكبدة انا زمان ما ساويتن فمبارح اكلت يعني ههههه
وان شالله بتساويهن وبتشبعي منن كمان

اي انتي شهيتيني يا عيني ههههههههه
احنا نازلين نشتهي بس
الله يعين نفسنا بس

يومي
الفطور شريحتين توست وملعقة لبنة وخيارة وبندورة
السناك تفاحة
الغدا صحن معكرونة بالجبنة وسلطة
السناك برتقالة
العشا شريحة توست وملعقة متبل وكوب شاي

مشيت ساعة مشي سريع الحمدلله

كتبت : القدس العتيقة

الله يعطيكِ العافية ويقويكِ حبيبتي .. المهم إنك تضلي ع نفس الهمة وما تيأسي وإن شاء الله راح ينزل

أنا نزل وزني كيلو الحمد لله .. لسا المشوار طويل بس متأكدة إنه الله راح يقويني إن شاء الله

مبارح تغديت شوية دجاج مشوي لأني ما كنت جوعانة .. شربت لترين مي ونمت بكير فما تعشيت

اليوم نزلت مشيت قريب الساعتين وشوي الصبح .. شربت لترين ونص مي

الفطور كان عبارة عن شوية دجاج وحمص .. وشقفة جبنة حلوم قليلة الدسم بــِ حبة البركة

الغدا شوية لحم مشوي بــِ الفرن

العشا شوربة دجاج وشوفان مع قشطة قليلة الدسم نم نم شو طيبة + كولا زيرو

كتبت : روديناعاطف

طولي 165 ووزني 115
عرفوني أعمل إيه أنا نزلة مصر بعد شهر ونص لازم أخس على الأقل 20 كيلو أعمل إيه

كتبت : القدس العتيقة

هلا حبيبتي رودينا .. بلشي رجيم بأي نظام انتِ ممكن تشوفيه مناسب الك ..

أنا بــِ النسبة الي مبلشة رجيم دوكان .. وهو لدكتور فرنسي اسمه بيير دوكان .. واللي هو بــِ اختصار رجيم بروتين بس دايماً الحمد لله بحس بــِ الشبع ..

شوفي انتِ شو ممكن تحبي تعملي مع رياضة مع الجدية والإصرار وإن شاء الله بتنزلي الــ 20 كيلو بــِ صحة وعافية

كتبت : القدس العتيقة

حبيبتي سحر الغروب وينك ما نورتيني .. إن شاء الله تكوني بــِ خير يا رب

مبارح كان يومي كــَ التالي

الفطور كان كاسة شوربة دجاج وشوفان

الغدا شوية دجاج وتبولة + شوربة دجاج وشوفان

العشا كمان تبولة ودجاج

المي لتر ونص
المشي ساعة ونص