قصة ابكت الملايين تأكد ستكون منهم (انا وأخي )
مجتمع رجيم / إبداع القلم .. لا للمنقول
كتبت :
أميرةالياسمين
-
انا واخي كنا اعداء في صغرنا حتى لما كبرنا كانت الوالدة رحمة الله عليها تقول :
ياعيالي انتم اخوان مالكم غير بعض ومهما وقفوا معاكم الناس هم ناس يا عيالي
والوالد رحمة الله عليه كان دائماً زعلان علينا وما يكلمنا وكلامه معنا رسمي جداً
والسبب عداوتي انا واخي كان دائماً يقول للوالدة الله يهديهم وراح يجي
اليوم اللي يعرفون قيمة بعضهم ويتذكرون كلامنا ان الاخ ما يتعوض
ولو تألم الواحد فيهم قال اخ ماقال صاحبي او صديقي
ومرت الايام وتزوجت انا واخي وزادت عداوتنا حتى زوجاتنا يوم
يجتمعوا في بيت ابي تصير مشاكل وامي وابي يحتاروا معنا كثير
ويخافون يوقفوا مع احد يزعل الثاني واستمرينا على هالحال
ماتت امي وبعدها ابي بخمسة سنين وبعنا املاك ابي وكل من فينا
اخذ حقه وماعد احد فينا يدري عن الاخر كبروا عيالنا
ولو يتقابلون والله محد دري عن الثاني
وفي يوم من الايام وهنا الطامة الكبرى دخلت في الاسهم وخسرت كل اللي وراي وقدامي
وحالتي صارت تصعب على الكافر ،مرضت بمرض السكري ومع الضغوط جتني جلطة
افقدتني عيني اليمني ، من كثر التفكير في حالي وفي عيالي اني ضيعت كل شيء في لحظة طمع ، وفي يوم وانا اصلي الفجر بكيت ودعيت ربي وقلت يارب ارحم امي وابي وارحم ضعفي وقلة حيلتيوعوضني خير في عيالي الا اشوف صديق لي قديم جارنا واحنا صغار سلم علي وعرف عني كل شيءوبعد اسبوع زارني في بيتي
وقال : ابي منك طلب قل تم
قلت :ابشر
قال : هذا شيك بمبلغ وقدره 500000 ريال ابدأ حياتك من اول وجديد
ويوم ربي يفرجها عليك اعتبرها دين
سويت لي منها مشروع صغير والحمدلله ربي عوضني باللي فقدته
وكل يوم اشكر الله الف مرة وفي يوم اتفاجأ بصديقي يزورني
الا ويقول لي : انا جيتك بأمر ضروري ما يحتمل تأجيل
قلت له : اذا على الفلوس ابشر ياالغالي تري الحمدلله ربك فرجها
قال : الامر اكبر بكثير
قلت : وش السالفة
قال : ترى اللي اعطاك الفلوس اخوك وقال لي يا فلان اسالك بالله هذا سر بيني وبينك ما اقدر اشوف اخي محتاج وانا اطالع اخي خذ هالمبلغ واعطيه لاخي ولا يدري انه مني
وتري انا اليوم جيتك عشان تزور اخوك في المستشفي تراه بين الحياة ولاموت على الاقلروح تسامح انت واخوك ترى اخوك يحبك
رحت اركض للمستشفي ودموعي تغسل كره السنين لاخي ولد امي وابي
دخلت غرفة الانعاش واشوف اخي اجهزة في كل جسمه مسكت يده
وحبيت رأسه وقلت سامحني
فتح عيونه وطالعني الا دمعة نزلت من عيونه وضم يده ليدي
وشهق انفاسه الاخيرة........
اخي مات كان ينتظر حضوري مات اخي بين يدي
كل جمعة امر على قبره وابكي واتذكر كلام امي ياعيالي انتم اخوان
من وقف معي في شدتي الا اخي
روحه ما فارقت جسده الا لما شافني
الاخ لا يعوض
واليوم كم نشاهد من تقاطع بين اخلاوة بل وحتى الاخوات والاقارب للاسف الشديد
تذكروا ثم تذكروا ان الدنيا زاااااائلة لا محااااااال
قال تعالى : " سنشد عضدك بأخيك " لم يختر تبارك وتعالى من الاقارب لشد العضد
الا الاخ تأملوها جيدا
اخوك او اختك ياقرة العين
تحاشى كل ما يوتر علاقتكما ،،، لأنك لن تجد بالدنيا شخص يشد عضدك كأخيك
