وداعا للدموع مع البصل

مجتمع رجيم / مطبخي

كتبت : شيمـو

السلام عليكم يا حبيبات ريجيم

وحشتوووووني اوي اوي

زي مانتوا عارفين جهازي كان بايظ ولسة مصلحاه النهاردة بس انتوا وحشتوني والله

وقلت لازم اطل عليكم بموضوع قريته وطبقت منه نصيحة وافادتني

عشان كده هاكلمكم عن حاجة كلنا بنحبها ومانقدرش نستغني عنها ابدا

البصــــل

طبعا من غيره الاكل مالوش طعم وهو ملك الطعام و هو برضه له دور فعال في مجال التخسيس والوقاية من امراض كتير اوي

لكن مش ده موضوعنا النهاردة للاسف ههههههههه

موضوعنا النهاردة عن ازاي بقا نتفادي الدموع واحنا بنقطع البصل

كذا طريقة شفتها وطبقت واحدة منها ونفعت فعلا وقلت اجيبهالكم لعل وعسي تستفيدوا منها :

الطريقة الاولي :

تمسحي السكينه اللي هاتقطعي بيها البصل بشوية خل او لمون .

الطريقة التانية :

تنقعي البصلة بعد ماتقشريها فمية مثلجة شوية قبل ماتقطعيها .

الطريقة التالتة :

مضغ حتة خبز وانتي بتقطعي لان عملية المضغ بتقلل من نشاط الغدة الدمعية .

الطريقة الرابعة :

كل ماكانت السكينة حامية اوي كل ماكانت الدموع اقل لان السكينة الغير حادة بتساعد علي نزول المية من البصل الي بتادي لحرقان العين .

ويارب اكون افدتكم