كيف اغير شخصيتي

السلام عليكم
انا عندي مشكلة مادري انتم تشوفوها غريبه ولالا
بالبداية انا بنت عمري 27 اخر العنقود من صغري
شخصيتي خجوله وهادئة وحساسه وبنفس الوقت مررررحه بس مع الاشخاص القراب مني
علاقتي بالدوام معاي صديقات بس بالنهاية استمر مع وحده او ثنتين
مالي اي علاقه في بنات الاقارب خوال وعمام علاقتي فيهم رسمية
لان احس فيهم غيره وحسد واذا اجتمعنا كل وحده تجرح بالثانيه وكلامهم مع بعض قاسي
وانا طبعي حساسه ماحب التجريح
دايم علاقاتي مع الناس بحدود الادب
بس مع كذا احس شخصيتي م تعجب الكل
تزوجت وماقدرت اتاقلم لانه من بعد زواجي صارت مناسبات وتجمعات
غير اني خجوووله بعد مو متعوده على التجمعات كثير يعني اروح للمناسبة وكل تفكيري
يارب تعدي على خير م انبسط في التجمعات مثل باقي البنات
لا اكون مهتمه بنفسي من لبس وميك اب يعني اللي يشوفني يخق على شكلي
واجامل عادي بس مادخل جو معاهم ومع غيرهم مو قصور فيهم بس هذا طبعي مو اجتماعية كثير

زوجي العكس اجتماعي ومتعود ع المجاملات وبالعكس يحب التجمعات
هو مرتاح معاي وانا مرتاحه معاه بس اذا فيه مناسبه يتعكر مزاجي
وارد من المناسبة م انام وزوجي يسالني مبسوطه ولالا اقوله اي
بس اعلق ع بعض الاشياء وهو يستنتج انه مو كثير مبسوطه
احس هو تعب معاي حاب يدخلني جو معاهم وانا رافضه المشكله انه انا تزوجت
وسكنت بمنطقه غير واقارب زوجي تجمعاتهم بس في البيت
مايحبون يطلعون لا بحر ولا مولات بس تجمعات في البيوت عكسي انا حياتي عند اهلي كانت بس صديقات معاي
وتطلع حدايق ومولات وزوجي رافض اطلع مول لحالي يقول اذا تبين تطلعين اي مكان نروح لاقاربهم وانا مابي حتى وانا جالسه معاهم الضحك بالغصب تطلع وبس اناظر للساعه متى ارد للبيت المشكله كل وحده منهم اخذت رقمي وتقولي اذا اجتمعنا نبيك معانا 😩 طيب شسوي

نفسي اتاقلم ويكون الوضع عادي نفسي اكووووون نفسهم
يمكن لان امي ماكانت اجتماعيه كثير وقليييل ناس تزورنا في البيت عشان كذا ماتعودت

انا خايفه زوجي ياخذ عني فكرة غلط واني مو اجتماعيه ولا ماعرف اكون معارف تعبببت من نفسي الشي الوحيد اللي يفرحني اذا طلعت مع صديقتي بس غيره لا حتى زوجي اذا طلعت معاه اجامله
اذا شكيت لصديقتي تقولي اقري على نفسك انا مو مدح بنفسي بس انا حلوه
ودايم اذا طلعت مناسبات ارد للبيت مضايقه ماحب اقول عين ولا نفس
لاني ماحب الكلام اللي فيه كل شي عين ونفس بس وش سبب حالتي اشوف بنات قدامي يتعرضون
لمواقف اللي امها تفشلها قدام الحريم وهي م همها وتضحك واللي تسولف مع حريم اكبر منها
واللي عمرها صغيررررر بس تسولف مع جميع الاجيال انا مو صغيره بس شخصيتي
توضح اني صغيره وكلامي قليل وماحب اخذ واعطي كثير وردودي مختصره
وحتى اذا جاملة يبين على المجامله ابي اكوووون على طبيعتي بدون تصنع
واكون مرتاحه والكل يحبني ويفقدني مدري فهمتو على ولالا بس هذا اللي قدرت اوصله لكم
وابيكم تنصحوني تكفووووووووووون
منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين