بسك ياضمير الصار بيه هواي
مجتمع رجيم / قصيدة وشعر
شيعوضني الدمع واني الخسرته هواي
وعلى رمله امل كل عمري وشلته
انا الباكو نهاري ورحت ادوره بليل
وبالمسودن طبع ميعوف سالفته
على نفس الدرب ذبولي بس الصوف
حتى ارجع وكول اذياب ماكلتـــــه
وانه الماصبر والعطش ما وازه
دنت نفسه وذبح بالصحره راحلته
كلب ماجنه كلبي جني متبني
جرعته التعب مايوم دللتـــــــــه
طفل من ايده اكوده وهوه يمشي وياي
وعلى ضحكه بكهف للموت نزلته
انغلق باب الصبر كد ما ادك عليه
مو خالي كرم بس اني مللته
بعد ماهد سهم كون الطريده بعيد
مابيها فخر لو كول وصلته
وشفت عصفور ميت كل جرح مابي
حرت هاي المنيه شلون واصلته
شلت راسي وشفت بالشجره عش محروك
كلت هذا السبب والحركه كاتلته
ونفس موته متت والجسد لعد الروح
وحسرتي بجفن وبدمعه غسلته
سل سيفه الزمن هل من منازل صاح
اعزل ماخفت والزمن قاتلته
صح مالحته ابد لكن ملاني جروح
بس عندي المهم ماعفته قاتلته
بسك ياضميرالصار بيه هواي
بسك هالعمر مايوم جملته
