انا متزوجة من 3 شهور وبكمل 4 شهرر و الحمد لله سعيدة مع زوجي
لكن عندي مشكلة اني عفوية كثيير و اتكلم يعني ما اتكلم عن زوجي او عن حياتي يم احد سوا مع زوجة اخوي اللي اكثر من اخت معي و علاقتي بها جداً قوية و ياما وقفت معي في فرحي وفي حزني قبل زواجي و اتكلم مع اختي اللي تزوجت قبلي بشهرين ،، مو كل شي اقوله عن حياتي او عن زوجي لكن احيانا من خلال السوالف عن الرجال و عن الازواج كل وحدة تذكر بعض صفات زوجها سواء زينه او شينه
طبعنا احس يالحريم كذه انه نتكلم عن الازواج بالزين و الشين خاصه لصار اشخاص نثق فيهم يمكن لان نحب نتكلم عن تجاربنا و نحاول نفهم تفكير الرجل اكثر و ممكن احيانا لصرنا متضايقين من تصرف ما نحاول نفهم تفكيره فنتكلم عشان نستفيد
المهم انه الليلة من خلال سوالفي مع زوجة اخوي كنا نتكلم عن التنظيف و الدقه و غيره فقلت لها اكتشفت من عمة زوجي ان ابو زوجي عصبي ودقيق حيل في النظافة
قالت لي يمكن عشان كذه مثل ما قلتي زوجك كثيير يدقق في النظافة و حتى في الاشياء الصغيره ماخذ طبع ابوه
قلت لها بس تصدقين لاحظت شي ان زوجي يدقق علي في النظافه لكنه مهمل هو ويقوم من مكانه وتارك اوساخه
قالت لي هذه الطبع يعمله حتى اخوك اللي تقصد زوجها تقولي ما يبغاني المس له شي وتعالي شوفي مجلسه كيف يخليه وسخ و اذا احد جا يمه انا اتفشل
و من ضمن السوالف تكلمت ايضاً عن برود زوجي في تأجيل بعض الاعمال و برودي انا مثله
وتحدثنا عادي
طبعا انا اتكلم حتى بالزين عنه و اعرف انه زوجة اخوي تعرف انه زين زوجي معي وتعرف انه حتى لو فيه عيوب الا انه عيوبه بسيطة
وطبعا زوجة اخوي اكبر مني و عشرة عمر انا معها و استفيد احيانا من نصايحها و من كلامها شخصية عقلانية
لكن صراحة بعدها حسيت بتأنيب الضمير كثير اني تكلمت عن زوجي و عن عيوبه البسيطة
انا اعشقه واموت فيه و هو يعشقني و يموت فيني و مو قصدي اتكلم عنه بالشين لكن من باب الحديث و الكلام و من باب اكتشافي لبعض الامور و كيف معالجتها
لكن مستحيل اتكلم يم شخص ثاني عن عيوبه غير قدام مثلا زوجة اخوي او اختي المتزوجة معي
بس حسيت بتأنيب الضمير تخيلت لو زوجي يروح يتكلم عن عيوبي قدام شخص مقرب له صراحة راح اتضايق
انتو شرايكم في هالشي ؟
طبعا جالسه الحين اانب نفسي و اقول في نفسي انه افضل لي ما اتكلم عن زوجي لا بالزين ولا بالشين لا للقريب و لا للبعيد و اهم شي الشين او العيوب حتى لو كانت بسيطه ما اقولها
