السلام عليكم
والله يابنات ماادري ايش اقول انا من يوم ماملكت وانا متضايقه خايفه ومتوتره حتى ماانام زي الناس .. وزادت ضيقتي يوم الشبكه تخيلو سالني خطيبي عن قسمي بعدين جلس يطقطق يقول راح تبلطين ماتوضفتي مشيتها له اخذ رقمي ولا اتصل ومايكلمني مررره بالايام عمره مااتصل علي واذا كتبلي ف الواتس يقول كيفك وبس بعدها اخذ كم يوم مايكلمني صارلنا شهر ومااتصل بس زارني توقعت بيبين لي شي حلو بيتكلم ف شي زي الناس تخيلو قالي بقولك شي بس ماتزعلين قلت ايش قال لمن شفت صورتك ف بطاقه الاحوال قلت هاذي مين الهنديه مدري البنقاليه يابنات انا انصدمت قلت شكله جاي يتاك من وجهي .. وربي بس راح من عندي بكيت انا من القهر مو كفايه مايتصل فيني بس يكتب لي ف الواتس مره ف الاسبوع كيفك والله ي بنات ضغط على نفسي وقلت اكتبيله كيفك يرد وبعدها يطنش حتى مايقول كيفك انتي احس بموت من القهر
كمان خايفه اذا تزوجنا يجلس يطقطق علي او على جسمي صح مافي احد كامل وكلنا فينا عيوب بس انا مااتحمل احد يتكلم علي
امانه بنات ايش اسوي نفسي احد يكون جنبي يحسسني اني مخطوبه يكلمني عن حياتنا يخفف الضيقه والخوف اللي انا فيها بس جالسه بروحي والوقت يطول علي واوسوس
