هاني بعصية : ادخلي بيتكم ولا تقولي كلام منتي قده دانية بستهزاء : هه خوفتني يامامي ..... انا ما اخاف ولا اتخوف ((قالتها وقلبها يدق من الرعب )) ...وجات تبغى ترجع لمرسمها الا مازن خارج من البيت وعيونه بالشرر تتكلم ,, خافت جد مازن ضرب ديمة بدون دليل ودحين ممكن يقتلها ..هاني ارتبك ايش يقول عنه وهو واقف مع اخته بثواني جا مازن عندهم ...: انتي ما تستحي دانية رغم خوفها من عصبية مازن : لا بس حبيت اخد راي الدكتور حقنا بابر الهروين تنفع للمراة ولا لا مازن صرخ : دانيــــــــــــــــــــة احترمي نفسك دانية بدلع حطتي يدها على اذنها : لا تصرخ احتاج ادني .....وطالعت فيهم ..... خليه يعطيك شي تخفف فيه عصبيتك يامدمن مازن خلااااااص ماقدر يستحمل وهاني زيه تستفززززمازن وهو الي يغلي من جواته .....رفع يده يبغى يقطع لسانها ....دق قلبها بقوووووووووة خافت مازن طبعا اقوى منها بكثييييير ...حست بهواء ساخن يمر من جنبها وجسد طويل يوقف بينهم ...ثوب ابيض وشماغ احمر اول شي شافته وصوت هاني : لا يامازن ...دي طفلة ...... حست بالامتنان لهاني لانه ابعدها عن غضب مازن ......نزل مازن يده ....وهي جريت على مرسمها بخوف مازن : الين متى ...؟؟؟؟؟؟ هاني : خد المفاتيح عمر مشغول فجبتها انا .....يلا سلااااام هز مازن راسه بوهن : طيب دعواتك ابو الهنا ..... هاني وهو يغمز بتشجيع : انا عارف قدرة رجالنا على الخلاص من الناس الفاسدة دي وانت استخدم اسلحتك والناس الي واقفة معاك وان كانو قليل ....الكل بعدين راح يعذرك .....وخرج
دخل مازن البيت .....قابلته عيون دينة واماني القلقة همس : خبرو مروان وفراس ..... وأمي وابويا راح يهرفو من سيدي ......وطلع غرفته يرتب اغراضه استعدادا لبكرة ...دخل مروان وعلى وجهه علامات الصدمة ..:مازن يا اهبل ايش تسوي مازن بدون ما يطالع فيه ويكمل شغله : قالت لك دينة مروان وجلس ع السرير : يب قالت لي ....وطالع في بلوزة خضرا لنادي لاهلي ....... وي دي من زمان عندك ما صغرت عليك مازن : يعني شوي .....تقدر تاخدها لو تبغى ....ايش رايك بغباء اخوك مروان وهو يحاول يرتب الكلام الي راح يقوله لمازن : مممم والله اعتقد ان مقاسها مناسب .....وطالع في ظهر مازن ...ومين قال انك غبي أي واحد مننا كان ممكن يوقع صح حذرتك اكتر من مرة وكنت متوقع بس انت راح تتعالج صح ؟؟؟ ليش التشاؤم عيش حياتك مهما كانت مازن : يعني ..... مروان بمرح وهو يلبس البلوزة : يعني ماراح اكذب عليك واقولك اني مني زعلان منك ....بس انا ماراح اتفشل منك ولا اعمل الغباء زي دانية ...مازن انت تعرف كيف نحن اتربينا من اكبرنا الاصغرنا واذا واحد خيف زي محزن ((محسن بس مروان وهبله عاد )) راح يفرقنا فانا راح اقولك هيا .... مستحيل ولا مليون محزن راح يقدرو يغيرو قلوبنا وخليه في ستن مليون دهية انشاء الله اعدام مازن : ههههه محزن واعدام حرام ياشيخ فراس وهو داخل بصحون البيك : البيك وصل ......حرمت عيشته ابن الـ ****** قال قال يبغى يلعب فيك ويسجن عمي محمد وعماد رجل المهام الصعبة وسيدو احمد يتعب وانت تغرق في التسمم ويلا ديموووش ايش يسير فيها ويحلاله الجو ....no دا شكله بيحلم 
