قصص من الحياة ترويها لنا العضوات

مجتمع رجيم / الحياة الأسرية

كتبت : لمياء الزيادي العتيبي

أخواتي العضوات نظراَ لما في القصص من مواعظ وأخذ عبر فأن مجتمع رجيم يعلن عن تخصيص هذة الصفحة

وذلك لتبوحن من خلالها عن قصص حدثت معكن او مر بها غيركن او سمعتن عنها وأثرت في أنفسكن

وسيتم التصويت لأكثر قصة أثرت في نفوس العضوات واستفادوا منها وتمنح الفائزة بوسام أفضل قصة

فنتمنى من الجميع المشاركة جعلها الله من موازين حسناتكن .

أختكم المحبة آهات مجتمع

كتبت : jannah1

مشكوره حبيبتي
موضوع حلو وانشاء الله نستفيد من القصص
لجميع العضوات
حياج الله

كتبت : لمياء الزيادي العتيبي

كتبت : ياحبي لي

السلام عليكم ...
مشكوره اهات ع هالمواضيع الروعه ...,,, ماقصرتي والله ...
وتكفين كملي قصتك مره تحمست تعاطفت مع البنيه الله يفرج لها من عنده ...

........
وهذي اول قصصي لكم وليست الاخيره

قرأتها ب صحيفة سبق بقلم صاحبتها ..

_____________________________________

أصعب مواقف حياتي كان في رحلة برية ..

_____________________________________

طلعنا مع خوالي رحلة (كشتة) عند جبال , والله لا يعيدها من كشتة .. طلبوا مني بنات خالي أرجع أنام معهم ببيتهم , قلت لهم إن أمي مستحيل ترضى ..

لكن ما أدري وش اللي خلاني أسأل أمي لحالها ووافقت إني أنام عندهم بحجة إن عيال خالي مسافرين ..

وصلني مسج ع الجوال بأن نتائج الكلية طالعه ..

رحت أركض للجبل أدق ع صديقاتي لأن الأبراج كانت زفت تحت ..

طلعت الجبل وجلست وراء صخرة كبيرة وقمت أقفل من فلانة وأدق ع علانة .. وكل شوي متصلة وحدة ..
أخذني الوقت والحماس مع النتايج وما انتبهت إلا لبطاريتي فرغت ..

قمت بأرجع لأهلي وكانت المفااااااااااااااااااااااااااجأة ..
كلهم ماشين وما شفت إلا سياراتهم تختفي شوي شوي ..

(أهلي مشوا على أساس إني مع خالي .. وخالي مشى على أساس إن أمي رافضة أرجع معهم)

وبطاريتي فاااااااااااااااااااااااارغة .. والشمس بدت تغيب ..
والبرد والخوف آكلين قلبي ..!

ما كان قدامي حل غير إني أجلس بمكاني , وأردد شيء من الأذكار والأدعية لحد ما يفقدوني ويرجعون لي ..

لكن الموقف كان أصعب من إني أتذكر آية وحدة , آية الكرسي قريتها 7 مرات وأنا أخطي فيها ..

انتظرت على أمل يجيني أحد .. لكن ما جاء غير الظلام و 6 سيارات , كلها لشباب جلسوا بنفس مكان أهلي ..

نزلوا معهم عود وشراب وشيش وبلاوي سوداء ..

زادت علي مصيبتي .. حاولت أتخفى عنهم قد ما أقدر .. كنت منطوية على نفسي وكل ضلع فيني يرجف .. حاولت أبكي بس ما قدرت ..!

واللي كان ناقصني العجوز اللي تطل علي من أعلى الجبل وتناظرني , وإذا التفت لها راحت تركض على إيديها ورجليها مع بعض (مثل حبو الأطفال لكن ركبها ما تلامس الأرض) وكانت سريعة حيل ..

عند هذي أغمي علي مرتين , لكني أصحي بكل مرة وأنا بنفس مكاني , وعلى نفس وضعي ..

قرب الفجر ... وضعي من سيء لأسوأ .. تذكرت قصة الثلاثة من بني إسرائيل اللي انغلقت عليهم الصخرة .. حاولت أدعي بعمل صالح عملته بحياتي , لكني للأسف ما تذكرت شيء يسوى >>> تعلمين بعد ^_^

بعد فترة جاء رجلين ملتزمين ينصحون الشباب اللي جالسين بمكاننا , وسبحان الله كأن الله أرسلهم لي قبل يرسلهم لهم ..

عاد أنا أول ما لمحت لحاهم وأنا أنزل صاروخ من الجبل وأتعلق بثيابهم وأصارخ من شد الصياح وأنا أستنجد فيهم وأهذ لهم سالفتي بالتفصيل الممل لكنهم ما فهموا علي ولا كلمة ^_^
لكنهم سمّوا علي , ومسحوا على راسي وهدوني لحد ما فقدت وعيي بين يديهم ..

صحيت وشالوني معهم لمخيمهم (العائلي) لكن واحد من الشباب اعترض وقام يسبهم بكلام بذيء , تجاهلوه ومشوا لكنه وقف بوجيههم يبيهم يخلوني >>> وش يبي ذا ؟!!

تهاوشوا معه وكبرت المشكلة بينهم , وتعدى حدوده كثير لحد ما وصلها للضرب والسكاكين ..
ومع الفوضى والمضارب سحبني واحد من السرابيت لسيارته وقفلها علي وحاول يتسلل فيني منهم ..
لكن فرج الله وصل ...............................................
جوا أهلي >>> بــــــــــــــــــدري !!!!

هربت من سيارته لسيارة خالي مثل المجنونة .. نزلوا باقي خوالي وأخواني وفكوهم بالسلاح ..

وصرخ واحد من الملتزمين بواحد من خوالي : (إذا تبي تسلم وعرضك يسلم اركب سيارتك وامش)

ورجعنا للبيت من غير ما نعرف وش صار عليهم .
من بكرى قدرت أجمّع وعلمتهم السالفة .. انجنوا أخواني وخوالي ورجعوا لهم بس ما لقوا أحد ..

كان أصعب موقف , وأردى رحلة , وأسوأ خبر نجاح , وألعن شباب (وحوش) شفتهم وسمعت عنهم بحياتي ..

(اعذروني ع الإطالة .. ما قدرت أتغاضى عن أي شيء .. يمكن لأن كل حركة صارت بالموقف لها تأثير كبير علي , ومستحيل أنساه أو أتناساه)

--------------------------------------

أختكم : عذبة المبـــــــ/ـــــــسم
______________________________________

>>> اتمنى اكون افدتكم ... وان شاء الله اجيب لكم كل فتره قصه ..
شكرا اهااات

كتبت : لمياء الزيادي العتيبي

يارب يسعدك ياقلبي قصة مؤثرة بالفعل ومنتظرين جديدك نبي الكل يتفاعل مع هذي الصفحة

كتبت : ياحبي لي

رجعت لكم بقصه >>

ماتنعطى وجه البنت هههههههههه

السلام عليكم ورحمة الله وبركاته
شاب يدرس في السنوات الأولى من الجامعة طلب منه القيام بتشريح أرنب
اخبر اهله بأنه سينوي القيام بذلك ووعدهم ان يريهم اياه بعدما ينتهي منه
لكنه لا حظ على أخته التي كانت ترضع مولودها الحديث الولاده
بأنها لا ترغب أن تراه إن فعل ذلك
وهو متعود على ممازحتها وفعل المقالب بها
وشرح الارنب..
واحضره للبيت واتجه الى غرفة اخته التي كانت في فترة النفاس
تجلس عندهم..
ودخل الغرفه وبيده الارنب ليعاند اخته..
لكنه لم يجدها وسمع صوتها وهي تستحم في الحمام..
ووجد ابنها الرضيع على السرير..فحمل ابن اخته يلاعبه....
ثم جائته فكره....
اخذ الارنب المشرح ووضعه في السرير بدل الطفل ليتلاعب باعصاب
اخته حين ترى الارنب في غرفتها
واخذ الطفل وخرج به من الغرفه....
وماهي الا لحظات لتخرج الاخت من الحمام فتلقي نظره على مولودها
لتجد الارنب...
اعتقدت ان الذي في السرير وقد خرجت اعضاؤه...هو طفلها
ومن شدة لهفتها على طفلها...
اصيبت مباشرة بانهيار..
ثم سكته قلبيه مفاجئه..
ثم ....
مـــــــــــــاتت
وسبب الوفاة .... مزحه
لا بارك الله فيها من مزحة
الله يكفينا من بعض المزح

الصفحات 1 2 3 4 5 ... الأخيرة

مواضيع مميزة قد تهمك

بعض المواقف الرومانسية ترويها النساء

حكايـهــ..باريسيه جديده ترويها...[[ شانيل[[[..!!

زرعتي خضروات عندك في حديقة المنزل تعالي اقولك كيف ترويها

البقاء للاقواء ياسمينات انا بتحد نفسي وبتحداكم الي تبي تتحداني لازم تكون قدها هههههههه ولى لا تبخس بروحها

قصه مؤثره عن اسلام فتاه عبر البالتوك ترويها بنفسها

السعاده-- هل غادرت عش الزوجيه(الدكتوره عبله الكحلاوي)

دعاء للزوجين قبل الجماع

الحياة , العضوات , ترويها