زوجي مظلوم ام ظالم؟ ارجو الرد
مجتمع رجيم / أرشيف رجيم
كتبت :
om alaa
-
احكي لكم اخواتي حكايه اخت قريبه مني جدا و استشارتني في هذا الموضوع ولكني احترت في الرد عليها فارجو منكم مشاركتي في هذا الموضوعتزوجت صديقتي منذ عامين تقريبا و ولكن مشكلتها بدأت من قبل الزواج حيث ان زوجها اخ وحيد لاختين بنات و هم من عائله مقتدره ماديا ولكن البنات لم يتزوجن بعد و لانهم بنات و قاعدين في البيت علطول مع امهم و ابوهم فبدأو بأخذ كل ما يقدرون عليه من اموالهم و تشويه صوره اخاهم الولد فيقولوه" هو عايز يتجوز و يسيبنا سيبوه انتو بقي هو يتصرف ومالكمش دعوه بيه" و طبعا انتو عارفين ا"الزن علي الودان امر من السحر" و شويه شويه رفض الاب و الام مساعده الابن باي شيء هيعمل ايه؟ استلف فلوس و كمل حاجته و قعد في شقه ايجار لحد ما تفرج المهم اتجوز و زوجته عانت معه الكثير حتي سددو ديونهم و عانت ايضا كثيرا في التعامل مع اهله و لكنها بفضل الله حازت علي حب امه كثيرا لكن طبعا البنتين زعلانين من كده.
مش عايزه اطول عليكم مرضت الام و توفت و الحمد لله توفت وهي تدي لزوجته بالزريه الصالحه . طبعا في ورث و الورث مش قليل و الاب شخصيته ضعيفه جدا جدا جدا فطلب الزوج الورث فقالو له " لو عايز ورثك روح اطلبه في المحاكم" راحت واحده من البنات و اخذت كل الفلوس بتاعه امهم من البنك و كمان باعو اراضي بدون علم الزوج.
قالت له زوجته احنا الحمد لله مش محتاجين لحاجه فاصبر و احتسب و لكنه شعر بالظلم فرفع قضيه علي اخته اللي سحبت الفلوس من البنك و كسبها فعلا و اتحكم عليها بالسجن سنتين.
وهنا حاول الجميع ارضائه بالمال ليتنازل عن القضيه ولكن حتي في ظل هذه الظروف لا يريدون اعطائه حقه كامل من ميراث امه و هو قال لهم لن اتنازل حتي ااخذ حقي بالكامل.
طبعا في تفاصيل كتير بس مش عايزه اقوله هم فعلا ظلموه كتير جدا جدا ومن زمان قوي مش ظلم مادي بس و لكن دايما بيعملوله مشاكل في كل حاجه و السبب انه ملتزم وهم مش ملتزمين خالص.
طبعا صديقتي بالرغم من اللي شافتوه منهم فهي مش راضيه عن الوضع الحالي و المشاكل و المحاكم فهي تسألني هل هو مظلوم ام ظالم؟
و اخيرا ادعو لها اخواتي بتفريج همها و رد حقها و حق زوجها لهم ردا جميلا
ادعو لها بظاهر الغيب هي اسمها رحاب
الصفحات 1 2
