مجتمع رجيمأزياء المحجبات

نصائح للمحجبات (لكل سن لبس مناسب )

[frame="7 98"]
بالنسبة للبنات اللي بتحب إنها تلبس بلوزات وبنطلونات أو بلوزات وجوبات أو عبايات فدي مجموعة من الموديلات اللي هتساعدك على الاختيار المناسب ليكي..
الموديل الأول
فستان قطن بنص كم مخطط بخطوط بالعرض عبارة عن خط أصفر وخط تاني أسود وخط أبيض وخط سماوي هتحتاجي مع الفستان ده إنك تلبسي بادي ممكن يكون لونه أسود زي الموديل اللي في الصورة أو إنك تلبسي بادي أصفر أو أبيض يعني ممكن تغيري في لون البادي زي ما أنت عايزة..
وبالنسبة للطرحة اللي ممكن تلبسيها فممكن تلبسي طرحة واحدة لونها أصفر وتلفيها اللفة العادية أو تلبسي أكتر من طرحتين يكون لونهم من نفس لون الخطوط الموجودة في الفستان وتلفيها زي ما هو موجود في الصورة وعلى فكرة الموديل ده بيناسب البنات اللي في ثانوي والبنات اللي لسه في الجامعة.


الموديل الثاني
عبارة عن بلوزة شيفون بكم بألوان متداخلة مع بعضها مع وجود تطريز خفيف في بداية البلوزة ويوجد في الوسط أستيك ممكن تشديه على الوسط أو تفكيه وعلى فكرة مع البلوزة دي هتحتاجي بادي من نفس لون البلوزة...

وبالنسبة للطرحة فممكن تلبسي طرحة واحدة لونها بني أو بيج وتلفيها اللفة العادية أو إنك تلبسي أكتر من طرحة وتلفيها زي اللي في الصورة.

الموديل ده بيناسب البنت اللي في ثانوي أو اللي في الجامعة أو البنت اللي بتشتغل يعني من الآخر كده موديل مناسب لجميع الأعمار.


الموديل الثالث
ده شكل جديد لسه نازل الصيف ده وهو في منتهى الشياكة وبيناسب جميع الأعمار.


الموديل الرابع
ده شكل جديد برضه نازل الصيف ده وهو عبارة عن بلوزة بيضاء ومنقوش عليها ورد باللون الأسود ومع الشكل ده ممكن تلبسي بادي من تحت أو تلبسي توب.
وبالنسبة للطرحة المناسبة فممكن تلبسي طرحتين طرحة بيضاء وطرحة سوداء وتلفيهم مع بعض بس بشرط إن البنطلون يكون أبيض، لكن لو كان البنطلون أسود يبقى اختاري طرحة سوداء مع وجود بعض التطريز زي اللي موجود على الموديل.


الموديل الخامس
ده موديل كمان اسمه "موديل الفراشة" ما تتضحكيش قوي كده ده اسمه فعلا وده لأن القصة بتاعته على شكل الفراشة والموديل ده بيناسب أكتر البنت اللي في الجامعة أو اللي بتشتغل.
وبالنسبة للطرحة المناسبة ممكن تلبسي طرحتين مع بعض زي الشكل الموجود ده.


الموديل السادس
لو كنت بنوتة صغيرة وبتحبي تلبسي العبايات يبقى لازم يا قمر تختاري عبايات بألوان فاتحة علشان تناسب سنك..
وده مثلا موديل جديد ممكن تلبسيه ومعاه هتحسي فعلا بإنك محجبة وشيك وفي نفس الوقت هتحسي بسنك فعلا وبلاش تربطي الطرحة إسبانش لأنها هتديكي سن أكبر من سنك واربطيها ربطة عادية فممكن تربطي طرحة واحدة سادة أو طرحة واحدة منقوشة بألوان مناسبة للون العباية دي وتلفيها بالطريقة العادية زي اللي موجودة في الصورة وممكن كمان تلبسي طرحتين فوق بعض وتربطيهم بنفس الطريقة دي يا قمر.


[/frame]
منقوووووول
شكرا لتواجدك الطيب
السلام عليكم ورحمة الله وبركاته

شـكــ وبارك الله فيك ـــرا لك ... لك مني أجمل تحية .
بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .
1 2  3  4  ... الأخيرة
كلمات ذات علاقة
للمحجبات , لبس , مناسب , لكل , شئ , نصائح