افكار للبيت مهمة ومفيدة ..................
مجتمع رجيم / الديكور و تأثيث المنزل
كتبت :
سحر هنو
-
اليم جاااايبه لكم افكاااار للبيـت ولا اخطــــر منها ..
وصدقووووني راح تستفيدوا منهم مرررره..
وكمااااان راح تدعوولي ..>>>:8:بسسس..
يلا نبدأ....
_ 1 _
الفكرة تخص النظافة وطرد (الصراصير)
(ما اسوي دعاية لطريقتي بس مجربة ومضمونة 1000 في المية)
جانا الصيف .. بعض ربات البيوت يشتكون:
ويقولون احنا ننظف بيتنا بصفة مستمرة
بس الصراصير تطلع بالبيت تتمشى وتتمخطر
والأسباب واجد:عن طريق فتحات المجاري(عشان كذا لو بتتركون البيت
أكثر من يوم لازم تقفلون فتحات المجاري _وانتوا بكرامة_
اذا كان اثاث المطبخ من الخشب وتعرض للرطوبة فانتظروا
الصراصير <<امحق تعبير
اذا كنتي تسكنين بعمارة فيها مناور(فتحات تهوية)
خلي العامل ينظفها باستمرار مع الدرج لأنها ملجأ للصراصير
وبالتالي لبيتك..
زبدة الكلام...>>بدري
عندي حل فتااااااااااك للصراصير وبسعر رخيص .. بلا مبيدات
بلا هم.. لأنك بتستخدمين مبيد وتموت الصراصير وبكرة يجونك
صراصير جديدة.. او خلنا نقول تفقس من البيض
الحل هو:
تروحين للصيدلية وتطلبين بودرة اسمها : (حمض البوريك)
ولا تجيبين له طاري الصراصير لانك لو قلتي له صراصير بيقعد
يقص عليك ويبيعك اشياء مالها فايدة<<سبق وانضحك عليها
ولا احد يلعب عليك ترى سعرها خمسة ريالات بس
طريقة استعمالها
تحطي البودرة كلها في صحن بلاستيك
وتحطي عليها ملعقتين حليب بودرة
وملعقتين سكر وملعقتين دقيق
<<يا خوفي تاكلوها بالأخير
بتقولين ليش اقول لك عشان تجذب حبايب قلبك
امزح اقصد الصراصير<< خافت تنضرب
وتحطي شوووووووي موية (ماء)
عشان تعجنيها بس انتبهي بس شوي موية
نبيها عجينة سميكة مرة
المهم تاخذي قطعه من العجينة وتكوريها كور صغيرة وترميها
تحت دواليب المطبخ وتحت الثلاجة.. أو لصقيها بأماكن ما تكون
مكشوفة للناس.. وزعي على كل الأماكن بالذات المطبخ والحمام
وتعالي شوفي بيتك بدون صراصير أو حتى بدوامك
النتيجة تبدأ تبان من 3 يوم وبعد اسبوع تختفي كليا
ويستمر مفعول الخلطة لـ 3 شهور.. وادعووولي
وانتبهو لو عندكم اطفال لا ترموها رمي لصقوها بالأثاث من تحت
.................................................. .
- 2 -
هالفكرة تخص (رائحة دولابك)
أكيد كل وحدة منا تحب تكون ريحة دولابها حلوة كثير
وتكون ملابسها ريحتها منعشة وحلوة..
قولوا كيـف؟
قلتو كيـف ..>>>>:8:
طيب قبل اقول لكم كيف
بانصحكم نصيحة.. لا تنشرون غسيلكم بالشمس ابد
صحيح هي مفيدة بس والله وعن تجربة تخلي الملابس
فيها ريحة مو زينه..
نجي لطريقة تعطير دولابك
جيبوا هالأغراض:
1_ علبة بخاخ فاضية (تلاقونها في محل ابو ريالين):) >>ابو ريال اقصد ..خخخخخ
2- كمية من ملطف الملابس أنا أحب هالنوع كمفورت الأزرق
وانتي اختاري اللي يعجبك عاد
3- أي عطور تكون مقبولة وحلوة بس غير العطر الخاص فيك
حطي مويه(ماء) نص العلبة تقريبا..وحطي عليه ربع كوب
ملطف الغسيل ..وحطي من العطور اللي تحبيها..
قفلي العلبة ورجيها ورشي ملابسك قبل تدخلينها الدولاب
ولما تجين تكوينها.. ورشي دولابك بعد بس مو تغرقينه
وبس تعالي شوفي الريحة الخيال.. مو بس الملابس
كل غرفتك تصير ريحتها تهبــــــــــــل
...............................................
_ 3 _
هالفكرة تخص ديكور المطبخ...
طبعا فيه كثير ممكن يقول فيه اشياء جاهزة حلوة
بس لما تسوون شي بيدكم أحلى وتضمنون التميز فيه
وغير كذا تستفيدون من الخامات الموجودة بدل ترمونها
عشان ننفذ هالفكرة نحتاج علب فاضية شفافة
أنا استخدمت علبة حليب (مراعي)
بعدين نجيب حبوب منوعة( عدس اصفر .. عدس اخضر.. أرز.. شاي
يانسون.. فاصوليا بيضاء.. ) وأي نوع من الحبوب بس حاولي تكون ملونه..
وحطي من كل نوع شوي بعلبة الحليب بعد ما تنظفيها وتنشفيها طبعا
وتشيلي الستكر اللي عليها
وجيبي قطعة قماش مربعة صغيرة واربطيها بخيط خيش على غطا
علبة الحليب.. وتقدرين تزينينها بأي اكسسوار عندك يناسب
ديكور مطبخك..
بيطلع شكل حلو سوي اكثر من وحدة وحطيهم
على دولاب المطبخ أو الأرفف الفاضية
..............................................
_ 4 _
والفكرة هذي تخص(ديكور الحمام ) _تكرمون_
أحيان يبقى عندك بقايا قوالب الصابون.. لا ترميها
لأنك تقدري تستفيدي منها بهالفكرة..
أدوات الفكرة:
1- بقايا قوالب الصابون(بعد ما تجف)
2- علبة شفافة شكلها مقبول
3- شبكة (ممكن تستخدمي اللي يجي فيها الليمون او الثوم)
بس بعد غسيلها طبعا
أو أي قطعة قماش (تل)
4- اكسسوار يناسب الوان الحمام
5- مبشرة(من أدوات المطبخ)
نبشر الصابون ولو عندك منه ألوان يكون افضل
عشان تعملي طبقات ملونه.. ونحطها بالعلبة
بعد ما ننظفها وننشفها..
تربطي الشبكة او قماش التل على فتحة العلبة بواسطة خيط
وتقدري تزيني العلبة بأي شرايط أو أي اكسسوار..
وشوفا كيف راح تطلع
ملاحظة:1- استخدمنا الشبكة حت تطلع ريحة الصابون وتعطر المكان
2- استخدمت انا علبة معجون الطماطم
والاكسسوار أخذته من فستان بنت خالتي
كانت بترميه واخذته..>>يعني خذوووه من اي مكااان بس مو تتحمسون تروحون تأخذون فساتين الناس هع هع >>:8
....................................
وبث ...
ان شاااء الله تكووونوا استفدتوا حبااااايبي ..
وسووها لا تنسوووووووون..
.................................
منقول لعيونكم
