هلا حبيباتي
أنا عندي جدول والحمدالله مرتاحه وايد عليه
الساعه 6 صلاه الفجر
الساعه 6 ونص أجهز ولادي للمدرسه والساعه 7 يكونوا راحوا
الساعه 7 أرتب غرفه العيال ترتيب الفراش وطبعا غرفتي وأطلع
الساعه 7 وربع أحط الملابس في الغسيل
الساعه 7 ونص أفطر وأجلس على الكمبيوتر إلى الساعه 8
الساعه 8 أكمل غسيل الملابس
الساعه 8 ونص خلصت كل الملابس وأروح أغسل صحون الفطور والعشا
الساعه الساعه 9 أجهز فطور بنتي وأفطرها وبعدين أسبحها وأخليها في غرفه الالعاب طبعا ماتقعد لازم معاي ههههه
الساعه 10 أطبخ الغدا طبعا أكون المجهز الخلطه بالليل إذا برياني أو مجبوس أو غيره
الساعه 11 خلصت الطبخ وسويت السلطه والعصير وأروح أتسبح وأتكشخ هههه
الساعه 12 أكوي الملابس لين أذان الظهر وأرتبهم في الكبت
الساعه 12 ونص أصلي ثم أدخن البيت
الساعه 1 وقت وصول الاولاد من الدرسه ثم يتغدون
الساعه 2 يكونو مخلصين الغدا ويروحون يشوفون التليفزيون وأنا أنظف طاوله الطعام وأجهز غدا لي ولزوجي
الساعه 3 أقعد مع زوجي شوي وهو ينام ثم أطلع أروح أدرس العيال
الساعه 4 أصلي العصر ثم نطلع أنا والعيال للحوش علشان يلعبون ومرات أسير الحديقه قريبه من بيتنا
الساعه 6 أسبح العيال وأخليهم يتعشون والساعه 7 أنا أروح أنظف غرفتهم لين يخلصون عشا
الساعه 7ونص يناموا العيال وأنا أروح سيده أنظف المطبخ بس الفرن أنا أحط ألمنيوم وماأغسله بس أمسح وأغير الالمنيوم كل جمعه
وعندي بخاخ فاضي حطيت داخله ديتول وماي أرش الكبت وأمسح
وأكنس الارض وأمسح
الساعه8 ونص أكون مخلصه ومجهزه عشا لزوجي
أفتح المكنسه الكهربائيه وأكنس غرفتي والصاله ثم أمسح وأدخن البيت شوي
والحمامات(الله يعزكم) طبعا مش كل يوم (يوم أغسل ويوم لا )
الساعه 9ونص أروح أتسبح وأتكشخ لزوجي هههه
هذا جدولي وأنا مرتاحه خاصه الصبح أكون عندي وقت فراغ وأطلع مع بنتي
الإسبوعي تنظيف الفرن و تبديل المفارش
الشهري تنظيف الثلاجه لأني أخليها نظيفه وماتحتاج تنظيف إلا كل شهر
والمكيفات وتنظيف الخزاين
