انا فى ورطة ومحتاجة رايك دكتورة
مجتمع رجيم / أرشيف الاسئلة
كتبت :
rona rano
-
انا اتخطبت ن سنة تقريبا فى شهر 12 اللى فات 2009 فى الاول خطيبى كان هادى وخجول بس كان فى مشكلة انه مر بتجربة قبل كدة وفشلت وهوة كان عنده احساس شوية ان البنات كلها زى بعضها وانا حاولت انى اثبتله عكس الكلام ده كمان هوة كان عصبى اوى بس مكناش بنمر باى مشاكل بعدها بكام شهر والدى توفى الله يرحمه ومن بعدها بشوية العصبية زادت وبيعمل مشاكل كتير على حاجات هايفة جدا مش تستحق المشاكل وممكن يغلط فيا ويهنى انا واهلى ويرجع يتاسف ويعتزر ويقول انا مش عارف ازاى انا عملت كدة ومع مرور الوقت كل مرة كنت بساحه فيها كانت المرة اللى بعدها بتكون ازيد ومن كتر المشاكل والعصبية والغلط انا حسيت انى بقيت عصبية رغم انى هادية جدا بطبعى صوتى مش عالى مش بغلط بالكلام ولا بتنرفز على حد بخاف على زعل اللى بحبهم اوى ولما الامور ادهورت انا فكرت فى انى انفصل عنه لانى كنت خلاص قربت اشك فى نفسى لكن فعلا مكنتش بعمل اى حاجة تخليه يعمل معايا كدة رجع وقالى انا عارف انى استحملتينى كتير وانا بحبك ومفيش اى واحدة بتستحمل واحد كدة ومكنش ينفع اعاملك كدة انا حرمتك من احلى وقت كان ممكن تعيشيه وكل الكلام ده وااسف واعتزر وانا بارضه سامحته وبعدين رجع عمل مشكلة على حاجة هبلة جدا تانى كان قالى اننا هنتعشا سوا اتصل بيا الساعة 7 قلتله انى باكل ملحقتش اكمل الكلام زعق وقال مش فى كلب مكلش ومستنى ياكل معاكى وقفل فى وشى وملحقتش اقله انى باكل شوكلاتاية مش بتعشا ولا حاجة وانى فعلا مستنيا نتعشا انا وهوة سوا اتصل بيا تانى حاولت افهمه ثار بصراحة انا غلطت فيه وقلتله انت متخلف وتافه وهايف جدا ودى اول مرة اغلط فيه بس انا فعلا غصب عنى وانا دلوقتى جديا بفكر انى اسيبه بس انا كنت مستحملة عشان بابا الله يرحمه كان موجود وقت الخطوبة وشافه وانا كنت متعلقة بوالدى جدا وكل ما افكر انى لما اجى اجوز حد غيره هوة يتولى الموضوع كنت بتحمل اى حاجة عشان الموضوع ميبوظش لكن انا خلاص جوازى قرب كمان شهرين بس وانا فعلا تعبانة جدا نفسيا ومدمرة ومحتاجة اوصل لحل كل اللى حواليا بيقلولى انه طيب جدا ب ده بسبب الظروف وانه بيشتغل فى مكان بعيد عن اهله واسرته ووحيد وضغط الشغل عليه وكمان انه سنه لسة صغير 24 سنة بس وانا 23 ياريت تنصحينى اعمل ايه واسفة انى طولت عليكى ومستنية ردك عليا فى اسرع وقت لانى فعلا محتاججة اخد قرار وبجد محتارة اسفة انى طولت عليكى 
