الاستعداد لشهر رمضان

مجتمع رجيم / عــــام الإسلاميات

كتبت : سلمى من هناك

السلام عليكم ورحمة الله وبركاته

عزيزاتى عضوات منتدى رجيم الجميل

دة اول موضوع ليا هنا واتمنى ينال اعجابكم

فكرته زي ماواضح من العنوان هو
ازاى نستعد لشهر رمضان وطبعا الشهر خلاص على الابواب
وكل عام وانتم بخير وسعاده في طاعة الرحمن
والاستعداد معناه اننا نبتدي من دلوقتى
والوقت في شهر رمضان زي ماكلنا عارفين
بيضيع بسرعه فلازم نحاول نستغل وقتنا ونبتدى من الان
لانه شهر واحد في السنه وعايزين نستغله في العبادات
بدل مالوقت يضيع في المطبخ وحاجات تانيه
يعنى مثلا تفريز الطعام هاتقولولي مالخضار المجمد في كل مكان
انا ما اقصد الخضار بس اقصد كل شئ مثلا نعصج اللحمه
نعمل شربات الحلويات(الشيره)
السمبوسه كمان ممكن تتحشي وتكون جاهزه للقلي
وفي اصناف كتير من الاكلات والحلويات كمان ممكن نجمدها وتكون جاهزه للتسويه فقط
وده بيوفر في الوقت لانى بعتمد على الموضوع ده دائما يعنى ده من واقع تجربه شخصيه لي
وطبعا وانتى بتجهزى الطعام بتراعي عدد الاشخاص اللى هايتناولوا منه
وطبعا الموضوع مفتوح لاي اخت تحب تقدم لنا اقتراح او فكره تفيد بيها اخواتها
لتوفير الوقت واستغلاله باحسن شكل
اتمنى الموضوع يكون نال اعجابكم
اللهم بارك لنا في شعبان وبلغنا رمضان

كتبت : فطومة محمد

والله فعلا فكرتك روووووووووعة

بس المشكلة عندي في العزومات المحاشي

يعنى الحاجات اللي المفروض تبقي معمولة في ساعتها

ماعندكيش طريقة تخلينى اعمل المحشي واخزنه في الفريزر هههههه

بس عنجد فكرتك رووووووووعة ماشاء الله عليكى ياقمر

هو الي ينفع احشيه واحطه ف الفريزر بس الممبار

واسمحيلي لو حبيت اضع فكرة احطها هنا في موضوعك ياقمر

كتبت : سلمى من هناك

اهلا يا قمر نورتي الموضوع
انا كنت بقول زيك كده على المحاشي وطلع فعلا ان في ناس بتجهزها وتحشيها وتكون جاهزة
للتسويه بس والله مش بهزر انا سالت بجد وقالولى عادي انه ممكن يتجهز وبيطلع حلو
انا هاجربه الاسبوع ده ان شاء الله هاجهزة واجمده وبعد كام يوم اسويه واشوف النتيجه واقولكم ان شاء الله
واهلا باى فكره من افكارك يا جميل انتي وكل قمرات المنتدى

الاستعداد لشهر رمضان

مجتمع رجيم / عــــام الإسلاميات

* شرح حديث أفشاء السلام *

الصلاة إلى سترة