حاسبى على ولادك من التحرش الجنسى
مجتمع رجيم / أرشيف رجيم
كتبت :
ام رؤى وجنى
-
حبيباتى الامهات انا بجد مزهولة من اللى بشوفو وبنقول الاطفال ميعرفوش حاجة انا جبتلكم موضوع بجد صعب جدا انا نقلتهلكم زى ما هو لكى نستفيد كلنا ونخلى بالنا من ولادنا ربنا يسترها
هدخل في الموضوع وهحكلكم عن لسان الام علشان تحسوا بالي انا حسيت بيه لما سمعته
جم بنات الجيران وهما بنتين اخوات اكبر من بنتي بسنتين كالعاده يخبطوا على البيت بعد المغرب يطلبوا بنتي وعمرها خمس سنين ولان البيت له بوابه ومقفوله سمحت لبنتي تلعب معاهم على السلم كالعاده هما غالبا بيلعبوا معاها يوميا في نفس الميعاد لمدة ساعتين وفي الوقت ده بينزل ابني الصغير وعمره سنتين معاها
للاسف جه ابني الصغير يقولي ان فلانه وهى احدى البنتين انها بتلعب في الببيه بتاعه وطبعا معرفتش منه حاجه لانه مش عارف يتكلم اوي ولكن حسيت لاني بفهم ابني وربنا يعلم بيه وفي النار الي في قلبي عملت للراجل السحور علشان هنصوم بكره وخلصنا الاكل واخدت بنتي وحمتها ودخلت معاها الاوضه واعدت اكلمها اني بحبها وهحبها اكتر لو قالتي ليه اخوها جه يشتكي من البنت وبعد جدالات والله ابدا ما اتنرفزت عليها وخدتها في حضني وصعبت عليه وكان نفسي تقولي ان اخوها بيقول كلام غلط وكان نفسي مسمعش الكلام الي قالته والله والله انا في نار وحرقه يادي المصيبه عيالي الاثنين الي حلتي
المهم لبست البنت وبعد كلامي معاها لقيت وشها اصفر وبصتلي وقالتلي صحيح يا ماما البنت فلانه قلعت اخويا البنطلون ولعبت في الببيه بتاعه علما ان البنت عمرها سبع سنين فقط تخيلوا وبتعمل كده وانا شايفاها مؤدبه هى واخواتها وهما واحنا مشتركين في نفس البيت ولنا بوابه خاصه يعني ذي الاهل
طبعا لما سمعت كده وقفتها وقلتلها احكيلي بالظبط البنات كانت بتعمل ايه يا بنتي
طبعا سمعت كلام الله المستعان والله لا يوريكم ولا يبتليكم
والله دخل في نفسي هاجس انه طالما البنات بالشكل ده يبقى بنتي مشتركه او في مصيبه تانيه مستخبيه والله يصبرني ويلهمني الصواب
سألت البنت سؤال مباشر وكدبت عليها وعلى برائتها وقلتلها البنات بيقولوا انك بتعملي حاجات وحشه وانتي لو قلتيلي الحقيقه هسامحك والله وهحبك اكتر
تخيلوا قالتلي ان فلان وهو ابن الجيران اخوا البنات الكبير وعمره 14 او15 سنه انه خلعها البنطلون في الحوش تحت وعمل ...............
شوفتوا المصيبه الي انا فيها طبعا كشفت على البنت والحمد لله البنت سليمه لان الولد استخدم صابعه وبس
وسألتها والبنات كانوا فين قالتلي باباهم ناداهم علشان يتعشوا واخوهم نزل ليه لوحده وبنتي خافت منه وخافت مني لانها فاهمه ان ده غلط وقالتلي ان الموضوع ده حصل مره واحده وبس ولكن انا قلبي بياكلني
وده كلامها بالتحديد
هدخل في الموضوع وهحكلكم عن لسان الام علشان تحسوا بالي انا حسيت بيه لما سمعته
جم بنات الجيران وهما بنتين اخوات اكبر من بنتي بسنتين كالعاده يخبطوا على البيت بعد المغرب يطلبوا بنتي وعمرها خمس سنين ولان البيت له بوابه ومقفوله سمحت لبنتي تلعب معاهم على السلم كالعاده هما غالبا بيلعبوا معاها يوميا في نفس الميعاد لمدة ساعتين وفي الوقت ده بينزل ابني الصغير وعمره سنتين معاها
للاسف جه ابني الصغير يقولي ان فلانه وهى احدى البنتين انها بتلعب في الببيه بتاعه وطبعا معرفتش منه حاجه لانه مش عارف يتكلم اوي ولكن حسيت لاني بفهم ابني وربنا يعلم بيه وفي النار الي في قلبي عملت للراجل السحور علشان هنصوم بكره وخلصنا الاكل واخدت بنتي وحمتها ودخلت معاها الاوضه واعدت اكلمها اني بحبها وهحبها اكتر لو قالتي ليه اخوها جه يشتكي من البنت وبعد جدالات والله ابدا ما اتنرفزت عليها وخدتها في حضني وصعبت عليه وكان نفسي تقولي ان اخوها بيقول كلام غلط وكان نفسي مسمعش الكلام الي قالته والله والله انا في نار وحرقه يادي المصيبه عيالي الاثنين الي حلتي
المهم لبست البنت وبعد كلامي معاها لقيت وشها اصفر وبصتلي وقالتلي صحيح يا ماما البنت فلانه قلعت اخويا البنطلون ولعبت في الببيه بتاعه علما ان البنت عمرها سبع سنين فقط تخيلوا وبتعمل كده وانا شايفاها مؤدبه هى واخواتها وهما واحنا مشتركين في نفس البيت ولنا بوابه خاصه يعني ذي الاهل
طبعا لما سمعت كده وقفتها وقلتلها احكيلي بالظبط البنات كانت بتعمل ايه يا بنتي
طبعا سمعت كلام الله المستعان والله لا يوريكم ولا يبتليكم
والله دخل في نفسي هاجس انه طالما البنات بالشكل ده يبقى بنتي مشتركه او في مصيبه تانيه مستخبيه والله يصبرني ويلهمني الصواب
سألت البنت سؤال مباشر وكدبت عليها وعلى برائتها وقلتلها البنات بيقولوا انك بتعملي حاجات وحشه وانتي لو قلتيلي الحقيقه هسامحك والله وهحبك اكتر
تخيلوا قالتلي ان فلان وهو ابن الجيران اخوا البنات الكبير وعمره 14 او15 سنه انه خلعها البنطلون في الحوش تحت وعمل ...............
شوفتوا المصيبه الي انا فيها طبعا كشفت على البنت والحمد لله البنت سليمه لان الولد استخدم صابعه وبس
وسألتها والبنات كانوا فين قالتلي باباهم ناداهم علشان يتعشوا واخوهم نزل ليه لوحده وبنتي خافت منه وخافت مني لانها فاهمه ان ده غلط وقالتلي ان الموضوع ده حصل مره واحده وبس ولكن انا قلبي بياكلني
وده كلامها بالتحديد
وهرجع اقولكم انا ليه كتبت الموضوع ده لاسباب كتير الطفل في سن سنتين واكثر مطمع لذوي النفوس الضعيفه
لو جه ابن الجيران ابن الناس وقالك هاتي ابنك البيبي اشيله شويه قولي لاءه
متخليش بنتك تلعب بعيد عن عينك اكتر من نصف ساعه
يعني لو راحت للجيران والي عندهم بنات وبس وفي نفس العمر لا توافقي انها تدخل الغرفه معاها وتقعد وقت طويل من غير مراقبه
احذري يا اختي وراقبي بنتك وابنك كويس والله مكنتش متخيله ان الموضوع ده ممكن يحصل لناس قريبه مني كده والله يصبر هذه الام والله انها ام فاضله والبنت ديه مؤدبه جدا وذكيه جدا والام حساسه
شوفتوا اذاي تعاملت مع المشكله وانا عارفه انها مش بتكدب عليه وفعلا على الرغم من المصيبه الي هيه فيها الا اني معجبه بتصرفها ولحقت الموضوع
تخيلوا لو الام اتعملت مع البنت بغباء واعدت تضرب فيها علشان موضوع اخوها مكنتش ابدا البنت هتعترف بموضوعها وممكن كان يحصل لها حاجات افظع
لا تتركي ابنك او بنتك في الاوضه يلعب مع نفسه فتره طويله بدون مراقبه وياريت اكون افدتكم
وعليكم المراقبه الشديده وبلاش نقول اطفال ومبيفهموش حاجه
وربنا لا يبتلينا ويارب المغفره من عندك ويارب اصلح اولادنا واهدينا