مجتمع رجيمأرشيف رجيم

موضوع لنقاش

مرحبا بنات ..ان ا قلت للنساء لانه بصراحه عيب والله الرجال يعرفون مثل ذا الحريم..بيفرحون علينا.. بس انا حاسه واحساسي مايخيب انه فيه ناس حالقه شواربها وداخله

اتمنى ان موضوعي يلاقي استحسان حضراتكم خخخخخخخخخخ
بنات انا دايم اشوف هذي المشاهد قدامي وبعضها يشعرني بالأشمئزاز ..
وبعضها بالتعجب ..

بس اللي اقوله وصلنا هذا القرن وفيه ناس كذا ؟؟؟؟؟؟؟؟؟؟؟؟؟؟؟؟

المشهد الأول ..

امرأه في كامل اناقتها تشوفينها تقولين يا سلام وش هالزين وش هالكشخه من لبس وشعر وريحه واكسسوارات بس (( لا تــــــضحك )) اذا ضحكت وش تشوفين اسنان صفراء عليها طبقات من الأكل والجير !!!

استغرب شلون تضحك عند زوجها وشلون تسولف معه وشلون يقدر ( يقبلها )!!!

وبعد هذا كله تقول زوجي ما يحب يبوس كثير !!!!
بلا مو منه من هالقرف اللي يشوفه ..
(( ناقشت مرة وحده في هذا الموضوع وش تتوقعون قالت لي ؟؟
تقول من الله خلقها ما فرشت اسنانها!!!
ردت اللي معها انا بس في المناسبات!!!))
وانا وجهي علامة تعجب كبيره !!!
في ناس كذا ؟؟


المشهد الثاني ..
طالعه مع زوجها وهو كاشخ على سنقه وعشره وهي طالعه بعبايه وسخه ما بقى كاتشاب ما بقى مايونيز ما بقى حليب من عيالها هذا اذا ردت على الأكل اذا ما كانت تمسح أنف طفلها فيه ( اعذروني بس مو مني من الحره )
واذا انفتحت العبايه تشوفينها طالعه بروب البيت !!!
بتقولون لي استر !!
انا ما اقول تتفسخ انا اقول تلبس عباية نظيفه و لبس طلعه مو لبس بيت!! تنورة وبلوزة محتشمه مثلا مو روب بيت !!

وبعدها تتشكى تقول زوجي يبصبص ما احب اطلع معه !!

المشهد الثالث ..
ام طالعه مع عيالها المول وتضرب في هذا وتسب هذاك ..
طيب تبين تربين عيالك مو في السوق عند الله وخلقه ربيهم في البيت ..
ابدا منظر غير حضاري..

المشهد الرابع ..
رايحه للصالون بتصبغ وتستشور ..
تفصخ العبايه .. الا جايه بالبيجامه !!!
طيب تعرفين تصبغين وتستشورين ما تعرفين تلبسين !!!

المشهد الخامس..
الريحه وما ادراك مالريحه ..
بنات انا والله احيانا امرض من ريحة العرق اللي في بعض الحريم ..
معقوله وصلنا الا هذا الزمن وما فيه وحده تعرف تستخدم مزيل رائحه العرق ؟؟
تخافين من الأمراض؟؟

فيه اختراع اسمه مزيل عرق..و و و

وبعدها تقول زوجي فيه برود جنسي!!
الله يكون في عونه المفروض يكون فيه اكثر اذا ما جاه الصداع النصفي والجيوب وخلل في الأعصاب ووظائف الكبد كويس !!

المشهد السادس..
تزورين ناس تلاقين البيت ريحته واصله الشارع الأطفال ملابسهم وسخه ريحتهم ما تقدرين تسلمين عليهم .. كنبهم كله بقع ..والساعه كم 9 مساء والعيال بالحوش يلعبون كورة والبنات متسدحين عند سبيس تون!!
وربي حتى ما تشتهين تشربين عندهم كاسة الموية !!
وتجيك هي تسلم عليك بحماس الا وريحتها كشنه وشعرها منفوش ( بس مشطته ع السريع وحطت ***سه بس باين )

وبعدها تشتكي وتتحسب على زوجها تقول بس مقابل الاستراحه وما يجي الا وقت النوم ..
(زين انه يجي ينام بعد) يعني اذا هذا وضع البيت كيف يقدر الزوج يجي يرتاح ..
مش المفروض يكون البيت في هذي الساعه نظيق ومبخر والحرمة كاشخه ولابسه ومتعطرة والأطفال في سريرهم!!!
(( ناقشت وحده زي كذا في الموضع مع انه حساس بس ما قدرت اسكت قلت لها ليش طيب ما تنظفين البيت وتنظمين نوم الأطفال وتتفرغين لنفسك ولزوجك!! وش تتوقعون ردت؟؟
تقول اصلا هو ما يجلس في البيت علشان اسوي له كل هذا!! بالله ما ترفع الضغط؟؟))

يا الله وينكم عن النظافه اللي حثنا عليها الله ورسوله ؟؟
قال تعالى : " وثيابك فطَّهر "

ولا يكمل جمال الظاهر بغير النظافة، ولا يكمل صفاء الباطن وحسن المعاملة بغير تقوى ولطافة ..

فعن جابر بن عبد الله رضي الله عنها قال : " أتانا رسول الله صلى الله عليه وسلم فرأى رجلاً شعثاً قد تفرق شعره فقال : أما كان هذا يجد ما يسكن به شعره ؟ " ورأى رجلاً آخر وعليه ثياب وسخة فقال : " أما كان هذا يجد ما يغسل به ثوبه ".
السلام عليكم ورحمة الله وبركاته
بوركت غاليتي وسلمت أناملك لهذا الطرح الرائع والمميز

صدقت غاليتي في نماذج كثيرة من هؤلاء النساء وإذا لفى على عش آخر بدأت تعتني وتغغير من نفسها وأسلوب حياتها وعندها لا ينفع قد طارت الطيور بأرزاقها

بوركت ودمت بخير
بارك الله فيكي اختي وجزاك الله خيرا
بجد طرح مميز لموضوع مميز
وزى ماقالت عبير بيعرفون انهم غلط ويهتموا بنفسهم بعد فوات الاوان
تقبلى مرورى حبيبتى
حبيبتى موضوعك فعلا من الواقع فعلا انا بشوف سيدات روعة فى الجمال والاناقة وتلاقى بيتها زفت وعيالها ازفت ورائحتها هى الشخصية ازفت وازفت وغالبا تلاقى زوجها طفشااااااااان علىطول
تقبلى مرورى
بصراحة هو المفروض النظافة الشخصية للزوجين لأن للأسف في كمان بعض الرجال تفعل ذلك علشان لا نكون متحاملين فقط على السيدات ولكن ربما لأنه منتدى نسائي أحببتي توجيه النصح للسيدات فبارك الله فيك وفعلا الست التي تحافظ على نظافة بيتها وتجعله جنة يتمنى الرجل أن يرجع له باخر النهار ويرتاح ويجب أن تكون مهيئة باللبس والنظافة لاستقباله فلا يشم منها رائحة كرهة أو يرى منظرا مزعجا يصده عنها وينفره منها فعليها أن تعفه حتى لا يضطر أن ينظر لغيرها .
1 2