يوميات أم بطنين ..

واااااااااااااااااااو حرام عليك ليش تعملي ف نفسك كذا لازم تبعدي عن اي شي يطفشكي مشان ماتلجئي للاكل الله يعينك وينحفكي ياارب وربي انا وزني 60 ونفسيتي زفت ابي اوصل ال45
والله يعينك بانتظاااار باقي القصه تحمست معاكي وربي

كل وحدة مرت من هنا اقول لها يعطيك العافية سواء ردت او لا ..
و اختي المتحطمة ..
تقدرين تسمينه " تفريغ شحنات " ..
آن شالله أوصل لوزن مثالي في يوم من الأيام ..
المهم عنوان حلقتنا اليوم " و اجتمعت الأفيال " ..
بما ان العايلة مليانه فيله و افيال ..
فتجمعنا اليوم فبيت جدتي في غرفة لحالنا انا و 4 نفرات معاي ..
بنت خالي " وزنها 199 كيلو > زايدة كيلوين في يوم مسكينة و كان وزنها قبل الحمل 120 و طول فترة الحمل كانت تمتن بشكل كبير حتى امها و ام زوجها يصيحون عليها وهي ولا مهتمة و اللي مشجعها زوجها هو من قبل يبيها تمتن لين اليوم اللي ولدت فيه قاست وزنها لقته 188 كيلو و جتها كآبه مو طبيعية بسبة الحمل و بسبة وزنها و ابتدت تاكل لين ظرب العداد عندها مسكينة و بعد 3 شهور من الحمل كان وزنها 199 و اكتشفت انها زادت 79 كيلو بس في الحمل و النفاس " و الحين هي مقررة تسوي تحوير ..
اختي " 144 كيلو " اللي سمنت معاي و وصل وزنها 150 ..
عمتي 160 " كانت مسوية عملية تحوير و كان وزنها قبل العملية 230 و في يوم العملية كان وزنها 180 ..
خالتي " وزنها 190 اتخيلو قبل لا تحمل كان وزنها 130 و لما طلعت من الاربعين اكتشفت انها كسبت طول فترة حملها 60 كيلو "هم تبي تسوي تحوير ..
كانت الأفيال تناقش حالة اسمن فيلين في القروب و هم بنت خالي و خالتي ..
و ثنتينهم سمنتهم من الحمل ..
كنت جالسة و اطقطق في كرشتي من الطفش و عمتي منسدحة على بطنها و تحرك رجلها فوق تحت " من الرشاقة الزايدة " ..
و خالتي تتهاوش مع ازارير بلوزتها اللي كل ما سكرت واحد انفتح الثاني و اختي حاطة اللابتوب على بطنها و تسولف ع المسن ..
اما بنت خالي جالسة و تطالعني و مسرحة ..
جان اقول لها " هي شفيج ؟؟ "
تقول " خايفة اصير متنج يوم كنتي فبيت عمج ..
الا اختي تقول : لا تخافين بتصيرين زيها دامج تزيدين كيلوين في اليوم من هالبلع اللي تاكلينه ..
الا تقول لها بنت خالي " سكتي يا الدبه " ..
و ترد اختي : لا يا القلم تكفين .. والله اللي يشوفج يقول يايبين عندهم حوت .. انا مستغربة من هالكنب اللي يالسة عليه للحين ما انكسر ..
" كل وحدة مصدقة روحها انها رشيقة " ..
الا تدخل عيوش اختي الصغيرة و تقول لنا " الشحوم يسكتون لا يتفككون و نزلق فيهم الحين " ..
و يوم هجدنا الا عمتي انسدحت على ظهرها و تمسح في بطنها و تخظه و تقول " والله بتمر الايام و بفقد هالكرشة اللي عاشت معاي أحلى سنين عمري > كلن على همه سرى ..
والله كانت أشكالنا تحفه اسمن نساء العايلة في غرفة وحدة ..
المهم تقول عمتي : هي .. مو انتي ناوية تسوين تحوير ؟؟
قلت : أي آن شآلله ..
قالت : أنا عندي لج نصيحة .. بما ان وزنج الحين 170 .. و الدكتور طالب يوصل وزنج 160 صح ؟؟
قلت : ايه ؟؟
قالت : خلاص عيل .. من الحين ابدي رجيم و وصلي وزنج لـ 140 ..
قلت : الله مشوااااار والله ..
قالت : يالخبلة عشان لما توصلين لـ 140 تبدين تاكلين على راحتج لانج بعد العملية بتفقدين الأكل لين توصلين للوزن اللي حدده لج الدكتور ..
الا تقول خالتي " لا تخربين البنت علينا .. هذا بدال لا تنصحينها تخفف عشان بعد العملية تنحف اسرع .. شوفي بطنها شلون قايل جنها مجمعة فيه شحوم العايلة و حاطتهم داخل .. و الله شكله الدكتور بيشق كرشتها بالساطور ..
الا عمتي تقول : شعليج بنت اخوي و انا حره فيها .. بعدين طالعي نفسج على الأقل هي انحف منج انتي اللي يطيح عليج يتوهق يغرق في شحومج على طول ..
المهم كانت جلستنا كلها سوالف المتان عن الأكل و ما الأكل و شوي عن خاطرنا تكلمنا عن الدايت ..
المهم حظرتي من الرشاقة الزايدة و جمال الجسم كنت لابسة برمودا .. طبعا ما تفرقون بين ساقي و فخذي .. و لابسة تيشيرت طويييل لاني ما اقدر ادخل بطني داخل البنطلون فتاركته كذا و لبست تيشيرت طويل عشان لا يبين لانه كما سبق و قلت طالع لقدام و طويل لنص الفخذ والله كرشتي مو طبيعية أجل وزنها 23 كيلو ..
فـ يوم طلعن من الغرفة اللي احنا فيها استلمتني جدتي " من حلاة الجسم لابسة هاللبس ؟؟ و بعدين شنو هالبلوزة الطويلة ؟؟ لابستها عشان تغطين فيها كرشتج ؟؟ "
جدتي كانت مبسوطة اني نحفت و وصلت لـ 164 لكنها عصبت يوم رجعت هالكيلوات لـ 170 و من يومها طايحة فيني طنازة بس ما تنلام ولا ينزعل منها فديتها ..
المهم تتخيلون الوظع معاي اذا جيت انام ..
الناس العاديين لما ينامون على السرير و ينسدحون على جنب معين تكون فيه مسافة في السرير ..
هالمسافة الفاظية كلها انا ياخذها بطني اللي أزمني ..
و اذكر لما كان وزني 225 الله لا يعيده من وزن اني اذا بغيت اغير الجنب اللي انا فيه كانت امي تساعدني بانها ترفع لي بطني عشان انقلب للجة الثانية ..
والله كااانت معاناااااااااااه الله لا يعيدها من معاناة يا رب ..
بكرى الصبح لازم اروح النادي اللي انقطعت عنه اسبوعين ..
لازم لازم انحف لو اوصل لـ 140 و اوقف و بعدها اسوي العملية ..
على الأقل بعد العملية بيكون نزول وزني افضل ..
دعواااااااااااااتكم لي ..

الله يشفيج يااارب

وربي السمنه المفرطه مر ض العصر

الله ينحفج وينحفنا يااااارب

الله ينحنفنا يالغاليه وبانتظار جديدج

انا اليوم وزنج ولقيتني زايده 4 كيلو :s

الله يشفيك ي رب من وزنك المفرط
انتبهي انتي توك صصغيره :(

بس مستغربه العائله سمان سبحان الله ليه
وراثه ..؟

بس سردك لقصصك روعه