زمن شهادات؟؟{حملة سماالابداع}
مجتمع رجيم / موضوعات النقاش المميزة .. لا للمنقول
كتبت :
ام حنين 1981
-
بسم الله الرحمن الرحيم
اخواتي الغاليات الموضوع باين من عنوانو انا عايزه اعرف رأيكم هل الزمن اللي احنا فيه ده زمن شهادات ولى الكلمه دي انقرضت خلاص ؟
يعني زمان كانوا الناس بيهتموا جدا بالتعليم والشهادات وكانوا اصحاب المناصب الكبيره هما فعلا اصحاب الشهادات العليا.
لكن الان اختلف الوضع واصبح الاهم هو الطريق اللي يجيب ماديات اكتر يعني مثلا في شباب كتيييييييير توجهوا للأعمال الحرفيه واليدويه لأنها بتكسب اكتر وحتى الاهل لم يعد اكبر همهم ان اولادهم ياخدوا شهاده.
وفي سبب تاني خلى الشباب لاتهتم بالشهاده وهو انهم شايفين شباب كتير زيهم وصلوا ونجحوا على اكتاف ناس تانيين وحتى اللي نجح في دراستو جي واحد تاني واخد مكانو بواسطه او رشوه او غيرها.
اللي انا عايزه اعرف رأيكم فيه لو وحده مننا عرفت وتأكدت ان ابنها لو درس واخد شهادات عليا مش حيستفيد منها ولاحيشتغل بيها حتخليه برضو يكمل دراسه ولى لأ؟؟
يعني احنا بندرس عيالنا لهدف العلم بس ولى لازم يكون منه فايده ماديه؟؟؟
وياريت نتناقش بكل صراحه بعيد عن المثاليه؟؟
وانا اختصرت الكلام على الاولاد اكتر من البنات لأن البنات مهما اشتغلت فده مبيكنش فرض او واجب الا في بعض الحالات الخاصه لكن الاغلبيه العظمى بتستفيد من شهادتها في تربية اولادها وتوسيع افقها وثقافه عامه بعكس الولد مفروض عليه المسؤوليه ويفتح بيت ويكون اسره فالجانب المادي اساسي بالنسبه له.
مستنيه رأيكم ونقاشكم ياغاليات.
والله يوفقك اولادنا جميعا.
كتبت :
randoda
-
الصراحة حبيبتى الموضوع ده صعب جدا محير
بس الصراحة انا لازم بامر الله اعلم اولادى و ياخدوا شهاداتهم
و بعدين لو ما حبوا يشتغلوا بيها و حبوا يتوجهوا لاى عمل حرفى ما حامانع
بس المهم ان الواحد بردو يكون له شهادة تعرفه فى المجتمع
حتى ممكن يشتغلوا اثاء الدراسة و لكن تظل الشهادة اساسية بالنسبة لى
تسلمى حبيبتى