يوميات سر نجاحنا ...

بخ بخ

السلاااااااااااااام عليكم

كيف حالكم يا بنات
شو اخباركم
ام ياسمين كيف حالك
صارلي اكتر من شهر بتصل فيكي ما حد برد ؟؟ ومرات بيعطيني مشغول؟؟؟
ياستي اتمنى تكوني بخير

المهم انا الحمد لله اخباري تمام
قبل فتره كنت عند اهلي بالقدس وانبسطت كتير هناك
ولما روحت
قررت اغير شوية شغلات واربي نفسي الضعيفه بنفسي
اول شيء بلشت تخفيف الاكل شوي شوي وتنظيم الوجبات..
وصار عندي برنامج يومي كل يوم الصبح...
بصحى 8 الصبح بصلي الضحى وبعدين بسوي اكل للبنوتات...
وعلى 9 ببلش الرياضه لمدة ربع ساعه وبعدين بشرب كاسة شاي اخضر...
وعلى 10 فطوري الخفيف....
والحمد لله انتظمت اكتر بالصلاه وبصلاة الضحى والفجر...
وبعدين بشتغل بالبيت وبالطبخ وكلو... وعلى 3 بتغدى غدا خفيف وخلال النهار باكل تمر وبشرب مي كتير...
وبعدين بقعد بريح جسمي شوي...
وجبت خلطه للشعر رائعه... الي هي زيت الصبر وزيت الخروع وزيت الزيتون وليمون وثوم ....
بحطه على شعري لمدة 3 او 4 ساعات.... يارب تزبط معي

بالتوفيق للجميع

السلام عليكم
كيفكن شو اخباركم يارب تكونو ابخير
اهلين زينة من زمان هل قمر مابان ماشاء الله حلو كتير برنامجك استمري وانشاءلله رح تلاقي نتيجة
شكرا قصة كفاح لسؤالك عني اما عن اخباري
الحمد الله الجانب الديني بفضل الله محافظة على اذكاري وصلاتي وقراءالقرءان بسمع بمسجد قريب من بيتي ويوم الاربعاء القادم عندي اختبار ب خمس اجزاء مع كتاب التجويد دعولي تكون نتيجتي ممتازة والله يتقبل منا يارب وكمان ماشيه في قراءة التفسير وحفظ الاحاديث النبوية من كتاب رياض الصالحين
ومن جانب التنمية البشرية مسجلة بدورة الاشكال يعني انماط الشخصيات وحضرت فيها اربع دروس وليوم الخامس وحاسه حالي كتير استفدت منها
اما عن اخبار تنظيف البيت من فترة قصيرة عملت تنظيف للبيت كلو حيطان وارضيات وستاير وبهي الفترة برتب بعض الخزن والدروج عل الخفيف لاني يادوب لحق شغل البيت مع الطبخ
وشوف الاولاد
يلا بكفي ليوم هيك وبكتب بعدين باقي الجوانب من شان ما طول عليكم
هي انا كتبت من شان تتشجعوا وتكتبو انتو كمان ونكون بعضا لبعض عونا على الخير

السلام عليكم
لا حياة لمن تنادي

السلام عليكم
كيفكم وين غايبين مو معقول هل غيبة طمنوني عنكم

الله يعطيك العافيه حبيبتي بلاد
الموضوع صار ميت على الاخر
الظاهر الكل ملتهي ومشغول
انا حابه اخبركم عن اخباري
انا كثير مرتاحه وكل شي في حياتي
صاير افضل بفضل الله
الف الحمد لله والشكر
ايش اخبار دراستك بلاد
وشو هالدورات الحلوه
ما شاء الله عليك