طبق مصرى اصيل ملفوف الكرنب(بلاد العرب اوطانى)
مجتمع رجيم / الاطباق المتنوعة
كتبت :
زهرة الليمون
-
حبيباتى اهلا بكم معى هقدم طبق مصرى مشهور جدا واساسى عند المصريين وهو محشى الكرنب هههههههه طبعا عارفينه خليكم مع المقادير والمكونات وبالصور
المكونات
كرنبة متوسطة
ملح فلفل أسود وممكن كمان معاه فلفل أخضر +كمون +شطة او بدون
زيت او سمن ارز حسب حجم الكرنبة
شبت بقدونس كسبرة خضراء
بصلة كبيرة او اتنين متوسطين كل ما تكترى البصل هيكون احلى وطعمه خطير
طماطم(بنادورة) صلصة علشان تدى لون احمر جميل
شوربة لحم او دجاج حسب ماتحبى وممكن مكعبين مرق
وادى الصور
نيجى بقى للطريقة ركزى معايا
اول حاجة نسلق ورق الكرنب بالطريقة دى نحطو فى ماء مغلى لمدة دقيقتين ونكون حطين فى الماء شوية كمون علشان الريحة والطعم ذى الصورة
وبعد كدة لما نسلق الورق هنقطعه بالشكل دة
ونرصه فىالمصفاة كدة لما يصفى المية ...ههههه منظر يعنى حلو والله
وبعد كدة نحضر الخلطة اللى هنحشى بيها بكلمكم بالبلدى لغتنا المصرية بقى اول حاجة نجيب السمن نرفعه على النا لحد ما يسخن (يتقدح)بالمصرية هههه
هنقطع البصل على السمن لحد ما ياخد اللون الأصفر الشفاف ما نحرقوش ها
ونضيف عصير الطماطم ونسيبه شويه لحد ما تبقى سميكة شوية
وبعدين نضيف الملح والفلفل والتوابل والفلفل الأخضر
وبعدين نحط الرز (الأرز)
ونقلب لحد ما يشرب من الطماطم شوية بس اوعى يشيط منك هههه
وآخر حاجة نضيفها هى الخضرة البقدونس والشبت والكسبرة الخضراء
هيكون شكلها كدة والريحة وااااو روعة شايفين الجمال
وبعد كدة نيجى للف الورق والحشو ذى ما فى الصورة وبالترتيب
وهيبقى كدة شكله
وهنرفعه على النار ونضيف الشوربة او المرق وعليه شوية صلصة طماطم وتكون سخنة علشان المحشر ما يعجنش منك بالشكل دة
ونسيبه ونبقى مغطيين الحلة كويس ولما يشرب الشوربة نهدى النار عليه ويستوى على نار هادية
ونغرفه فى طبق كدة
او كدة
او بالشكل دة والف هنا حبايبى
للعلم ..الموضوع كله من مجهودى الخاص لكن الصور منقولة للأمانة
طبق ممتاز ومحبوب لكل المصريين وانا بموووووت فى المحشى اتفضلو كلو بالهنا على عيونكم
طبق من بلدى مصر الغالية
