برام الأرز المصرى خالي الدسم من مطبخ رشيقه(starting over)
مجتمع رجيم / أطباقنا الخاصة للرجيم
كتبت :
(رشيقه هانم)
-
السلام عليكم حبيباتي
بتحبي الأرز؟؟
سؤال اجابته معروفه هو مين مش بيحب الأرز!!!!!
الأرز لوحده مش ضد الرشاقه و لكن طريقه طبخه هي اللي بتحدد درجه دسمه و ده اللي بيخليه عدو الرشاقه اللدووود طولت عليكم و اتكلمت كتير يلا علي المطبخ
قبل ما ندخل المطبخ احب اقولكم ان الاكله دي مخصوص لعيون أحلي ضنضوووووون(ضنانى الشوق)
بتحبي الأرز؟؟
سؤال اجابته معروفه هو مين مش بيحب الأرز!!!!!
الأرز لوحده مش ضد الرشاقه و لكن طريقه طبخه هي اللي بتحدد درجه دسمه و ده اللي بيخليه عدو الرشاقه اللدووود طولت عليكم و اتكلمت كتير يلا علي المطبخ
قبل ما ندخل المطبخ احب اقولكم ان الاكله دي مخصوص لعيون أحلي ضنضوووووون(ضنانى الشوق)
انا عامله برام الأرز المصري بس بدون سمن او زيت جربوه و احكمو بنفسكم من الطعم
بسم الله أبدأ
المقادير:
4 اكواب أرز مصري
علبه لبنه منزوعه الدسم 250 جم(يمكن استبدالها بزبادي خالي الدسم مصفي من الماء بس اختاري نوع زبادي غير حامض)
كوب حليب خالي الدسم
كوب لبن خالي الدسم(انا استعملت اكتيفيا لايت)
كوب ماء
ملح و فلفل و رشه قرفه
ملحوظه: مكيالي كوب الجبنه الصغير سعه 100 ملل
الطريقه:
احضري البرام و يكون جاف من الداخل
ادهنيه جيدا من الداخل باللبنه من جميع الجوانب بحيث تكون طبقه سميكه شويه
ضيفي الأرز المغسول و المصفي
رشي الملح و الفلفل(بحب ارش قرفه اختياري)
ضيفي كوب حليب و كوب لبن و كوب ماء
ادهني الوجه باللبنه و غطيه و دخليه الفرن متوسط الحراره
بعد نص ساعه اكشفي الغطاء بيكون اتشرب غطي وجهه باللبنه تماما زي كده
دخليه الفرن تاني بدون غطاء و تابعيه حتي يحمر الوجه
(ممكن تشغلي الشوايه لتكمله تحمير الوجه ان احتاج الامر)
كده طلع من الفرن
اتفضلووووووووووووو
بجد من جوه الأرز زي الزبده و مفلفل و لمحبي الجوانب مثلي هتستمتعي جدااااااااااااااا ممممممممممم بجد انا يوم ما بعمله باكل رز براحتي لاني بحبه جدا خصوصا الجوانب و القعر لانها بتطلع متحمره و طريه في نفس الوقت مش عرفت اصورها لكم لاني اكلتها كلهااااااااااااااااا
علي فكره لمتبعي رجيم النقاط 6-8 ملاعق ارز = 2 نقطه فقط
