وصفات برنامج من كل بلد أكلة

مجتمع رجيم / الاطباق المتنوعة
كتبت : Blue Rose
-


عجينة الفطائر والسمبوسك
بحشوة البطاطس
العجينة
العجينة (3 كوب دقيق - 1/2 كوب زيت – 3/4 كوب ماء – ملح – 1/4 م ص سكر – م طعام بيكنج بودر )
الحشو
2 ثمرة بطاطس مسلوقة – 1/2 كوب بسلة مسلوقة – م ص كركم – فص ثوم مهروس – ملح وفلفل – م زيت ذرة
طريقة الحشو
نضع كل المقادير على بعض ونخلطهم ونضعهم فى طبق التقديم
الطريقة
لعمل العجينة ,,, نضع الملح والسكر والبيكنج بودر على الدقيق ونخلطهم ثم نضع الذيت ونفركهم ثم نضع الماء ونعجن لحد ماتتكون عجينة متماسكة ثم نتركها ترتاح . نرش دقيق على الترابيزة ونفرد العجينة بالنشابة ثم نقطعها بالقطاعه دوائر ثم نضع م حشو كبيرة فى منتصف كل دائرة ونقفلها ونضغط على طروفها ونضفرها و نحمرها




وحدات الخبز المحمر بالسكر
العجينة
العجينة (3 كوب دقيق - 1/2 كوب زيت – 3/4 كوب ماء – ملح – 1/4 م ص سكر – م طعام بيكنج بودر )
سكر بودرة للوجه
الطريقة
لعمل العجينة ,,, نضع الملح والسكر والبيكنج بودر على الدقيق ونخلطهم ثم نضع الذيت ونفركهم ثم نضع الماء ونعجن لحد ماتتكون عجينة متماسكة ثم نتركها ترتاح . نرش دقيق على الترابيزة ونفرد العجينة بالنشابة ثم نقطعها بالقطاعه دوائر ونحمرها فى الزيت حتلاقيها نفشت وانتفخت واحمرت خفيف تطلعيه وترشى على وشه شوية سكر بودرة

وحدات الخبز المحمر بالسمسم وحبة البركة
سمسم وحبة البركه للوش
العجينة
العجينة (3 كوب دقيق - 1/2 كوب زيت – 3/4 كوب ماء – ملح – 1/4 م ص سكر – م طعام بيكنج بودر )
الطريقة
لعمل العجينة ,,, نضع الملح والسكر والبيكنج بودر على الدقيق ونخلطهم ثم نضع الذيت ونفركهم ثم نضع الماء ونعجن لحد ماتتكون عجينة متماسكة ثم نتركها ترتاح . نضع على العجينة شوية سمسم وحبة البركة ونعجنها ثم
نرش دقيق على الترابيزة ونفرد العجينة بالنشابة ثم نقطعها بالقطاعه دوائر ونحمرها فى الزيت حتلاقيها نفشت وانتفخت واحمرت خفيف

مكرونة كواتر بنا جيون
كيس مكرونة قلم – كوب بسلة مسلوقة – ريحان فرش – 100 ج مشروم – 1/2 ك طماطم – بصل – 1/2 ك جبنة مبشورة – شرائح بزنجان مقلية
الطريقة
نقطع البصل والثوم شرائح كبيرة ونشوحهم لحد ما يدبلوا ثم نخرط الطماطم المقشرة بالسكينة ثم نضعها فى المقلاية لحد ماتتشوح كويس ثم نضع البسلة المسلوقة وقطع البزنجان المقلية و المشروم ونقلب كله مع بعض ثم نضع المكرونة مع التقليب ثم نضع الريحان ونغرف الطبق

البيض بالانشوجة
5 بيضات مسلوقين – فص ثوم كبير مسلوق – شريحه انشوجة – كابرى – خل – ذيت – 2 طماطم
الطريقة
نقطع البيض المسلوق نصين بالعرض ونشيل الصفار. نضع الصفار فى طبق والانشوجة والكابرى والثوم والخل وسهم مع بعض بالشوكة كويس . نقطع الطماطم ارباع وبعدين نشيل البزر ونضعها فى طبق التقديم . نحشى بياض البيض بالحشوة ونرصصه فى الطبق وممكن نضع على الوش حلقات من الزيتون الاسود المخلى
ريش البتلو مع صلصة النيسواز
4 شرائح ريش – 4 قطع انشوجة – 1/4 ك زيتون اسود مخلل – ذبدة – كابرى – ملح وفلفل – خل
الطريقة
نشوح الريش فى الذبدة لحد ما تاخد لون ثم نضع شرائح البصل وعود ريحان لحد ما يتشوحوا كويس مع بعض ثم اضعهم فى صينية وادخلها الفرن لحد ما تستوى اللحمة وتحمر ثم نضعها فى طبق التقديم وعليها الصوص
الصوص . فى نفس المقلاية اللى عملنا فيها الريش نضع البصل والانشوجة المفرومة ونقلبهم تقليبة ثم نضع شرائح الزيتون الاسود ثم الخل ونقلب تقليبة ثم نضع الكابرى المخرط رفيع حيغلوا غلوة ثم نضعه على الريش
فطائر الذرة الايطالية
كوب دقيق زرة – 3 م ذبدة – 3 صفار بيض – كوب جبنة مبشورة – نص ك حليب – رشة جوزة الطيب
الطريقة
نضع الحليب على النار لحد ما يقرب من الغلى نضع رشة جوزة الطيب ولما يغلى نضع دقيق الذرة ونفضل نقلب لحد ما حيتكون عندك حاجة زى العجينة نشيلها ونضعها فى طبق ونضع عليها صفار البيض واحدة واحدة مع التقليب والجبنة مع التقليب كويس ثم نضع قطعه ذبدة مع التقليب. ندهن صينية بالذبدة ونضع فيها الخليط ونفرده كويس ونضع على الوش قطع ذبدة صغيرة وندخلها الفرن
مأكولات بحرية مشوية
200 ج سمك فيلية – 200 ج سلمون فيلية – 200 ج سبيط – 400 ج جمبرى – ملح وفلفل – ليمون – زعتر فريش
الطريقة
نقشر الجمبرى ونسيب الراس والذيل. نتبل كل الاصناف بالملح والفلفل والزعتر والروزمارى وعصير ليمون
نشوح كل الاصناف تشويح خفيف ثم ننغزهم فى خله خشبية ونضعهم فى صينية وندخلهم الفرن لحد ما يستووا ويحمروا ونقدهم
طريقة للتقديم
هاتى بزنجانه رومى كبيرة وقوريها من الداخل وجملى طروفها بالسكينة ثم ضعى داخلها قطعه مبللة بالسبرتو ونغزى فيها الاعواد الخشبية ثم ولعى النار فى السبرتو حطلع لهب نار خفيف ممكن تسخين الاصناف منها قبل الاكل
فراخ بصوص الليمون
1/2 ك صدور فراخ – 2 مكعب مرقة – 1 جريب فروت – عصير ليمون – كوب كريمة لبانى – 2 م دقيق – ملح وفلفل – زعتر فرش – ذبدة – خضار سوتية
الطريقة
نتبل الصدور بالملح والفلفل والليمون والزعتر ونخلطهم ونرش عليهم م دقيق ونخلطهم كدة بايدنا. نشوح الصدور فى قطعه ذبدة لحد نص سوى ثم ندخلهم الفرن حيكملوا السوى وبعد ما يستووا نضعهم فى طبق التقديم ونضع صوص الليمون على الوش
صوص الليمون بالزبدة
نخرط البصلة ناعم جدا . نضع الزبدة على النار ونشوح فيها البصلة وم دقيق ومكعب المرقة ونقلب ثم نضع زعتر فرش وشوية عصير ليمون ونقلب ونضع الكريمة ونقلب ثم نضع ملح وفلفل وفصوص الجريب فروت ويادوب تقليبة واحدة ونطفى
داميلينج صينى
لحم مفروم – بصل – كسبرة خضراء – زيت سمسم – صوياصوص – جمبرى
الطريقة
الحشو بالجمبرى
نضع فى الكبة الجمبرى والكسبرة وم بصل و 2 فص ثوم وسنة زيت سمسم وسنة خل وملح وفلفل وفلفل احمر ونخلطهم كويس قوى . نعمل العجينة بشوية دقيق وعليه زرة ملح ونفضل نعجن بشوية ماء لحد ماتتكون عندك عجينة . نفردها ونعملها دوائر ونحشيها بالحشوة ونحمرها فى الزيت ثم نضعها فى الطبق ونضع الصوص عليها
الحشو باللحمة. نضع فى الكبة اللحمة والجنزبيل وشوية زيت سمسم وكسبرة وثوم ونضربهم لحد ما ينعموا
نعمل العجينة دوائر ونحشيها بالحشوة ونقفلها بأى شكل (ممكن شكل الششبرك) ونسلقها فى ماء مغلى حوالى من 6 الى 10 د ثم نضعها فى الطبق ونضع الصوص عليها
الصوص
زيت سمسم – خل – جنزبيل فرش – ملح وفلفل
نخلطهم مع بعض فى طبق ونقدمها مع الفطائر
مكرونة الارز مع اللحم البتلو
1/2 ك مكرونة ارز – 1/2 ك لحم بتلو – 300 ج سمسم – 100 ج جزر مبشور – 100 ج حلبة منبتة – فلفل ملون – بصل – كرنب ابيض مبشور – كرنب احمر مبشور – ملح وفلفل- صوياصوص
الطريقة
نسلق المكرونة فى شوية ماء مغللى ثم نشطفها بماء بارد. نقطع اللحمة قطع صغيرة ونقطع جزء شرائح ونخلطة بشوية سمسم ونشوحها لحد ما لونها يتغير ثم نضع شرائح البصل والصويا وفلفل اسود مع التقليب ثم نضع الحلبة والجزر والفلفل الملون والكرنب الابيض والاحمر ثم نضع المكرونة وقلبهم خفيف ونغرفها
سمك مكرونة فى الفرن
سمك مكرونة – نص كوب عصير ليمون – 4 ليمونات مقطعه شرائح – 4 فصوص ثوم مهروسين – م ص كمون – كسبرة خضراء مفرومة – م ك بقدونس مفروم – 4 م زيت ويتون – ملح
الطريقة
نضع فى طبق الكسبرة المفرومة وملح وكمون و فلفلة حمراء و م ثوم وعصير ليمون والبقدونس المفروم ونخلطهم مع بعض كويس . نتبل السمك من جوه ومن بره بالليمون ونحشيه بالحشوة اللى عملناها واضعه فى صينية فيها زيت واضع على وشه شرائح الليمون واضع شوية ماء وادخله الفرن لحد مايستوى
الكفتة اليونانية
1/2 ك لحمة مفرومة – م كسبرة خضراء – م نعناع مفروم – م ك بقدونس – ملح وفلفل – زعتر – م ك بابريكا
م كمون – بصلة ناعمه – 2 م بقسماط مطحون
الطريفقة
نضع كل المقادير على بعض ونفرمها فى مفرمة اللحمة ثم نكورها ونضعها فى اسياخ خشبية ونحمرها فى الزيت شوية ثم ندخلها الفرن تكمل سواها
دجاج بالزيتون
3/4 ك صدور على وراك بالعظم –م ك زيت زيتون – بصلة شرائح – م زنجبيل بودرة – م ص بابريكا حمراء – كوب مرقة دجاج – م ص كركم – 2 بصلة خضراء مقطعه – 1/2 كوب زيتون اخضر واسود مخلل – عصير ليمونة – ليمون مخلل – ملح وفلفل
الطريقة
اضع الفراخ فى صينية واضع كل المقادير عليها وندخلها الفرن لحد ما الفراخ تستوى
ايمانسية اللحم البتلو
1/2 ك لحمة مقطعه زى الشاورما – 2 بصلة شرائح – 2 ثمرة فلفل رومى اصفر – م بقدونس ناعم – 2 ثمرة طماطم جوانح – ملح وفلفل – بابريكا
الطريقة
نقدح الزيت ونشوح البصل ثم نضع باقى الخضروات نشوحهم. فى مقلاية تانية نشوح اللحمة لحد قرب السوى ثم نضعها مع الخضروات المتشوحه والملح والفلفل والبابريكا والزعتر ونقلبها تقليبتين لحد ما تستوى ونغرفها
كاليمارى بالبيض والدقيق
كاليمارى مسلوق – ملح وفلفل – دقيق – بيض – عصير ليمونة – زيت للقلى
الطريقة
نقطع الكاليمارى دوائر. نتبله ملح وفلفل وعصير ليمون ثم نضعه فى الدجقيق ثم فى البيض ثم فى الدقيق تانى ونحمره فى الزيت لحد ما ياخد اللون الذهبى

تشكيلة مشويات
300 ج ريش ضانى – 400 ج لحم مفروم – 300 ج لحم فيلية – 300 ج كبدة – طماطم – بصل – زيت زيتون – ملح وفلفل – كمون – زعتر – خل – ليمون – فلفل رومى ملون – سماق – بقدونس – بزنجانه رومى
الطريقة
نشوى البزنجانة فى الفرن او على عين البوتجاز وبعدين نقشرها ونفرمها ناعم بالسكينة. نفرم البصلة والطماطم وملح وفلفل وكمون و خل وليمون ونعصرهم كلهم فى العصارة وبعدين نتبل بيهم اللحمة ونصبع اللحمة المفرومة اصابع كفتة . نضع شوية زيت فى مقلاية ونشوح المشويات لحد ماتستوى وبعدين نشيلها ونضع مكانها فى المقلاية البزنجان المفروم وقرن فلفل حامى مخرط وشوية كسبرة خضراء ويادوب لفتين ونطفى ثم نضعه فى طبق التقديم ونرصص علية المشويات وكام واحدة من البصل القاورمة المشوى ثم نضع السلطة عليهم
طريقة السلطة
نضع فى طبف كسبرة خضراء وبقدونس وسماق وفلفل الوان وطماطم كله شرائح رفيعه ونخلطهم مع بعض
كتبت : Blue Rose
-


تورتة الارز بالحمام
ك ارز – الوان صحية – حمام مقطع نصين بالطول – ملح – زيت او زبدة – عصير طماطم – عصير بصل – عصير بقدونس
الطريقة
نغسل الحمام ونتبله بماء البصل وماء الطماطم وملح و فلفل وخل وليمون ونشوحه فى الزيت فى مقلاية وندخله الفرن شوية . نرصص الحمام داخل طبق مقعر غويط ( بولة ) ثم ندهنها كويس من الداخل بشوية زيت ثم نضع طبقة من الارز الابيض ثم طبقة من الارز البرتقالى(بالزعفران) ثم طبقة من الارز الاخضر(بعصير البقدونس او الشبت ) ثم طبقة من الارز الاصفر( بالكركم ) ونضغط بايدنا كويس جدا ثم نقلبه ويقدم

سلطة الجرجير بالعسل
جرجير مقطع – بصل مقطع – طماطم مقطعه – بصل اخضر مقطع – مستردة – ليمون – ملح وفلفل – عسل نحل – زيت
الطريقة
فى طبق نضع كل المقادير ونخلطها كويس بالمعلقة ثم نقدمها

كمونية السمك
سمك فيلية – ثوم – كمون – ليمون – زيت – شوية ماء
الطريقة
نتبل السمك بالثوم و2 م ك كمون وعصير ليمون وملح وفلفل وندعكهم كويس ثم نضعهم فى صينية ونضع قليل من الماء وندخلها الفرن لحد مايستوى

ارز بالاتريج
ك ارز بسمتى – 1/2 ك خضار مشكل – 1/2 ك لحم مفروم – 2 بصلة مبشورة – ذبدة – توابل – اتريج -
خبة سفرجل مبشورة
الطريقة
نضع الذبدة فى مقلاية ونضع البصل واللحمة والخضار وملح وفلفل ونقلبهم كويس ثم نضع الارز والسفرجل ونقلب كله مع بعضه ثم نضع الماء ونكمل السوى عادى
بيكاتا بالفلفل (بأبسط الطرق)
لحم بتلو – ذبدة – بصل – ملح – فلفل مجروش – دقيق – حليب
الطريقة
نتبل اللحمة بملح وفلفل وماء البصل ثم نضع قطعه قطعه فى الدقيق ثم نضعها فى مقلاية فيها ذبدة وذيت على الوشين ثم نضع البصل المبشور ونضع فلفل اسود كتير حوالى معلقتين كبار ونشوحها لحد قرب السوى ثم نضع الحليب ويادوب غلوة ونقدمها
كباب السجق
1/2 ك سجق – قطع فلفل الوان – 2 م زيت – اسياخ خشبية – مكرونة مسلوقة
الطريقة
ننغز بالتبادل فى الاسياخ السجق وقطع الفلفل وقطع بصل ونرش عليه رشه زعتر. نضع الزيت فى مقلاية ونشوح السجق ثم ندخله الفرن يادوب 10 د واطلعه. اشوح المكرونة فى نفس المقلاية مكان السجق ونقلبها تقليبتين ونغرفها فى الطبق مع السجق
بيض اسكرمبيل بالبسلة
3 بيضات – 1/4 كوب حليب – م ط زبدة – 2 م بسلة مسلوقة – ملح وفلفل – توست
الطريقة
نضرب البيض بالشوكة ونضع عليه الحليب ونخفقهم مع بعض. على حمام مائى نضع قطعه الذبدة وعليها البيض والملح ونقلب بسرعه بسرعه بالمعلقة لحد ما حتلاقيه مسك واستوى نضع عليه البسلة ونقلبهم ثم نغرفه على وحدات التوست
اسكالوب الجبنة الرومى
شرائح جبنة رومى بس متوسطة السمك – بيض – دقيق – بقسماط – زيت
الطريقة
نضع شريحه الجبنة الرومى فى الدقيق ثم فى البيض ثم فى البقسماط ونقليها فى الزيت ونطلعها بسرعه يعنى اقل من ثانية
شوربة السمك
1/8 ك جمبرى – قطعه سمك فيلية – قرطاس كاليمارى – زعتر – بصلة – م ص ثوم - كرفس مفروم ناعم – 2 صباع كابوريا – 2 عود كسبرة – م هوت صوص
الطريقة
نشوح البصل فى الزيت ثم نضع السمك والكاليمارى والجمبرى والكرفس ونقلب ثم نضع الهوت صوص وشوية ماء ونتركها لحد ماتستوى
دبابيس الفراخ
دبابيس فراخ – بصلة – جزرة – عود كرفس – ملح وفلفل – 2 بيضة مخفوقة – ملح وفلفل – دقيق
الطريقة
نسلق الدبابيس فى ماء مغلى وبصلة وجزرة مفطعين وملح ثم ننشلها من ماء السلق وتبرد شوية ثم نرش عليها رشة ملح وشطة ونضعها فى الدقيق ثم فى البيض ثم فى البقسماط ونحمرها فى الزيت
سلطة الارز والذرة والكابوريا
1/2 كوب زرة صفراء مسلوقة – 1 و 1/2 كوب ارز مسلوق او بايت – زيت زيتون – 4 اصابع كابوريا – م ص بقدونس مفروم – خل
الطريقة
نضع الارز فى طبق غويط وعلية البقدونس والذرة وثمرة فلفل احمر مكعبات وقطع اصابع الكابوريا و2 م زيت زيتون و م خل وملح وسنة زعتر ونخلطهم كلهم مع بعض
لحم فيلية محشى بالمشروم
750 ج لحم فيلية – 200 ج مشروم – بصلة – طماطم – 1/2 ك بطاطس – عيش توست – 1/2 كوب ديميجلاس – 1/2 م دقيق – 1/2 م ذبدة
الطريقة
نفتح قطعه اللحمة علشان تتفرد . نضع زيت على النار ونشوح فيه بصلة ناعمه ثم نضع روزمارى وزعتر وشوية دقيق والمشروم وبقدونس مفروم وملح وفلفل ونقلبهم ثوانى وبعدين نشيلها ونفردها على قطعه اللحمة كويس ونلفها زى السويسرول ونربطها بالرباط زى اللحمة الباردة . نشوحها فى مقلاية فى زيت مع مكعبات طماطم وبصلة قطع وروزمارى والبطاطس ونقلب كله كويس ثم نضع كله فى صينية وندخلها الفرن لمدة نص ساعه . لماتستوى وتبرد نفك الدوبارة ونقطعها شرايح ثم نضع البطاطس فى الطبق وحواليها عيش توست سن ثم نضع اللحمة وصوص الديميجلاس
الدجاج بأنواع الجبن
4 انواع من الجبنة وليكن مثلا ( جبنة رومى – فلمنك – شيدلر – لكفورد ) ذبدة – دقيق – 2 صدور دجاج شرايح عريضة – ماء بصل – عصير ليمون
الطريقة
نتبل الفراخ بماء البصل وعصير 3 ليمونات وملح وفلفل ونقلبهم كويس . نشوح الدجاج فى حتة زبدة على النار
فى حلة نضع 2 م ذبدة و 2 م دقيق ونفلبهم ثم نضع عليهم الفراخ المتشوحه وكل انواع الجبنة والكريمة ونقلبهم مع بعض ثوانى طبعا الجبنة حتسيح ثم نضع شوية كريمة لحد ماتغلى غلوة ثم نغرفها


اسياخ السمك المشوى
1/2 ك مكعبات سمك كبيرة – بصل – خل – ثوم – زيت زيتون – بشر ليمون – عصير ليمون – فلفل ملون – ريحان مفروم – كسبرة خضراء مفرومة – معناع مفروم
الطريقة
نضع فى طبق مكعبات السمك ريحان وكسبرة ونعناع مفرومين وعصير ليمون وبشر ليمونتين وملح وفلفل وثوم ونخلطهم كلهم مع بعض ثم ننغز السمك فى الاسياخ ونشوحه على النار فى شوية زيت زيتون وبعدين ندخله الفرن لحد مايستوى . نقطع الفلفل الملون نصين ونتبله ملح وفلفل وزعتر وزيت زيتون ونشوية تحت الشواية ولما يطلع نشيل القشرة بتاعته ونفرمه بالسكينة فرم ناعم ونضعه فى طبق التقديم وعلية سنة ثوم وخل بلسمك وكابرى مفروم وشوية ريحان وكسبرة ونعناع مفرومين ونرصص عليهم اسياخ السمك

جازباتشوشوب باردة
(عصير طماطم بارد)
1/2 ك طماطم – فص ثوم مبشور – ملح وفلفل – م خل كبيرة – م ك زيت زيتون – نص لتر ماء – خيار – طماطم – فلفل – قلب 4 توست ابيض
الطريقة
نضع فى الخلاط الطماطم والثوم والخل والملح والفلفل وزيت الزيتون والخل ونضربهم وننزل بالماء مع الضرب لحد ما كله يتجانس ثم نصفيها ونضعها فى كاس التقديم ونجملها بمكعبات الخيار والطماطم والفلفل

كبيبة لبنيه
3\4 ك لحمة مفرومة – 1\2 ك برغل – بصلة – ملح وفلفل – توابل
للحشو صنوبر او فستق
للصوص
1 ذبادى صغيرة – كوب لبن رايب – م ك ثوم مفروم
الطريقة
نعمل عجينة الكبيبة عادى (مكتوبة قبل كدة ). نكور الكبيبة ونبل صابعنا بالزيت ونجوفها ونضع فيها كام واحدة فستق او صنوبر ونقفلها . نضع ماء مغلى على النار ثم نضع الكبيبة تتسلق حوالى 5 دقايق ثم نطلعها من الماء
نضع فى مقلاية ذبدة ونشوح فيها الثوم ثم نضع الذبادى باللبن الرايب ونقلبهم ثم نذوب م نشا فى شوية ماء صغيرين وننزل بيهم على المقلاية مع التقليب لحد ماتغلى ثم نضع الكبيبة ونتركها لحد مايغلوا ثم نغرفها ونضع على الوش شوية فستق متشوحين فى ذبدة

كبيبة محمرة
3/4 ك لحمة مفرومة – 1/2 ك برغل – بصلة – ملح وفلفل – توابل
نعمل عجينة الكبيبة عادى ثم نعملها على هيئة اصابع و نضع ماء مغلى على النار ثم نضع الكبيبة تتسلق حوالى 5 دقايق ثم نطلعها من الماء . نحمرها فى الزيت لحد ماتحمر وتقدم

دجاج بوت افو
شوربة خضار بالفراخ
1/2 ك صدور فيلية – بصلة مقطعه ناعم – ثمرة بطاطس كبيرة مقطعه صوابع – جزرة كبيرة مقطعه صوابع – 2 ثمرة كوسة كبيرة مقطعه صوابع – 2 عود كرات – 2 عود كرفس – ملح وفلفل – 2 م زيت
الطريقة
نشوح فى الزيت البصلة ثم قطع الفراخ ثم كل الخضروات ثم شوربة دجاج وورق لاورا ونتركهم على النار ونغطى الحلة لحد ما كله يستوى وتقدم

سلطة البنجر والتفاح
1/2 ك بنجر مسلوق – 2 ثمرة تفاح اصفر – م ط بقدونس – بصلة – ملح وفلفل – خل – ليمون
الطريقة
نقطع البنجر والتفاح مكعبات ونضعهم فى طبق ونضع عليهم البصل والملح والليمون وزيت الزيتون وشوية بقدونس مفروم ونخلطهم ونضعهم فى طبق التقديم

بطاطس بنوزيت
1/2 ك بطاطس كبيرة الحجم – ثوم – ك***ة – زيت زيتون – ملح وفلفل
الطريقة
نقور البطاطس بالمعلقة المخصوص على هيئة كور صغيرة . نسلق البطاطس فى ماء مغلى ونشيلها من الماء
نشوح البطاطس فى شوية زيت ونرش عليها رشة بقدونس وشطة وملح وتقدم
كتبت : Blue Rose
-
سمك بالزعتر
سمك فيلية – م زعتر - ثوم مهروس - عصير ليمونة – دقيق – ملح
الطريقة
نتبل السمك بالملح والثوم والزعتر وعصير الليمون ومستردة وندعكه كويس. نضع السمك فى الدقيق من الناحيتين . نحمر السمك فى قليل من الزيت

قالب الارز الابيض باللحم المعصج
والذرة الصفراء
2 كوب ارز – 3 كوب ماء ساخن – مزاب فية مكعب مرقة – 1/2 ك لحمة معصجة بالبصل والصلصة والتوابل – ذرة صفراء – بصلة مقطعه ناعم – ملح وفلفل - جزر مبشور
الطريقة
نغصج اللحمة بتشويح البصل والثوم ثم اضافه اللحمة ثم اضافة الصلصة مع شوية ماء ثم اضافة التوابل
ثم الذرة الصفراء ونتركها لحد ما تتعصج. نغرف الارز الابيض فى طبق التقديم ونضع حواليه اللحم المعصج

اسباجتى بولونيز ايطالى
1/2 ك لحمة مفرومة – 1/4 ك مكرونة اسباجتى مسلوقة – م صلصة – 1/2 كوب ذرة صفراء مسلوقة – ثمرة طماطم مقطعه ناعم – م ص زعتر ناشف – فص ثوم مهروس – جبنة مبشورة – ملح وفلفل
الطريقة
نشوح البصلة فى الزيت ثم نضع اللحمة ونشوحها ثم نضع الصلصة ونضع الذرة ونضع شوية ماء ونقلبهم لحد ما اللحمة تتعصج نغرف المكرونة فى الطبق ونضع الصلصة عليها ونرش عليها الجبنة المبشورة

تشيكن مكسيكانو بالافوكادو
1/2 ك صدور فراخ مكعبات – 1/2 ك افوكادو – فلفل ملون – بصل – 3 م كاتشب – م طماطم بيورية – فلفل حار – كسبرة خضراء – مكعب مرقة دجاج – ملح وفلفل
الطريقة
نشوح فى الزيت مكعبات البصل وقطع جنزبيل فريش ثم نضع الفراخ ومكعب المرقة ونقلبهم لنص سوى ثم نضع مكعبات الفلفل الملون والفلفل الحار والكاتشب والطماطم البيورية ونقلبهم كويس ثم نضع شوية من مكعبات الافوكادو المقشر والكسبرة المفرومة مع التقليب لحد ما الفراخ تستوى ثم نضعها فى طبق التقديم ونضع باقى مكعبات الافوكادو على وش الطبق

طاجن ستى
1/2 ك لحمة كندوز مكعبات – 1/2 ك بطاطس مكعبات - – فلفل ملون– فلفل حار – كسبرة خضراء – مكعب مرقة دجاج– ملح وفلفل – كمون - طماطم بيورية– بصل- بسلة- زبدة او زيت – كرفس
الطريقة
نقطع البطاطس مكعبات ثم نشوحها فى مقلاية فيها زيت . نقطع البصل مكعبات ونشوحه فى الزيت ثم نضع قطع اللحمة مع التقليب ثم نضع الكرفس والطماطم مع التقليب ثم نضع باقى المقادير مع التقليب نضع البطاطس المتشوحه فى المقلاية اللى فيها اللحمة ونقلبهم ثم نضع الكسبرة والملح والفلفل ثم نغرفها فى الطاجن

فطيرة المأكولات البحرية
1/2 ك سمك مشكل ( جمبرى – فيلية – سبيط) – 200 ج بسلة – 200 ج مشروم – م ذبدة – روزمارى – 1/2 كوب كريمة – ملح وفلفل – عجينة ميل فى
الطريقة
نقطع العجينة قطع مربعه او مستطيلة ونضعها فى صينية وندخلها الفرن لحد ماتنفش . نضع على الناء ماء وكرفس وورق لاورا وملح وفلفل وخل لحد ماتغلى ثم اضع الاسماك وبعد مايتسلقوا نشيلهم فى طبق فى مقلاية نضع معلقتين ذبدة وم دقيق ونقلبهم ثم نضع الماء اللى سلقنا فيه السمك لحد ما يغلى ثم نضع البسلة والمشروم شوية ونضع الكريمة والاسماك ونقلبهم شوية لحد ما كل الخليط يتجانس. نضع فى طبق التقديم وحدات من الميل فى ثم نضع فوقهم الخليط ثم نضع تانى وحدات من الميل فى على الخليط

البيتـــــــــــــــــزا
4 كوب دقيق – 1/2 كوب زيت زيتون – م ص ملح – 1/2 م ص سكر – كوب ماء – قطعه خميرة بيرة فى حجم البندقة او م طعام خميرة فورية
الطريقة
نذوب الخميرة مع السكر مع شوية ماء دافيين لحد ما تزوب. نضع الدقيق فى طبق مع الملح مع الزيت ونفركهم ثم نضع الزيت ونخلط ثم نضع الخميرة المزابة واخيرا نعجن بالماء لحد ما تتكون العجينة ثم نغطيها بفوطة ونتركها تخمر حوالى 30 د
الصلصة
نضع الطماطم فى ماء مغلى ثوانى ثم نقشره من القشرة الخارجية ونفرمه بالسكينة فرم ناعم جدا
نضع زيت على النار ونشوح البصل والثوم ثم نضع الطماطم وملح وزعتر لحد ما تتسبك

بيتزا باللحم
عجينة بيتزا – صوص طماطم – م ص زعتر – لحم مفروم معصج – 1/4 ك بسلة مسلوقة – جبنة موزاريلا مبشورة – م زيت
الطريقة
نفرد العجينة بالدقيق والنشابة ثم نقطعها بالقطاعه المدورة . ندهن ضهر صينية البيتزا بالزيت كويس ونضع عليها البيتزا ثم ندهنها بصوص الطماطم ثم نضع اللحمة ثم البسلة ثم الجبنة وندخلها الفرن

بيتزا بالتونة
عجينة بيتزا – صوص طماطم – 1/2 م ص زعتر – فلفل الوان – زيتون شرايح – علبة تونة صغيرة - – جبنة موزاريلا مبشورة – م زيت – ملح وفلفل
الطريقة
نفرد العجينة بالدقيق والنشابة ثم نقطعها بالقطاعه المدورة . ندهن ضهر صينية البيتزا بالزيت كويس ونضع عليها البيتزا ثم ندهنها بصوص الطماطم ثم نضع التونة والفلفل الوان والزيتون ثم الجبنة وندخلها الفرن

بيتزا بالسوسيس
عجينة بيتزا – صوص طماطم – 1/2 م ص زعتر – فلفل الوان – زيتون شرايح – سوسيس مقطع او سجق - جبنة موزاريلا مبشورة – م زيت
الطريقة
نفرد العجينة بالدقيق والنشابة ثم نقطعها بالقطاعه المدورة او نقطعها وحدات صغيرة. ندهن ضهر صينية البيتزا بالزيت كويس ونضع عليها البيتزا ثم ندهنها بصوص الطماطم ثم نضع السوسيس والفلفل الوان والزيتون ثم الجبنة وندخلها الفرن

بيتزا بالسى فود
عجينة بيتزا – صوص طماطم – 1/2 م ص زعتر – فلفل الوان- جبنة موزاريلا مبشورة – م زيت – 3 اصابع كابوريا مثلجة – كاليمارى مسلوق ومقطع
الطريقة
نفرد العجينة بالدقيق والنشابة ثم نقطعها بالقطاعه المدورة . ندهن ضهر صينية البيتزا بالزيت كويس ونضع عليها البيتزا ثم ندهنها بصوص الطماطم ثم نضع الكاليمرى والكابوريا والفلفل الوان ثم الجبنة وندخلها الفرن

بيتزا الخضروات بالفطير المشلتت
فطير مشلتت صغير من الفرن – صوص طماطم – فلفل الوان – بصل – زعتر – حبنة مبشورة
الطريقة
ندهن وش الفطيرة بالصوص ثم نرصص شرائح الفلفل الوان ثم نرصص الزيتون وشرائح البصل ثم الجبنة المبشورة وندخله الفرن

سلطة الشيف
لانشون بيف دجاج – فلفل الوان مقطع جوانح – بقدونس – بصلة مقطعه جوانح – ملح وفلفل – خل – زيت
الطريقة
نخلط كل المقادير ونتبلها ونقدمها
كتبت : Blue Rose
-
بلح الشام
1/2 ك ماء (2 كوب ) – 200 ج زيت – 6 بيضات – 400 ج دقيق – 5 ج ملح – 5 ج سكر – سيرب تقيل
الطريقة
نضع فى حلة الماء والزيت والملح والسكر لحد ما يبتدوا فى الغليان ثم نضع عليهم الدقيق مرة واحدة مع التقليب بسرعه وبشدة وهو على النار علشان الدقيق يستوى . نضع العجينة فى الخلاط ويلف لفتين علشان العجينة تبرد ثم نضع البيض بيضة بيضة . نضع العجينة فى الكيس والقمع . ندهن ايدنا بالزيت. نضع صينية على النار مليانه زيت على نار هادية جدا ويكون الزيت بارد وننزل بالعجينة نعمل اصابع بلح الشام على كف الايد ثم ننزله فى الصينية لحد ما البلح الشام يتخن وينشف نشيله من الزيت فى المصفاه ثم نضع علية السيرب التقيل

البقـــــــــــــــــــــلاوة البيضـــــــــــــــــــــــــ اء
ك دقيق – 100 ج سمنة – 450 ج ماء ( 2 ونص كوب ) 20 ج ملح ( م كبيرة) – سيرب تقيل – لوز بودرة – كورن فلور للفرد
الطريقة
نضع فى الخلاط الدقيق والسمنة والماء شغلها على سرعه بطيئة لحد ما تتكون عجينة جامدة شوية ثم نضع الملح فى الاخر . نلم العجينة كويس على بعض ثم نقطعها ل 12 كرة متساوية فى الحجم ثم نرش تحتهم وفوفهم كورن فلور كتير ونتركهم يرتاحوا 12 ساعه ثم نفرد كرة كرة على هيئة قرص ونرش فوقه كورن فلور وهكزا مع باقى كور العجينة ونضعهم فوق بعض كلهم مع رش كورن فلور بينهم ونتركهم يرتاحوا ثم نرش كورن فلور ونفردها على هيئة قرص كبيييير ورفيع جدا ثم نبدء فى تقطيعها بالاشكال المرغوبة سواء اصابع او كل واشكر او مثلثات ثم نضعها فى الصينية ونصب عليها سمنة كتير بحيث تغطيها خالص ب 2 سم وندخلها الفرن على درجة 150 لمدة ساعتين ولما تطلع نصفيها تماما من كل السمنة و نسقيها بالسيرب الخفيف
لعمل الكل واشكر
بعد ما تتفرد العجينة ضعى على خط مستطيل بالعرض لوز ثم اتنى العجينة ثنيتين وبالقطاعه اقطعى وحدات صغيرة ورصصبها فى الصينية
لعمل الاصابع
بعد ما تتفرد العجينة قطعيها مربعات صغيرة ثم نضع شوية لوز على كل مربع ثم نقفل المربع لفة واحدة
ورصصبها فى الصينية وتقدرى انتى تتفننى فى الشكل وممكن تقطعى من العجينة دايرة كبيرة قد الصينية ثم تقطعيها بالسكينة مثلثات وهكزا

كنافة اسطمبولى
ك كنافه – 100 ج زيت – 100 ج زبدة – 200 ج سيرب – 200 ج فروت مشكل – 200 ج كريمة للديكور
الطريقة
نقصقص الكنافة لقطع صغيرة ثم نحمرها فى الزيت والزبدة مع بعض لحد ما تحمر ثم نضعها فى طبق غويط ونضع معاها الفواكه ونقلبهم ثم نضع السيرب ونقلبهم ثم نضع مكسرات ونقلبهم ثم نضع كل المقدار فى قالب ونكبسه جامد بايدنا جامد ثم نقلبه فى طبق التقديم ونجمله بالكريمة

فراخ بالكورن فليكس
1/2 ك صدور فراخ – علبة كورن فليكس – بيضة – كوب حليب – ملح وفلفل – خل – زيت - دقيق
الطريقة
نضرب البيضة مع الحليب بالشوكة. نتبل الفراخ بالملح والفلفل والخل ثم نرش رشة دقيق ونخلطهم ثم نضع عليهم الحليب بالبيض ونخلطهم ثم نضعها فى الكورن فليكس ونضغط بأيدنا ثم نحمرها فى الزيت
جمبرى على البخار
750 ج جمبرى – شرائح جزر – شرائح بصل – شرائح كرات – كرفس – ليمون – خل – ورق لاورا – ملح وفلفل – ثوم – خس مشكل
الطريقة
نقشر الجمبرى ونسيب الراس والزيل . نضع فى المقلاية الجزر والكرات والكرفس والخل والليمون والملح والفلفل والثوم وماء ونغطى المقلاية ونتركهم شوية على النار ثم نضع الجمبرى فى المقلاية ونغطيه شوية لحد ما يستوى ثم نقدمه على الخس
كابوريا بالبطاطس
ك كابوريا مخليه – 750 ج بطاطس مشوية – بيض – حليب – دقيق – زيت – ملح وفلفل – جبنة موزاريلا – اعشاب فريش – ثوم
الطريقة
نقشر البطاطس ونفرمها بالشوكة . نشوح البصل والثوم الناعم مع زعتر فرش وروزمارى فريش لفة ثم نضع الكابوريا المفرومة ونشوحها معاهم . فى مقلاية نضع حتة زبدة وشوية دقيق ونقلبهم ثم نضع شوية حليب ونقلبهم ثم نضع البطاطس المهروسة ثم نضع خليط الكابوريا ونقلبه كويس مع بعض مع ملح وفلفل ثم نضعه فى صينية بايركس مدهونة بالذبدة ونرش على الوش جبنة مبشورة وندخلها الفرن
سلطة كاليمارى صينى
1/4 ك كاليمارى – شمر – خيار – زيت سمسم – سكر – جنزبيل – خل – ثوم – ليمون – طماطم
الطريقة
نقطع شريحه الكاليمارى بالطول والعرض بالورب بس من غير مانفصلها ثم نضعه فى ماء وملح يتسلق فى مقلاية نضع شوية زيت سمسم وسمسم وثوم وجنزبيل فرش مفروم وينسون وشوية سكر وثوم ناعم وشوية ملح ونقلبهم لفه ثم نضع خل تقليبتين ثم نضع الكاليمارى ونقلبهم يادوب ثانية ونغرفه
سمك محشى بالبصل
سمكة كبيرة – 2 بصلة شرائح – ثوم – زعتر – روزمارى – بطاطس شرائح – زيت زيتون – كمون – ليمون –الطريقة
نفتح السمكة من ظهرها بالطول ونشيل الخياشيم ونتبلها ملح وفلفل وكمون وشوية زعتر وشوية روزمارى وشوية عصير ليمون. نضع فى مقلاية البصل والريحان والروزمارى لحد مايدبل ثم نضع ملح وفلفل وكمون ونص كوب خل ونقلبهم ثم نحشى بيهم السمكة ونقفلها . فى صينية نضع شوية زعتر وشرائح بطاطس وشوية ليمون وشوية زيت زيتون وملح ونقلبهم ونضع حوالى كوب ماء على النار شوية لحد ما يغلوا ثم نضع السمكة المحشية واضع عليها ليمون وزيت زيتون وشوية زعتر وادخلها الفرن لحد ماتستوى وبعدين اطلعها فى طبق التقديم مع شرائح البصل
فاهيتا جمبرى
حمبرى – فلفل ملون – بصل شرائح – مستردة – ملح وفلفل وكمون – خبز مكسيكى – بصل اخضر – زعتر – قشدة – ليمون
الطريقة
نتبل الجمبرى بملح وفلفل وكمون ومستردة وخل . نشوح البصل الشرايح والفلفل الشرايح فى الزيت ثم نضع الجمبرى ونقلبهم لحد ما يستووا ثم نضعهم فى الخبز ونلفه سندوتشات وممكن نضع السندوتشات فى صينية فيها شوية زيت ونحمصهم من بره شوية
فطائر الزيتون
عجينة ميل فى – زيتون اسود واخضر – شمر – طماطم – حبة البركة – زيت زيتون – جبنة مبشورة الطريقة
1- اقطع مربعه العجينة ونقطعها شرائح رفيعه زى الصابع وبعدين تبرميها وتضعيها فى الصينية وترشى عليهم حبة البركة وارش جبنة
2- او دوائر بالقطاعه ونضع زيتونة على كل دائرة
3- او نعملها مستطيل ونرصص عليها وحدات من الزيتون ونرش عليها شمر وجبنة وحبة البركة
4- او نعملها زى التورتة باننا نعمل العجينة على هيئة دايرة كبيرة ونخرمها وندخلها الفرن لحد ما تستوى وبعد ماتطلع نضع فى مقلاية سنة زيت وبصلة مفرومة وثوم سليم تقليبتين ثم نضع طماطم مقشرة ومفرومة وشوية سكر وشوية ملح وفلفل و زعتر وروزمارى ونتركهم على نار هادية لحد ما تستوى ثم نضعها على دائرة العجينة اللى استوت ثم ارصص عليها شرائح جبنة موزاريلا وشرائح ريحان واغطيها بزيت زيتون وادخلها الفرن وبعد ما تطلع من الفرن نضع فى طبق التقديم شوية زيت زيتون ثم اضع التورتة


مربى الفراولة
1/2 ك فراولة – كيلو سكر – عصير ليمونة
الطريقة
نضع الفراولة فى طبق وعليها السكر ونقلبهم مع بعض ثم نضعها فى الثلاجة لمدة ساعتين ثم نضعها فى حله على نار هادية لحد ما السكر يسيح والفراولة تكون العرق يعنى لما تضعى المعلقة وترفعيها لفوق حتلاقى الماء بتاعها عامل زى الكراميل( ودة حيكون مش اقل من نص ساعه ) تضعى عصير الليمون وتقلبيها حوالى دقيقتين ثلاثة وكدة المربى جاهزة تضعها فى البرطمان المعد لها بشرط يكون ناشف تماما من اى ماء وبعد ما تبرد تماما نضع الغطاء على البرطمان ونضعها فى الثلاجة او خارج الثلاجة

مربى التفاح
1/2 ك تفاح اخضر – كيلو سكر – عصير ليمونة
الطريقة
نقشر التفاح ونقطعه مكعبات صغيرة . نضع التفاح فى طبق وعليه السكر ونقلبهم مع بعض ثم نضعها فى الثلاجة لمدة ساعتين ثم نضعها فى حله على نار هادية لحد ما التفاح يكون العرق يعنى لما تضعى المعلقة وترفعيها لفوق حتلاقى الماء بتاعها عامل زى الكراميل( ودة حيكون مش اقل من نص ساعه ) تضعى عصير الليمون وتقلبيها حوالى دقيقتين ثلاثة وكدة المربى جاهزة تضعها فى البرطمان المعد لها بشرط يكون ناشف تماما من اى ماء وبعد ما تبرد تماما نضع الغطاء على البرطمان ونضعها فى الثلاجة او خارج الثلاجة

مربى المانجة
1/2 ك مانجة – كيلو سكر – عصير ليمونة
الطريقة
نقشر المانجة ونقطعها مكعبات . نضع المانجة فى طبق وعليها السكر ونقلبهم مع بعض ثم نضعها فى الثلاجة لمدة ساعتين ثم نضعها فى حله على نار هادية لحد ما المانجة تكون العرق يعنى لما تضعى المعلقة وترفعيها لفوق حتلاقى الماء بتاعها عامل زى الكراميل( ودة حيكون مش اقل من نص ساعه ) تضعى عصير الليمون وتقلبيها حوالى دقيقتين ثلاثة وكدة المربى جاهزة تضعها فى البرطمان المعد لها بشرط يكون ناشف تماما من اى ماء وبعد ما تبرد تماما نضع الغطاء على البرطمان ونضعها فى الثلاجة او خارج الثلاجة

مربى المشمش
1/2 ك مشمش – كيلو سكر – عصير ليمونة
الطريقة
نفتح المشمش نصين ونخليه من النوى .نضع ا لمشمش فى طبق وعليه السكر ونقلبهم مع بعض ثم نضعها فى الثلاجة لمدة ساعتين
ثم نضعها فى حله على نار هادية لحد ما المشمش يكون العرق يعنى لما تضعى المعلقة وترفعيها لفوق حتلاقىالماء بتاعها عامل زى الكراميل( ودة حيكون مش اقل من نص ساعه ) تضعى عصير الليمون وتقلبيها حوالى دقيقتين ثلاثة وكدة المربى جاهزة تضعها فى البرطمان المعد لها بشرط يكون ناشف تماما من اى ماء وبعد ما تبرد تماما نضع الغطاء على البرطمان ونضعها فى الثلاجة او خارج الثلاجة
كتبت : Blue Rose
-
صينية قرع عسلى

كيلو قرع عسلى مقطع مكعبات – كيلو سكر– مكسرات – 250ج باسترى كريم – 250ج فريش كريم
الطريقة
نضع القرع عسلى فى حلة مع السكر على النار بدون اى ماء خالص هو لوحده حيغلى وحينزل مايته والسكر حيدوب تماما لحد ما يستوى تشيلية من على النار وتصفيه تماما من الماء وتضغطى عليه كويس بايدك ثم تضعيه فى صينية بايركس وتضعى عليه المكسرات ضعى الفريش كريم على الكريم باتسير واخلطيهم كويس ثم ضعيهم على كل وش الصينية ودخليه الفرن على درجة 200 لحد ما الوش ياخد اللون الذهبى



سمك بصوص المستردة
سمك فيلية – مستردة – دقيق – توابل – ماء – ليمون – بقدونس – حليب
الطريقة
نضع فى الخلاط ملح وثوم وفلفل وكمون وكسبرة وخل وليمون وفلفل حامى ونضربهم ناعم . نتبل السمك بالتتبيلة اللى عملناها ثم نضع السمك فى الدقيق ونقليه فى الزيت ثم نضعه فى طبق التقديم
نعمل الصوص
نضع كوب ماء فى مقلاية على النار ونضع 2 م ك مستردة ونقلبهم ونضع ملح وفلفل وقرنفل وحبهان ولاورا ونقلبهم ويغلوا غلوة ثم نضع كريمة ونقلبهم ثم نضعها على السمك فى طبق التقديم



جمبرى مشوى
حمبرى – ملح وفلفل – كمون – ك***ة – ليمون
الطريقة
نتبل السمك بكل المقادير. نضع سنة زيت فى مقلاية ونضع الجمبرى مع التقليب لحد مايستولى يادوب دقيقتين


شوربة السى فود
سمك فيلية – جمبرى – سبيط – جندوفلى – كابوريا – كرفس – بصل – ثوم – توابل
الطريقة
نضع الزيت على النار ونشوح كل السى فود مع ملح وفلفل مجروش و كمون وك***ة زلاورا وقرنفل وحبهان ونقلبهم ثم نضع ماء وتغلى غلوتين ثم نضع الكرفس والكرات ونتركها تغلى وتستوى ثم نضع كوب كريمة غلوة ونغرفها


ملوخية بالجمبرى
ملوخية – سى فود ( سمك فيلية – جمبرى – سبيط – جندوفلى ) توابل – زيت او زبدة – بصل
الطريقة
نضع الذبدة على النار ونشوح السى فود ثم نضع ماء وملح وفلفل وحبهان ولاورا يغلوا غلوتين ثم نضع الملوخية ونقلبها تقليبة لحد ماتغلى ثم نضع التقلية ونقلبها ونغرفها
التقلية: زيت زثوم مفروم وك***ة


ارز بالسى فود
1/2 ك ارز بسمتى - جمبرى – سبيط – جندوفلى – كابوريا – سمك فيلية – فلفل الوان – طماطم – بصل – بقدونس – كسبرة – كلركم – ثوم
الطريقة
نضع الزيت على النار ونشوح البصل والفلفل والثوم والسى فود ونقلبهم ثم نضع ملح وفلفل وكمون وك***ة وكركم ولاورا و4 قرنفل و4 حبهان ونقلبهم ثم نضع الطماطم المكعبات ونقلبهم ثم نضع الارز ونقلبهم ثم نضع نص حزمة شبت مفروم و نص حزمة بقدونس مفروم و نص حزمة كسبرة خضراء مفرومة ونقلبهم ثم نضع الماء ونكمل سوى الارز عادى وفى اخر مرحلة السوى نضع فى الحلة على وش الارز واحدة الكابوريا الكبيرة ونغطى الحلة


كباب لحم النعام
لحم نعام فيلية مقطعه – فلفل الوان – 2 بصلة مقطعه – عصير بصلتين – ملح وفلفل – جوزة الطيب
الطريقة
نتبل قطع اللحمة بالملح والفلفل وماء البصل وننغزها فى الاسياخ مع قطع البصل والفلفل الوان
ونشوحها فى شوية زيت وبعدين نضعها فى الفرن لحد ماتستوى


كبدة النعام بالخضروات
كبدة نعام – بصلة – فلفل رومى الوان – ثمرة طماطم – ملح وفلفل – زعتر – زيت
الطريقة
نفطع الكبدة والبصل والطماطم والفلفل كله زى الشاورما . نشوح الكبدة تقليبة ثم نضع البصل ونشوحه معاهم ثم نضع الفلفل والطماطم ونقلب مع وضع ملح وزعتر وشوية شطة ونقلبهم لحد ما تستوى . ممكن تقدم زى ماهى وممكن نعملها سندوتشات


روست لحم النعام
3/4 ك فيلية – روزمارى – ملح وفلفل – زيت – بصلة مقطعه – جزرة – 2 ثمرة طماطم
الطريقة
اربط العرق بالدوبارة كويس. واتبله بالملح والفلفل واضعه فى صينية وحواليه شرائح الخضروات المقطعه ونشوح العرق لحد ما يتغير لونه ثم نضعه فى الفرن يكمل سواه وبعد ما بستوى نفك الدوبارة ونقطعه سلايس


ستيك لحم النعام
قطع شرائح فيلية – ملح وفلفل – عصير بصل – زعتر – مستردة
الطريقة
نتبل اللحمة بالملح والفلفل والزعتر والمستردة ونخلطهم كويس. نشوح اللحمة فى الزيت ونقلبها على الناحيتين لحد ما تستوى ونقدمها فى طبق التقديم مع بطاطس بيورية


كسكسى بالجمبرى
كوب حمص – 2 كوب كسكسى – ملح وفلفل – ورق لاورا – كوب ونص ماء مزاب فيه مكعب مرق سمك – جمبرى
الطريقة
نشوح الجمبرى فى الزيت ثم نضع الحمص المسلوق وملح مع التقليب ثم نضع الكسكسى ونقلب كله كويس ثم نضع الماء ونقلب ونسويه عادى زى الارز


تارت الدجاج المشروم ( فوليفون)
عجينة ميل فى – 2 صدور مكعبات – 2 كوب بشاميل – كوب كريمة – ريحان مفروم – 200 ج مشروم – 500 ج جبنة مبشورة
الطريقة
ناخد 5 شرائح من العجينة ونفردهم ونعملهم دائرة ثم نعمل دائرة بس مفرغة من الداخل ونضعها فو ق الدائرة المقفولة ونعمل كمان دائرة مفرغة من الداخل ونضعها فو ق الدائرة المفرغة الاولى وندخلها الفرن على درجة 160 لحد ماترتفع وتنشف ونطلعها من الفرن ثم نفتح الدائرة الداخليه بالسكينة ونفرغها تماما ونتركها لحد ماتبرد خالص. نقطع المشلروم شرايح ونشوح البصلة ثم نضع عليها الفراخ واول ما يتغير لونهم لنص تشويحه اضع المشروم واقلب ثم نضع 2م ريحان مفروم ثم 2م جبنة مبشورة ثم حوالى كوب بشاميل ونقلبهم حوالى 5 دقايق ثم نضعهم داخل فطيرة الميل فى اللى عملناها




كيش لورين
2كوب دقيق – 100 ج ذبدة سايحه – بيضة – ماء للعجن – ملح
الجشو: كوب كريمة – 500 ج سبانخ مسلوقة – كوب جبنة مبشورة – فلفل ملون شرائح – رشة جوزة الطيب – 4 بيضات
الطريقة
نعمل العجينة نضع الدقيق فى طبق وعليه الذبدة السايحه والبيضة ونعجن كويس ثم نعجن بشوية شوية ماء ثم نترك العجينة ترتاح فى الثلاجة مش اقل من نص ساعه
لعمل الحشو ة / نضع فى طبق البيض والكريمة و رشة جوزة الطيب و ملح وفلفل و كوب جبنة مبشورة ونقلبهم ثم نضع السبانخ المسلوقة والمصفاه تماما من الماء ونخلطهم كويس
نفرد العجينة بالدقيق والنشابة على مقاس الصينية ثم ندهن الصينية بالذبدة ونفرد العجينة مع رفع الاجناب ثم نضع الخليط ثم كام شريحه فلفل ملون وندخلها الفرن

كبدة بتلو مع الكرنب
1/2 ك كبدة بتلو مكعبات كبيرة – 2 م دقيق – م خل – م صويا – بصل مفرى – 2 فص ثوم مفرى –
الطريقة
نتبل الكبدة ملح وفلفل وكمون وفص ثوم ونخلطها كويس ثم نضع عليها م دقيق – ونشوحها فى الذبدة ثم نضع شرائح البصل مع التشويح ثم نطفيها بالخل وشوية صويا صوص وندخلها الفرن

جمبرى بدبس الرمان
1/2 ك جمبرى – دبس رمان – 50 ج جنزبيل فرش – ثوم – بصل – فلفل الوان – كسبرة خضراء = صويا صوص – ملح وفلفل
الطريقة
نشوح شرائح البصل لحد ماتدبل ثم نضع الجنزبيل الفرش الناعم والثوم المفروم ونقلبهم ثم نضع التشيفذ المفروم ونقلبهم مع بعض ثم نرصص عليهم الجمبرى ونضع علية دبس الرمان والليمون وشرائح الفلفل الملون ونغطيه لحد مايستوى

تندورى فيش
1/2 ك سمك فيلية قطعه واحدة – 2 كوب زبادى - ملح وفلفل – كمون – شطة – شرائح بطاطس – زيت زيتون
الطريقة
نفرم الجنزبيل والثوم مع بعض ونضعهم على الزبادى و ملح وفلفل و كمون و شطة وليمون وكسبرة خضراء وبودرة التندورى وزيت الزيتون ونلطهم كلهم مع بعض ثم نضغهم فى مقلاية وناخد معاهم السمك سوتية ثم نرصص البطاطس فى صينية ونضع شوية كسبرة خضراء مفرومين ثم نضع عليها السمكة ثم الصوص وندخلها الفرن حوالى 10 د
كتبت : Blue Rose
-
المكرونة الصينى
500 ج سبيط – 2 باكيت نودلز – فلفل حراق – فلفل الوان – كسبرة خضراء – صويا صوص ملح – بسلة – ثوم
الطريقة
نقطع السبيط حلقات ونضعه على النار فى شوية ماء وملح وفلفل يتسبق. نشوح البصل والجنزبيل والفلفل الوان والثوم والفلفل الحراق ونضع شوية خل وليمون ونشوحهم كويس ثم نضع الكاليمارى ونقلبهم ثم نضع الصويا صوص ونقلب. نضع النودلز الجاهزة فى طبق التقديم ونضع عليها الصوص ثم نرصص عليها الكاليمارى

ارز بالتونة
ارز – تونة – طماطم – بصل – فلفل – زيت – شبت – ملح وفلفل
الطريقة
نضع زيت بسيط فى حلة ونشوح البصل والطماطم والفلفل والشبت ونقلب ثم نضع التونة ونقلبهم ثم نضع الارز ونقلب ثم نضع الماء ونسويه عادى

سمك بربونى بالشبت والليمون(ش ايمن)
سمك بربونى – ثوم – مستردة – ليمون – شبت – ملح وفلفل – توابل
الطريقة
نضع الفلفل والبصل والمستردة والليمون والثوم والبصل والشبت وفلفل حار وكمون ونخلطهم كلهم مع بعض كويس ناخد شوية من الخلطة ونحشى بيها السمك. نضع فى صينية 3 ورقات عريضة من ورق الخس مفرودين ثم نضع على كل ورقه شوية من الخلطة ثم نضع سمكة فوق كل ورقة ثم نضع عليه المتبفى من الخلطة ثم نضع فى الصينية شوية ماء وندخلها الفرن لحد ما تستوى

سمك مكرونة بالبرتقال
سمك مكرونة – زيت – ثوم – برتقال – كريمة – ملح وفلفل
الطريقة
نلف السمكة زى الكرة ونمسكها بالخلة . نشوح بصلة والثوم فى الزيت نشوحهم ثم نضع السمك ونشوحه وملح وفلفل وبعد التشويح نضع عصير البرتقال واول مايبتدى يستوى نضع عليه شوية شبت ونطفى
فراخ ايطالى
صدور فراخ – ثوم – بصل – زيتون اسود – ملح وفلفل – توابل – بزنجان اسود
الطريقة
نشوح شرائح البصل فى زيت وذبدة ثم مكعبات البزنجان والثوم ونقلب ثم نضع مكعبات الدجاج ونقلب كويس ثم نضع الملح والفلفل والكمون وممكن زعتر وممكن ريحان ونقلب ثم نضع طماطم مبشورة وشرائح الزيتون الاسود ونقلب لحد ماتستوى الفراخ
سلطة كول سلو
شرائح خس ابيض وشرائح جزر – مايونيز – ذبادى – سكر – ملح وفلفل – توابل
الطريقة
نضع الجزر والكرنب فى طبق على ان يكون كمية الجزر نص كمية الكرنب ونضع الذبادى والمايونيز والسكر ونص ليمونة او خل وملح وفلفل ونخلطهم
فيلية مع الزرة الصفراء (ش شربينى)
4 كوز زرة صفراء – 500 ج شرائح بتلو فيلية – خضار سوتية – ديميجلاس – ملح وفلفل – ذبدة
الطريقة
نتبل اللحمة كويس بالملح وفلفل وزعتر وشيفز واعشاب وزيت زيتون وياريت لو تتركيها فى التتبيله من بليل للصبح اقطعى اكواز الذرة بالعرض كل كوز نصين . افردى شريحة اللحمة وضعلى داخل كل شريحه نص كوز الذرة ولفيها ثم امسكيها بخله خشب ونرصصها فى الصينية وندخلها فرن حار وفى نص السوى نطلع الصينية ونضع عليها شوية ديميجلاس وندخلها تانى لحد ماتستوى . نضع خضار سوتية فى طبق التقديم ونرصص عليها اللحمة
ريش بتلو مع الخضار
500 ج بزنجان رومى – بصل – بطاطس – كوسة – فلفل الوان – كسبرة خضراء – ملح وفلفل – ثزم – اعشاب
الطريقة نقطع الخضار كله مكعبات صغيرة ونضع عليهم م سكر وكاتشاب وشوية خل و شوية اعشاب وزيت زيتون ونقلبهم ونشوحهم على الهادى . نتبل الريش بملح وفلفل وبصل و م عصير طماطم وثوم وزعتر وشوية زيت وصور صوص حار ونخلطهم كويس مع بعض. نشوح الريش فى شوية زيت على النار لحد ماتستوى
نغرف الخضار فى طبق التقديم ونرصص عليه الريش
فراخ قاورمة
1/2 ك فراخ من الورك – بصل قاورمة مسلوق ومتشوح – بطاطس قاورمة مسلوقة ومتشوحة – 2 فص ثوم كبير 0- 500 ج طماطم – 2 فلفل حار – زيت او ذبدة
الطريقة
نتبل الفراخ بملح وفلفل واعشاب وكمون وزعتر . نشوح الفراخ فى الزيت على النار ثم نضع الثوم المفروم ونقلب ونضع قطعه ذبدة ثم نضع البطاطس والبصل ونقلب ثم نضع الطماطم الفرش وم طماطم بيورية ونقلب تقليبتين ثم نضع شوية كسبرة خضراء مفرومة ثم نضع شوية ماء ونتركها نص سوى ثم نضعها فى الفرن تكمل سواها


صينية كفتة هندى
1/2 ك لحمة مفرومة – بصلة ناعمه – ملح وفلفل – كمون – شطة – م بقسماط ناعم – فلفل رومى احمر ناعم – كركم
الطريقة
اضع على اللحمة كل المقادير واعجنها بايدى ثم ابططها كويس فى صينية مدهونة زيت وندخلها الفرن لحد ماتستوى

سلطة الزيتون المخلل



1/4 ك زيتون اخضر مخلل شرائح –2 فلفلة رومى احمر واخضر – م ص شطة – بصلة مفرومة – م ط زيت زيتون – بقدونس مفروم
الطريقة
نضع كل المقادير على بعض ونضربها فى الخلاط لحد ماتنعم خالص ونضعها فى طبق التقديم
الصفحات 1  2  3  4 5  6  7  ... الأخيرة

التالي

ألوان الطعام الصناعية خطر على صحة الأطفال

السابق

فطيرة بالجبنة على الطريقة اليونانية

كلمات ذات علاقة
أكلة , بلد , برنامج , وصفات , كل