تجربتي الناجحة
مجتمع رجيم / مسجات الجوال
كتبت :
التخنانه
-
سلاموا عليكوا يا ورداتي
انا عايزه انهارده اكلمكم عن الريجيم ( هوا احنا ورانا غيره )
لكن في الاول عايزه اقولكم اني كل مااقرأ في الموضوع ده الاقي تضاربات واختلافات ومابقتش عارفه اصدق مين واكدب مين .
مره اقرأ ان المايه الدافيه هيه المفيده في الريجيم بتسيح الدهون واشربيها حتفيدك ، والمره الثانيه اقرأ ان المايه الساقعه هيه المفيده لان درجة حرارتها اقل من درجة حرارة الجسم فالجسم علشان يرجع لدرجة حرارته الاصليه بيحرق سعرات وبكده تخسي من شرب المايه الساقعه .
ومره اقرأ ان ممارسة التمارين الرياضية لازم تكون علي بعضها تعملي التمارين ساعه علي بعض ، والمره الثانيه أقرأ ان لو قسمتي الساعه لفترتين واخدتي راحه في النص يكون احسن وتحرقي سعرات اكبر .
وكتير كتير من ده لو قعدت اكتبلكم علي الاختلافات دي مش حنخلص .
المهم ان الكلام كتير والنصايح كتير والريجيمات اكتر واحنا تايهين في النص .
انا جربت ريجيمات كتير قوي قوي ماتتصوروش اد ايه وقرأت لما نظري ضعف
وخلصت من ده كله الي أيه :
ان كل الكلام ده ماتقدريش تطلعي منه بمعلومه مفيده
وان الريجيم الحقيقي اللي يخليكي تخسي هو الاعتدال
بعد كل تجاربي مع الريجيمات وقفتها كلها وكل اللي عملته اني نظمت بس اكلي أزاي :
1 - باكل كل حاجه ولا احرمش نفسي من اي حاجه ولكن بالعقل باكل كميه قليله من كل شئ زيي زي غيري من البشر ( اصلي في فتره ما حسيت اني مش زي البشر )
2 - باكل حاجه حلوه اللي نفسي فيها مره في الاسبوع وقليل مرتين
3 - بعمل رياضة ساعه 3 مرات في الاسبوع ( لكن لما اشتركت في المسابقة الرياضية بتحريض
من نور الايمان ) كنت بعمل الرياضة كل يوم ساعه
والنتيجه كانت احسن من اي ريجيم عملته :
1 - خسيت اه والله خسيت من غير ريجيم وكل يوم بلاقي في فرق في مقاساتي
2 - انتهي عندي الاحساس بالحرمان واللي كان كتير بيخليني مكتئبة وكان ده بيحسه جوزي واولادي وكان بيضايقهم قوي واللي كان كمان بيخليني ايأس واقوم هجمه هجوم شرس علي الاكل ، الاكل وخلاص اكل حلو علي حادق وعلي اي شئ تطوله ايدي اكل للاكل بس وده كان بيزودني بسرعه فظيعه
3 - عايشه دلوقتي حياه طبيعيه ومش مستنيه اني اخس علشان البس بنطلون ولا جيبه قصيره لا بلبس كل حاجه وبقي عندي قناعه اني كده كويسه وبكره حكون احسن واحلي من غير ما اكتئب ولا استني اوزن اخر الاسبوع
ماتنتظريش هوا احنا عارفين حييجي علينا بكره ولا لأ عيشي دلوقتي وبكره حيكون احسن ومع الاعتدال والنظام حتلاقي النتيجه اللي انتي بتتمنيها واحده واحده ماتستعجليش وحتلاقي صحتك احسن وجسمك احسن ونفسيتك احسن
لا للريجيم القاسي .... لا للحرمان .... لا للاكتئاب ..... لا لتأجيل حياتي لحد ما اخس
جربوا المره دي اللي قرأتوه هنا من جملة اللي بنقرأه وبنفذه لكن المره دي حتلاقوا فرق
أأكدلكوا انه فيه فرق استودعكم الله
انا عايزه انهارده اكلمكم عن الريجيم ( هوا احنا ورانا غيره )
لكن في الاول عايزه اقولكم اني كل مااقرأ في الموضوع ده الاقي تضاربات واختلافات ومابقتش عارفه اصدق مين واكدب مين .
مره اقرأ ان المايه الدافيه هيه المفيده في الريجيم بتسيح الدهون واشربيها حتفيدك ، والمره الثانيه اقرأ ان المايه الساقعه هيه المفيده لان درجة حرارتها اقل من درجة حرارة الجسم فالجسم علشان يرجع لدرجة حرارته الاصليه بيحرق سعرات وبكده تخسي من شرب المايه الساقعه .
ومره اقرأ ان ممارسة التمارين الرياضية لازم تكون علي بعضها تعملي التمارين ساعه علي بعض ، والمره الثانيه أقرأ ان لو قسمتي الساعه لفترتين واخدتي راحه في النص يكون احسن وتحرقي سعرات اكبر .
وكتير كتير من ده لو قعدت اكتبلكم علي الاختلافات دي مش حنخلص .
المهم ان الكلام كتير والنصايح كتير والريجيمات اكتر واحنا تايهين في النص .
انا جربت ريجيمات كتير قوي قوي ماتتصوروش اد ايه وقرأت لما نظري ضعف
وخلصت من ده كله الي أيه :ان كل الكلام ده ماتقدريش تطلعي منه بمعلومه مفيده
وان الريجيم الحقيقي اللي يخليكي تخسي هو الاعتدال
بعد كل تجاربي مع الريجيمات وقفتها كلها وكل اللي عملته اني نظمت بس اكلي أزاي :
1 - باكل كل حاجه ولا احرمش نفسي من اي حاجه ولكن بالعقل باكل كميه قليله من كل شئ زيي زي غيري من البشر ( اصلي في فتره ما حسيت اني مش زي البشر )
2 - باكل حاجه حلوه اللي نفسي فيها مره في الاسبوع وقليل مرتين
3 - بعمل رياضة ساعه 3 مرات في الاسبوع ( لكن لما اشتركت في المسابقة الرياضية بتحريض
من نور الايمان ) كنت بعمل الرياضة كل يوم ساعهوالنتيجه كانت احسن من اي ريجيم عملته :
1 - خسيت اه والله خسيت من غير ريجيم وكل يوم بلاقي في فرق في مقاساتي
2 - انتهي عندي الاحساس بالحرمان واللي كان كتير بيخليني مكتئبة وكان ده بيحسه جوزي واولادي وكان بيضايقهم قوي واللي كان كمان بيخليني ايأس واقوم هجمه هجوم شرس علي الاكل ، الاكل وخلاص اكل حلو علي حادق وعلي اي شئ تطوله ايدي اكل للاكل بس وده كان بيزودني بسرعه فظيعه
3 - عايشه دلوقتي حياه طبيعيه ومش مستنيه اني اخس علشان البس بنطلون ولا جيبه قصيره لا بلبس كل حاجه وبقي عندي قناعه اني كده كويسه وبكره حكون احسن واحلي من غير ما اكتئب ولا استني اوزن اخر الاسبوع
ماتنتظريش هوا احنا عارفين حييجي علينا بكره ولا لأ عيشي دلوقتي وبكره حيكون احسن ومع الاعتدال والنظام حتلاقي النتيجه اللي انتي بتتمنيها واحده واحده ماتستعجليش وحتلاقي صحتك احسن وجسمك احسن ونفسيتك احسن
لا للريجيم القاسي .... لا للحرمان .... لا للاكتئاب ..... لا لتأجيل حياتي لحد ما اخس
جربوا المره دي اللي قرأتوه هنا من جملة اللي بنقرأه وبنفذه لكن المره دي حتلاقوا فرق
أأكدلكوا انه فيه فرق استودعكم الله
كتبت :
زهروان
-
حكيك صحيح ميه بالميه وانا الي 8 ايام ماشي على هاد الاشي لا للحرمان لانو يؤدي الي الفجعنه 
.
يسلمو وربنا يوفئك خيتا .
.يسلمو وربنا يوفئك خيتا .
