مجتمع رجيمتجارب الرجيم الناجحة

تجربتي الناجحة ولله الحمد ...


السلام عليكم
أنا عام 1425 زاد و زني حبتين وصل 65 و طبعاً أنا طول عمري بأخر الخمسين لذلك لحقت على نفسي و بحثت بالنت و حكمت عقلي ....
ايش اللي راح ينحفني و ماراح يتعبني ؟
أنا كنت طالبة و قدامي الحياة بطولها بأذن المولى ... ايش اعمل عشان انحف و أحافظ على رشاقتي؟؟
بديت أولاً بمقاطعة ال Junk Food
الكاكاوات مع اني اموت فيها بس صحتي و رشاقتي أهم
و المقالي و الحلويات بأنواعها
بديت آكل خبزة بروحدة بكل وجبة مع أي شي مفيد و طبعاً الوجبات 3
دخلت السلطة و الفواكة بكثرة بنظامي بين الوجبات و الماء طبعاً ...
و بديت رياضة مستمرة يومياً ساعة أو ساعة و نصف
طبعاً وزنت بعد شهر قلت يالله أكيد نحفت طلع وزني هو نفسه !!!
تحطمت بس ما بطلت دايت و قلت لازم أزيد الرياضة ووزنت بعد شهر لقيته 64 يعني بس كيلو !
مع اني أمي تقول نحفتي واضح بس كيلو بعد جهد شهرين !!
Oh that's sucks
قلت طيب المسأله عناد هاه ؟

و خبيت الميزان !!!
قلت ماراح أوزن الا بعد 6 شهور
و استمريت رياضة و أكل صحي لحد ما عدوا هالست شهور و كان شكلي متغير جداً
و طلعت ناقصة 7 كيلو (-:
استمريت لحد ماو صلت لوزني المثالي اللي هو 55 ووصلته بعد كم شهر يعني تميت سنة كاملة نظام صحي و رياضة لحد مانزلت 10 كيلو ( و على فكرة كنت بآخر سنة كلية بس الحمدلله جبت 89% مع مرتبة الشرف الأولى -أدب انجليزي )
و الا الآن و أنا 55 و لله الحمد ..
ايش نستفيد من القصة ؟
الأوزان الخفيفة من 65 و تحت.. بطيء نزولها لأن الجسم ما يعتبرها أثقال كثيرة فيتخلص منها بسرعه , سبحان الله اذا بدا الوزن ينزل و يزصل للوزن المثالي أو قريب منه تبطء عملية ال Metabolism
الأيض كأستراتيجية دفاعية عن الجسم خوفاً من حدوث مجاعة !! سبحان الخالق
الحل هو الأستمرار على النظام المتوازن مع زيادة التمارين حتى يطمئن الجسم أن الشخص لازال يحصل على مواد مغذية نافعة ثم تعود عملية نزول الوزن لفعاليتها ... هكذا سمعت The Doctors
عكس الأزوان الثقيلة مثل الناس اللي فوق ال80 ينزلون بالشهر من 2 الى 3 كمعدل طبيعي و صحي مع رياضة و أكل متوازن يعتمد على وزن و طول الجسم ...مو حي الله أي نظام أهم شي ننحف و نتخلص من هالشحوم طيب و بعدين نمرض ؟ و نترهل و تخرب نفسياتنا و عشان كذا تخبصون ...
لأن النظام بكبره غلط
اذا كان وزنك قليل لا تستعجلين النزول ركزي على الرياضة و أعرفي من موقع طبي متخصص ايش عدد السعرات المناسبة لوزنك و طولك و مارسي الرياضة ع الأقل ساعة و نصف يومياً
را ح تشوفين فرق كبير بملابسك و الأرقام اللي بالميزان خليها آخر شي
أكلك صحي و خفيف
تمارسين رياضة لحد ماتعرقين يومياً
بديهي راح تنحفين ...بس ليش مستعجلة !!!!
صدقوني أنا ما سجلت بالمنتدى و لا كتبت تجربتي و نصايحي الا لأني خايفة على صحتكم
أحنا جيل مثقف متعلم تأكدي من المعلومات قبل تطبقينها على جسمك .. ابحثي عن أي شي و مضارة و منافعة بمواقع طبية ..لا تعتمدين أي معلومة قريتيها بمنتدى مجربينها مجموعة بنات نقلاً عن بنات جيرانهم اللي سألوا قريبتهم اللي مدري وين ؟؟
طيب مقطوع السند !!

حبايبي كلكم ما بحثتوا بقوقل و لا جلستوا بالساعات تبحثون عن رجيم ينحف الا لعيون الرشاقة
لأنها تستاهل .... أحنا بنات و لازم نستمتع بجمال اجسامنا و نحافظ على صحتنا من توابع السمنة و عدم الرياضة (هشاشة العظام+ سرطان الثدي+السكر+الكوليسترول.....و القائمة تطول كفانا الشر )
طيب قبل كل شي ....أنتي كيف سمنتي ؟ كيف زاد وزنك ؟ بأسبوع واحد زدتي 5 كيلو ؟ أوكي أقل 3 كيلو ؟؟؟
طبعاً مستحيل .... شوفي أي أحد عندك بالبيت اكله طبيعي و مايمارس رياضة شوفي وزنه قبل و بعد أسبوع مستحيل يزيد أكثر من كيلو و نص بالشهر الا اذا كان عنده مشاكل صحية هرمونات أو غيرها..
طيب انتي اذا سويتي رجيم ليش دايماً توقعين انك يا تنزلين 5 كيلو بالأسبوع أو تحطمين و تروحين تغيرين الدايت و تسوين مناحة !!!
يا ماما زي ما اخذتي الكيلو ببطء راح ينزل ببطء الا اذا اذا سويتي 4 أو 5 ساعات رياضة زي الرابح الأكبر !!
اغلب الريجيمات اللي قريتها هنا غير صحية تماماً .. لا تأخذين أي وصفة بدون مرجع طبي معتمد
أرجعي للمواقع الطبية و أبحثي عن نظام ال100 سعرة ... مليون مره قريت عنه أنه غير صحي و ينزل وزن بسرعه و يطلع بسرعه أول ماتتركينه ...
أساسا أنتي شوفي شكلك اذا خففتي أكلك و صرتي تاكلين أكل صحي و قليل مع رياضة كيف مع الوقت شكلك و مقاساتك تتغير و الميزان يتغير ع الخفيف ...
طيب اذا سويتي التمر و اللبن و استمريتي أسبوع و نزلتي 5 كيلو بالله شكلك يتغير زي اللي تنحف هال5 بشهرين ثلاثة ؟
طبعاً لا
لأنك مستحيل تمشين ساعة يومياً بلياقة وسرعة لمدة أسبوع على نظام مافيه نشويات زي الحبوب الكاملة .. غير الأوربيترك اللي يبي طاقة عالية عشان تكملين 30 دقيقة عليه
طيب أيش الأهم صحتك ... و جسمك اللي راح يشيلك طول العمر بأذن الله وأنتي أنثى وراك حمل و ولادة و استهلاك الجنين لكل المعادن اللي بجسمك بكل مرة حمل....توقعين انك ماشية صح على رجيم الخزعبلات اللي أساساً اسمائهم تدل على الفوضى!
3 في 3 ؟؟؟
الكيميائي اللي كله دهون......بالله بتظلين طول عمرك تاكلين بيضة و برتقالة و لحم مشوي !!!
و على فكرة تراه يفع نسبة الكوليسترول اذا ما شربتي كميات كبيرة مويه و مارستي الرياضة باستمرار ...غير النقرس و آلام المفاصل
و الا العبط اللي اسمه ريجيم الصنف الواحد !!!!
الله أوجد لنا الهرم الغذائي و انتي حارمه نفسك و حاسة بالجوع و منهارة نفسياً و مزاجك خرباااان
و تنزلين كيلو من هنا و أول ماتتركين هالنظام الفاااااااااشل يرجع الوزن ؟؟
وش استفدنا ؟؟؟
الأعتدال ...
طبقي سنة الحبيب علية الصلاة و السلام لا تقربي الطعام حتي تشتهيه و قومي و أنتي تشتهيه
that's it
شـكــ وبارك الله فيك ـــرا لك ... لك مني أجمل تحية .
تجربة اكثر من رااائعة ..

انا نزلت 9 كيلو في اربعة شهور ^_^

مشكووورة منى دايت ..

والله يوقفك ..
كلامك عين العقل
مشكورة الله يوفقك
ميرسى يا جميلة
ما شاء اللة ارادتك ما فى اقوى منها اللة يوفقك يا قمر
ماشاء الله عليك

جزاك الله خير
1 2  3  4  5  ... الأخيرة
كلمات ذات علاقة
الحمد , الناجحة , تجربتي , ولله