نفسي افضفض

السلام عليكم ورحمة الله وبركاته

كيفكم ياغاليات

بقالى زمن مافضفضت معاكم

وحشتونى ووحشتنى ارائكم الى دايما بتساعدنى ف حياتى وبحس انها من اخوات فعلا خايفين عليا وع مصلحتى

طبعا معظمكم كانوا عارفين انى كنت مخطوبة لانسان احبه بس ربنا ماوفق وماحصل نصيب والموضوع ده من فترة قصيرة

يعنى لسه الجرح معلم زى مابيقولوا

انا الايام دى متقدملى عريس اى بنت تحلم بيه وجاهز من كل حاجة وحتى عمله ماشاء الله عليه

شافنى ف فرح صحبتى من شهر وكلمها عليا انا ف الاول قولتلها لا بس هو كل يوم يكلمها ويقولها طب خليها تفكر

والله يابنات انا ماشفته حتى بس الزن من جانب صحبتى ومن جانب امى مر

انا مكسورة ومجروحة اوى وذنهم ده بيكسرنى ويجرحنى اكتر واكتر كل يوم يمكن يكونوا مش فاهمين حاجة زى دى

وامى تجرحنى بكلامها وتقولى نفسي اشيل عيالك قبل مااموت وانا اضحك معاها واقولها ربنا يعطيكى طولة العمر بس من جوايا كلامها يقتلنى

انا تعبت اوى اوى لما سبت خطيبي لانى كنت احبه فوق الوصف ومازلت احبه وعارفة انه لسه بيحبنى بس الظروف المادية كانت كلها معاكسانا وكان الاهل السبب ف الفراق عشان الظروف المادية

يابنات والله لسه احبه وانا كنت راضية بظروفه بس اهلى مارضوا عشان اول فرحتهم لازم تكون داخلة باحلى حاجة والخطوبة طولت خلاص كل شئ قسمة ونصيب ولو ليك نصيب فيها حتاخدها

والله حرام ظروفه كده انا رضيت بحكم اهلى لانى لماافكر بعقلى احسه صح لكن قلبي مكسور مايقدر يلتئم الجرح

ومش قادرة اظلم حد تانى معايا

لان البنت لما تحب واحد ويجى ياخدها واحد تانى بتظلم من غير ماتحس ماحدش فاهم كده

حسسونى انى ريموت كنترول او تكييف بيظبط نفسه زى ماهو عاوز

يابنات الزن فوق دماغى وقلبي واجعنى انا مش عاوزة الموضوع نهائي

ولما بفكر ف قلبي اقول استنى خطيبي هو يحبنى وشارينى لحد الان

ولما افكر بعقلى احس ان كلامهم صح بس حرام اظلم انسان بريئ ماله اى ذنب الا انه اعجب بيا

افيدونى الله يكرمكم

حبيبتي والله حاسه فيج .. لاكن الزواج قسمة ونصيب .. انا عارفه إن الامر صعب عليج وصعب علي اي بنت تمر بالموقف هذا .. صدقيني ان كان خطيبك من نصيبك راح تاخذيه .. ما تدرين يمكن خيره لج انكم ما تتزوجون .. سبحان الله ربنا أعلم فينا .. لا تخلين العواطف تتحكم فيج فكري بعقلج مو بقلبج .. استخيري وان شاء الله تتيسر امورج .. حبيبتي ما في شي بالدنيا صعب علي رب العالمين - سبحانه -

ما راح انساك من الدعاء يالغاليه .. خلينا نفرح فيك

سمسمه حبيبتي اناحقولك حاجه ياريت تسدقيها بجد
الانسان يقدر يحب اكثر من مره بس لو ادى نفسو فرصه
دايما بنفتكر اذا خسرنا حب ان الدنيا انتهت بس الحقيقه غالبا انها بتكون ابتدت
عارفه ليه لأن اختيار ربنا لينا هو اجمل وانسب اختيار
اناحقولك رأيي
ادي نفسك فرصه وقابلي العريس الجديد واهلك مش حيقولولو ا خدها وانت ماشي
لاابدا دي مقابله بس مش يمكن ربنا يؤلف بين قلوبكم
مش يمكن تتغير كل افكارك واحساسك لماتقابليه
على فكره اناجوزي لما جي يخطبني مكنتش موافقه اقابلو ودخلت بالعافيه عشان ارضيهم بس
واناواخده قرار انو مستحيييييييييييييييييل
بس معرفش ايه اللي حصل بعد مامشي ماما سألتني سكت
هههههههههههههه
ازاي وفقت متسألنيش ؟؟؟؟؟انانفسي لحد الان معرفش؟

وممكن لاقدر الله مترتحلوش او تحسي حاجه متعجبكيش ساعتها حيروح تأنيب ضميرك
وزعلك على اللي حواليكي لأنك حاولتي ومفيش نصيب
يعني في الحالتين مش خسرانه
انتي صلي استخاره وسلمي نفسك لله ومن يتوكل على الله فهو حسبه
وقولي اناراضيه بقدرك يارب مهما كان
وطلعي من بالك افكر اني مش حقدر ومش ححب تاني وحظلمو
لابالعكس بقلبك الكبير وعطائك تقدري تسعدي كل اللي حواليكي
وربنا يسعدك ويوفقك ويرزقك الزوج الصالح
وبكره تفتكري وتدحكي
واناححفظ موضوعك ده عندي عشان افكرك بيه بعدين وندحك سوا
ههههههههههههههه
المهم متنسيش تعزميني؟

صلي استخاره وادعي وان شاء الله ربي يكتب لك الخير

1-فرج الله عنك وأراح بالك
2-كل شيء في الحياة قسمة ونصيب ولو أن لك نصيب في شيء لجاء لعندك ودائماً الخير فيما اختاره الله
وثقي بأننا عندما لانحصل على ما نريده إنما هو الخير كله بأن الله أعد لنا الأفضل
3-في موضوع الزواج لا أحبذالقرارات الجاهزة بمعنى(لا أريد مقابلته ولا أحب طريقة الخطبة هذه ..........)
فلربما عندم تقابلينه وتتعرفين عليه تجدين فيه مواصفات كنت تحلمين بها
4-الرجل يمتلك قلب المرأة بحنانه ومعاملتها بتقوى الله وحسن أخلاقه (فمن منا لا تحلم برجل حنون)؟؟
5-الراحة المادية نوعا ما ضرورية من أجل استمرار الحب فحتى الحب بعد الزواج يأخذ منحى أخر صدقيني
توكلي على وأعطي نفسك وهذا الرجل فرصة
(وخدي الي بحبك مش الي بتحبيه )على رأي جداتناهههههههه
أرجومن الله أن يختار لك الخير كله ويتم عليك ويبارك لك

السلام عليكم
حبيبتي سمسمة الحقيقة كنت انتظر فضفضتك من مدة بس المهم انك فضفضتي
غاليتي بما ان علاقتك بمن كانت خطيبك انتهت لاي سبب فليس من العدل ان تستمري في حبه كما تقولين
لانه ظلم لنفسك وله انتم وضعتم حد للعلاقة فيجب مجاهدة النفس لوضع حد لهذا الحب المزعوم
اعطي نفسك فرصة ثانية واستخيرى اكثر من مرة وتوكلي على الله
اعلم انك لا تملكين رموت كنترول لقلبك
لكن اتركي التحكم به لله ولا تنسي ان قلب المرأة يفتح ابوابه لمن يعرف قدرها ويحسن عشرتها تلقائيا
وما اجمنل ان يكون حبا طاهرا شرعيا مع الظوابط الشرعية اي بالزواج
اعطي لنفسك ولغيرك فرصة
حبيبتي الغالية ثقي بالله وثقي بالاستخارة واعلمي ان الله لن يخذلك
وافقي على الخطبة وبعدها الله يقدر لك الافضل ان بالقبول او بالرفض
اسال الله لك خيرة الشباب وزوجا يحبك ويرعاكي ويصونك
والسعادة في الدنيا والاخرة ولا تنسي الدعاء
اختك ام البنات