السلام عليكم
كيفكم يا بنات
انا ان شاء الله ناويه ابلش من بكرا تخفيف الاكل لحين موعد المسابقه ان شاء الله
والله انتظره بفارغ الصبر والله لاني مليت مليت مليت خلاص....
بهاليومين تعرضت لصفعتين قويتين ... خلوني اصحى على نفسي ...
اول صفعه.. انا اكتشفت بهاليومين الماضيين اني اكل...
بس عشان بدي اكل بس ... مش عشان انا جوعانه...
لاول مره اقعد اراقب نفسي شو باكل... اكتشفت اني باكل لانو عندي ادمان اكل وبدي اتم اكل
وخلاص هادي حياتي وبٍس...؟؟ والله دمار... مافيه رحمه ... ما خليت شيء ايس كريم على شيبس
وما اكتفي بقطعه وحده والله ما يشبعني غير 4 حيات واكتر والشيبس كمان... والرز واللحمه والبرغرر...
وعصائير وسكريات ومكسرات... والمشكله ما الحق اخلص شيء بئيدي الا اشتهي الي وراه.. فعلا دمار..
تخيلو وزني صار بيومين بس من 93 ل95... والله العظيم شيء يقهر
هاد لو اترك نفسي كمان راح اوصل 100 واطلع شو هااد...
وبهالمناسبه اطلب من اختنا نور الامل تغير بياناتي من 93 ل 95... والله فشاله ...
تاني صفعه من زوجي المحترم ... واتمنى ما حدا يزعل من طريقة كلامي ...
بس راح اكتبها لاني نفسي كل وحده سمينه ومتزوجه تسمعني وتفهمني وتلحق نفسها قبل المصيبه...
اليوم بعد صلاة الفجر صار بيني وبين زوجي (معاشره)...طبعا هادي بعد قطيعه صارلها 3 اسابيع.. لكن الصاعقه الكبرى .. الساعه 10 صباحا
كنا قاعدين نفطر ونلاعب بالبنات ونتكلم وجبت له سيرة ملابس جديده .. قال لي( بس يصير شكلك مثل البني ادمين والناس بروح وياك السوق)...
سالته سؤال .. ( بما ان شكلي مش مثل العالم والناس ليش بتئرب عليي الفجر...؟؟؟)
جوابني بكل مصخره( الحين الي عنده سياره مضروبه مش مضطر انه يستعملها لحتى يجيب غيرها جديده...؟؟؟وبعدين انا اشفق عليكي عشان هيك بس)
وقتها حسيت انه ضربني بالصميم والله... جرحني جرح عميييق.. وكلامه من الصبح وهو ينعاد بودني...
معقوله انا بالنسبه له لهالدرجه تافهه..؟؟ معنى كلامه اني مضروبه وانه متطر يستعملني بس اتطرار.. وانه يشفق عليي...
معقوله وصلت للحضيض ... خللص ما مني رجى خلاص..؟؟؟
اخ بس
مرات اقول معاه حق
انا الي اسوي بنفسي هيك... تركت نفسي لضعفي وهبلي وتأجيلي وكل مره لبكرا ولبكرا لحتى صرت سياره مضروبه...
عشان هيك يا بنات يا متزوجات اياكم توصلوا للي وصلتله... الحقوا نفسكم بكل قوتكم ...
