السلام عليكوم جبتلكوم حلا سهل انشاء الله يعجبكوم زي ما عجبني اشهى الحلويات بالصور
اشهى الحلويات بالصور 2011
حلا الطبقات
الطبقه الاولى : عبآره عن سويس رول شوكولآ مقطع لـ شرآئح تصفينه في آخر الكآس
الطبقه الثانيه : عبآره عن ( كآس بسكويت مطحون + نصف علبة حليب مركز + 2 ملعقه قشطه ) نخلطهم مع بعض و نصبهم فوق الكيك الطبقه الثآلثه : شوكولآ نوتيلآ و نتوصى شويه الطبقه الرآبعه : في الخلآط ( بآقي الحليب المركز اللي هو نصف العلبة + من 3 - 4 حبآت جبن كيري ) يتزين بـ الشوكلآته
ليقمات
/ - كاسين دقيق الكويتي .. - ملعقين كبيرة حليب جاف - ملعقه ونص كبيرة خميرة وحطوها بسخاء لاتبخلون - زبادي واحد أو كاس لبن .. حسب المتوفر ، وتعجنونها اذا حسيتوها ناشفة العجينة زيدو شوي ماء واذا حسيتوها سايلة بزياده زيدوا كمية الدقيق شوي , وتتركونها تتخمر نص ساعه .. وقت القلي وهذي أهم خطوة لنجاح القيمات / الزيت لازم تحطونه غزير وتخلونه يسخن قبل بوقت .. وقبل لاتبدأون تشتغلون باليقيمات وطوا النار مررررررررره ! وهاتوا معكم كاس مويه وفيه ملعقه صغيره عشان تبدأون تشتغلون .. وأمسكوا العجينة بيدكم وغسطوا الملعقة بالموية وع طول خذوا مايكفيها من العجينة وسقطوها بالزيت .. لين تكتفي الكمية , وأجلسوا قلبوها وبطولون وانتم تقلبون عشان تتقرمش وتاخذ اللون الذهبي .. ووقت التقديم وهي حاره خلوا الشيرة باردة .. أو العكس اذا القيمات مسوينها قبل بوقت خلوا الشيرة حارة ، واطعم لو تسقونها بعسل .. وبالعافية عليكم /
تشيز الزبادي بالجوزاء..
الطبقة الاولى || بسكوت جوزاء مطحون الكمية حسب صينيتك ممكن 2-3 اعجينيه بزبدة ورصيه بالصينية ( الصينية وسط ) الطبقة 2 || علبة زبادي - 5 فناجيل حليب بودرة - 3 فناجيل سكر ندخلها الفرن لـ حد ماتتماسك وقطعية بقطاعة دائرية وآخر شي جملية بهيرشيز او اللي تحبيين
تشيز كيك الفراوله البسيط
المقادير : القاعده : كيك سويسرول فراوله (الكميه حسب حجم الصينيه ) الحشو: علبة جلي فراوله - كوب ماء - 3 باكيت دريم ويب - علبة قشطه - 12 جبن كيري التغطيه : جلي فراوله - كوب ماء حار الطريقه : نقطع الكيك شرايح ونصفه بصينية قاعده متحركه نخلط جلي الفراوله مع كوب المويه على النار لحد مايغلي بعدين نخليه يفتر نخفق باقي مقادير الحشو ثم نضيف الجلي ونخفق ثم نصبه ع الكيك وندخله الثلاجه لحد مايتماسك نخلط مقادير التغطيه ع النار لحد ماتغلي ونخليه يفتر ( لازم يفتر عشان مايحوس عليك شكل الحلى مثلي ) نصبه ببطء على الوجه بواسطة ملعقه ونتركه بالثلاجه لحين التقديم ممكن تسوين مثلي وتقطعينه بالقطاعات بيطلع شكلها حلو بالتقديم
كب كيك التـوت و الليمـون
المقـاديـر بالاكواب المعياريه :: علبة جيلي توت -روزبيري- مذوبه بكوب ماء مغلي / ممكن تستبديلين جيلي التوت بجيلي الكرز كلهم نفس الشي نصف كوب عصير ليمون جاهز او انتي تصلحينه بانك تعصرين ليمونه وتزيدينها مويه وسكر لحد مايضبط معك الطعم بس لا تخلينه حالي مره اطعم علبة خليط كيك بيتي كروكر ابيض او بالفانيلا 3 بياض بيض ربع كوب ماء ثلث كوب زيت الطـريقـه :: لبسي صينية الكب كيك بورق البليسيه وسخني الفرن على 325 ... باستخدام العجانه او الخلاط اليدوي اخلطي : خليط الكيك + بياض البيض + ربع كوب ماء + ثلث كوب زيت + ربع كوب من عصير الليمون + ربع كوب من الجيلي المذوب - بس انتبهي لايكون حار مره يخرب الكيك اخلطيهم اول شي مدة دقيقتين على سرعه بطيئه بعدين دقيقتين سرعه متوسطه ... صبي الخليط بصينية الكب كيك - اكثر من النصف بشوي -
وحطيهم بالفرن بتاخذ تقريبا نصف ساعه بقولكم على شي : ترى لما تصير بالفرن بتلاحظين انها بتتحول لدونات بترتفع الاطراف واللي في الوسط ينزل مره لايضيق صدرك وتحسبين الكيك خرب ، ماراح يأثر لا عالطعم ولا عالشكل لان الكريمه بتغطيه ولا تحمرينه من فوق مايحتاج يكفي تشوفين الاطراف تغير لونها ،، اول ماتطلع وهي حاره خرميها بالشوكه اخلطي باقي عصير الليمون مع باقي الجيلي - بس خوذي منه نصف فنجال شاي على جنب - وشربي الكيك بهالخلطه - وخليك كريمه كلما كثرتي كلما صار احلى بكثيييييييير _ ودخليهم الثلاجه يبردون ،،
كـريمـة التغطيـة : قشطة خفق اخفقيها حتى تثقل - ترى بتاخذ وقت لا تستعجلين عليها - لما توصل القوام المضبوط حطي عليها شوي سكر بودره - ماله مقياس محدد انتي ورغبتك - وباقي الجيلي اللي خليتيه على جنب ،، وقلبيهم بشويش حتى ماتروح نفشة الكريمه وبالقمع شكليه فوق الكب كيك وقدميه بالطريقه اللي تحبين
بسبوسـة القـرفـه للاسف اهلي مايحبون البسبوسه العاديه ومايمشي سوقها عندهم لين ماطحنا بهالبسبوسه وادمناها بشكل من جد طعمها روووووعه وشكلها اروووووع واذا تعودتي عليها مافيه اسهل من شغلها طبعا الطريقه العاديه كانت عباره عن دبل المقدار اللي بحطه وتحطين نصف الخليط بعدين تحشينها قشطه بعدين باقي الخليط بس كانت كميته مره كبيره وشكله مايطلع مرتب لانه يحوس مره بالتقطيع فصرت اسويه بهالشكل اشهى واحلى ولازم يتصلح بنفس اليوم لانه اذا طول بالثلاجه ينشف ،، تكفي تقريبا 30 قالب صغير ...
المقـاديـر بالاكواب العادية:: كوب سميد نصف كوب سكر بودره نصف كوب حليب بودره نصف ملعقه كبيره بيكنج باودر اصبع زبده مذوب علبة قشطه ملعقه ونصف كبيره قرفه الطـريقـه :: ادهني صينية القوالب الصغيره بالزيت <== او ممكن تلبسينهم بالورق ، وسخني الفرن على درجة 350 اخلطي المقادير كلها سوا وصبيهم بالقوالب بعدها جيبي قشطة قيمر - او طازجه - وحطي شوي بوسط كل قالب انا استخدمت القمع مو علشان الشكل لانه اصلا بيسيح بالفرن ، لانه اسرع من اني اقعد بملعقه احط بكل قالب .. ودخليهم الفرن حتى يتحمرون - بتاخذ نصف ساعه تقريبا - وطلعيهم و طوالي شربيهم بالشيرهاتركيهم على جنب يبردون او بالثلاجه مو مشكله <== انا احبهم يكونون بدرجة حرارة الغرفه لا باردات ولا حارات وللتزيين من فوق : اخفقي كريمة خفق حتى تثقل وحطي عليها شوي سكر بودره وشوي قيمر وقلبيهم وبالقمع شكليهم عالبسبوسه ورشي عليهم فستق وقدميه ..
تيـراميسيـو كب كيك
قريت هالوصفه ب مارثا وتسطلت عندها واحسن مافيها ان مقاديرها دائما متوفره وشكلها شيييييييك وطعمها كأنه تيراميسيو من جد بالنسبه للكيك ترى ماينفع تستخدمين الخليط الجاهز لأنه مره لين وطريقه الكيك هنا بتلاقينها ناشفه شوي لانها بتتشرب بالكوفي وحتى تعطي احساس البسكويت
الطـريقـه :: لبسي قوالب الكب كيك بالورق وسخني الفرن على 325 سخني الحليب والفانيليا عالنار حتى يقارب للغليان بعد كذا ارفعيه من النار وحطي عليه الزبده وحركيهم حتى تذوب الزبده واتركيه يبرد ،، حطي : البيض + صفار البيض + السكر فوعاء وحطيه فوق مويه حاره - مو عالفرن - واخلطي حتى يذوب السكر ويسخن الخليط شوي .. بعد كذا اخلطيهم بالعجانه او الخلاط اليدوي حتى يثقل ويتغير لونه وبالتناوب حطي عليهم ( الدقيق + البيكنج باودر + الملح ) وخليط الحليب والزبده صبي الخليط بصينية الكب كيك - عبي ثلاث ارباع القالب -
دخليهم الفرن ، تتاخذ ثلث ساعه تقريبا وطلعيهم وغطيهم بفوطه حتى يبردون بعدها خرميهم بالشوكه وشربيهم بـ ( نسكافيه + سكر + مويه ) يعني قهوه عاديه او اذا عندك قهوة اسبريسو او قهوه امريكيه كلهم نفس النتيجه بس لا تكثرين هالمره من الخليط حتى مايصير الكيك رطب واتركيهم ياخذون راحتهم يتفاهمون مع بعض تقريبا نصف ساعه
كريمـة التيراميسيـو :: اخفقي كوب كريمة خفق حتى تثقل بوعاء ثاني اخلطي علبة جبن ماسكربون 200 غم واذا ماعندك - مثل حالاتي - فأفضل بديل له ويعطي نفس النتيجه : علبة جبن فيلادلفيا + علبة قشطه طازجه صغيره اخلطيهم مع نصف كوب سكر بودره واذا اختلطوا زين اضيفيهم عالكريمه بس نفس الشي اخفقي بشوييييش كأنك قاعده تطوين الخليط على بعضه حطي المزيج بالقمع وشكليه عالكب كيك ،،
