فطير دايت
مجتمع رجيم / الاطباق المتنوعة
كتبت :
شمس بكره
-
السلام عليكم ورحمه الله وبركاته
كيفكم يا بنات منتدي رجيم
عملت من يومين [glow=FFFF33]فطير لايت[/glow] بطريقه حلوه ممكن
طبعا مشكله الفطير الاساسيه انه بيتعمل بسمن او زبده كتير
انا بقي كنت بادهن بين الطبقات بزبادي عليه معلقه واحده بس سمن
وطلع حلو قووووووي وخفيف
المقادير 4 كوب دقيق
3كوب ماء دافي
ونص معلقه صغيره ملح
ومعلقه صغيره سكر
وكوب زبادي خالي الدسم ومعلقه سمن
ويتم العجن جيدا حتي تكون العجينه متماسكه ومش بتلزق في ايدك
وتسيبيها نص ساعه علي الاقل ترتاح
وبعدين تتعمل كور صغيره وسيبيها تاني نص ساعه ترتاح
وبعدين ابداي بقي تفردي الكور وتدهيني بالزبادي المضروب بمعلقه السمن
ممكن تعملي كوره كبيره شوي وتلفيها حول 4 طبقات من الكور الصغيره بعد الفرد طبعا
وبين كل طبقه وطبقه لازم زبادي
وفوق الوش طبعا زبادي برده وتدهني كمان الصينيه
The image file IMG_0006.JPG exceeds the maximum allowed filesize of 1.025 Megabyte(s) per image.
وتدخل الفرن تقريبا ربع ساعه او لغايه ما تحمر
The image file IMG_0005.JPG exceeds the maximum allowed filesize of 1.025 Megabyte(s) per image.
طعمها بجد تحفه وخفيفه جدااا
انا مصوره بعض الخطوات بس للاسف مش عارفه ارفعها ياريت لو حد يبعتلي شرح كيفيه رفع الصور وانزلكم الصور ان شاء الله
جزاكم الله خيرا
