مجتمع رجيمتجارب الرجيم الناجحة

رسالتي لكل من تبحث عن النحافه



مرحبا بيكم جميع

قررت اكتب موضوعي هاد لكل انسانه بتعاني من السمنه ونفسها يتحقق حلمها واعتبرته رساله حتى اثبت لكم انه لا مستحيل والله العظيم ما اتكلم الا علشانكم وعشان نتحدى المستحيل

طبعا اول شي الفضل يعود بعد الله لتجارب البنات هون طبعا ولالااراده وهي اهم شي
بعضكم بيعرف اني دخلت هون بحاله والله لا يعلم بها الا الله نفسيه مدمره ومشاكل زوجيه لا يعلم بها الا الله وكان هاذا الدافع القوي لاصراري على النحافه دخلت المنتدى وكان وزني 100 وعمري ما حلمت اصل لهالوزن بصراحه كنت اعتبره من المستحيلات بس لله الحمد مع الاراده والاصرار تحقق حلمي الكبير
وما اكذب عليكم ما في شي بيجي بالراحه وبدون تعب صدقوني يا بنات اقسم بالله لا تقتنعو او حتى تبحثو عن اي شي ينحف بدون جهد او تعب انا ما سبت شي وما خليت شي بالنت عن السمنه الا وقراته بس على الفاضي وما لاقيت الا الرجيم والرياضه وكل شي تاني مجرد اوهام ولا ادويه ولا غيره والعمليات زي ما بتعرفو خطره ونصيحه من اختكم ام احمد الرياضه او المشي هاد كل شي اما الاعشاب فهي مساعده وممكن تساعد على قفل الشهيه بس
المهم انا طبعا ما راح احكيلكم سحر كل القصه اني عملت رجيم قاسي لمده شهرين نزلت فيهم 20 كيلو وبعديها نزلت كمان 8 كيلو وفضلت انزل لحتى صار وزني 75 طبعا بعد شهور مش بيوم وليله بس للاسف رجعت اخبص ورجع وزني لحد 78
ومن شهر ونص تقريبا رجعت لنظامي السابق ما اكذب عليكم اتشجعت لانه عنا كان حفله وقررت اني انحف والله يا بنات شريت فستان قبل الحفله بكم اسبوع بس لحتى انحف علشانه وفعلا رجعت وحطيته براسي ونزلت وما راح تصدقو لو قلت لالكم الفستان اجى تمام وبيجنن كمان واللي احلى من هيك كانت الفرحه الكبرى لما كل الاقارب والاصدقاء تفاجئو فيني صرت انسانه تانيه والله كل من شافني كان يفكرني بالاربعين من عمري وكنت مبينه اكبر من زوجي بسنين بس هلا مش قادره اوصف لالكم الفرحه بداخلي كلشي فيني اتغير وجهي جسمي شعري والله والله ما في اجمل من انك تتحولي لانسانه انت ترسميها بنفسك
باختصار حابه احكيلكم ما في شي بيجي بالساهل كل شي بدو تعب والله عشت ايام وايام من الحرمان والتعب بس وصلت بالنهايه لهدفي وهلا وزني 70 تخيلو بنات من 100--------------70 والله انجاز واحلى واروع شعور انك تشوفي بعد تعبك نتيجه وتحسي انك فعلا انجزت شي وفرحه لا تقدر بثمن بيكفي انه بتتغير حياتك كلها الشغله بسيطه بس بدنا نغير من سلوك حياتنا
غيري نمط حياتك كلو وقرري ونفذي انت بنفسك اعملي خطه لحياتك على فكره انا ما اتبعت اي نظام من بره كله من راسي كنت كل اسبوع بكتب شو بدي اكل واشرب واقسم وقتي للشغل والمشي والنت هاد الاهم ههههههههههه اهم شي حتى ما تشعري بالجوع اشغلي نفسك بالنت بعد المشي طبعا مو تقدي 24 وتقولي ما انحفت يعني باختصار نظمي حياتك حسب وضعك وحسب ماديتك مو لازم اجيب اكل الدايت اوشي تاني اي شي عندك ممكن انت تعمليه بنفسك وكترو من القدونس البقدونس البقونس ممتااااااااااااااز للبشره والجسم
اه تعبت خلاص يا ربي تكونو استفدتم واتشجعتم وكلامي كان خفيف على قلوبكم وسامحوني لو طولت عليكم

بس اقسم بالله حبيت افيدكم جميع لاني عانيت كتير وبحب الكل ما يعاني متلي وربي يحقق مرادكم جميه

اختكم في الله تم احمد
يسلمو حبيبتى يا رب كل واحده عاوزه تعمل ريجيم توصل للوزن اللى عاوزاه والموضوع اهم شىء فيه الارادة
فعلا معك حق ..الوحدة تعمل نظامها لحالها بيكون احسن من الريجيمات و هاذ الشيء اللي رح انفذه انا بالضبط ادعيلي حبيبتي ..

مشكورة قلبي افدتيني كتير
اولا الله يمسيكي بنوار النبي
ثانيا والله شجعتيني وقويتي عزيمني
وكلامك كلو مزبوط ومبروك النزول
انا كل يوم بحكي اليوم ببلش لا بكرا لا بعدو لما يروح الاسبوع والشهر وانا مثل ما انا وبزيد كمان
بس بعد كلامك والله تشجعت وان شاء الله راح ابلش بكرا بذن الله
الله يعطيكي الف عافيه ويعطيكي الصحه يا رب
ماشاء الله تبار الله اهنيك والله على عزيمتك واصرارك ويسعدني اني انهج بنهجك بإذن الله ويارب اوصل مثل ماوصلتي ومبروووك الوزن الجديد ومنها للاحسن يارب
ماشاء الله عليكي ام احمد
مبرووك نززول وزنك وان شااء يتحقق كل ماتتمنيه
عنجد كلامك مررررره استفدت منه الى الامام اختي

1 2 
كلمات ذات علاقة
لكل , النحافه , تبحت , رسالتي