إيدي بإيدك رح ننزل ال 10 كيلو إن شاء الله
مجتمع رجيم / أرشيف رجيم
كتبت :
ميرنا
-
align="right"> السلام عليكم ورحمة الله وبركاته
أولاً : الحمد لله والصلاة والسلام على أفضل خلق الله كلهم سيدنا محمد (صلّى الله عليه وسلّم). كلمتان احب ان اقولهم بمناسبة ذكرى مولد رسولنا الكريم (صلّى الله عليه وسلّم):
الأولى : إكراماً لرسولنا الحبيب (صلوات الله تعالى عليه) استمروا في مقاطعة المنتجات الدنمركية وغيرها ممن هزأ برسولنا الكريم.
الثانية : احيوا سنّته في حياتكم ، اغرسوا حبّه في نفوس اطفالكم،
عوّدوهم حبّ الرسول بالقول والفعل. ابتكري طرق جديدة وجميلة لتشجيع الاطفال على الاستمرار على نهج الرسول (صلّى الله عليه وسلّم).
مثال : يمكنك جمع عدد من الاطفال(اولادك واصحابهم) والقيام بيوم "إحياء سنة الرسول" (صلّى الله عليه وسلّم) من خلال العاب او تطبيق سنّة معينة خلال اليوم... ثم توزع جوائز رمزية (مش ضروري يكون candies!! ) . الاطفال ما بينسوش الاوقات دي حتى لما يكبروا.
ثانياً : آآآآسفة جداً اني طوّلت الرد عليكم لكن كنت مشغولة بتحضير حفلة للأطفال بالجمعية بمناسبة ذكرى المولد النبوي الشريف.
ملاحظة : للراغبين عندي بعض الأفكار و ورقة مسابقة وغيره، اللي تريد ارسلها الملف تبعث لي على ايميلي من خلال هذا المنتدى.
ثالثاً : أنا قرأت الردود سريعاً يعني اقول ايه؟!!!
سكون ، سكر نجد ، ام حنوني : ليش الإحباط والتخبيص!!
وبعدين يا سكون : مجبوس دجاج على العشاء!! وايه ريجيم الكيميائي؟!!
يا سكون يا حبيبتي ما تنزعيش نظامك الصحي؟! وانت شايفة ام طموح (معلش يا ام طموح حنأخذ مثال عليكي *سامحينا*) بدأ نزول الوزن يقلّ ومش بعيد تسترجع الوزن كمان!! إن شاء الله لأ يا ام طموح هههههه!
لكن دا فعلاً اللي بيحصل وإن حصل برده ما تزعليش دا كله خبرة لك ولغيرك! وكمان الامر نفسه مع مروة (ريجيم الكورن فلايكس!!) وايضاً عيناء (ريجيم الاناناس!!) لكن ممكن يكون الامر مختلف مع عيناء عشان هي بتمشي ساعة او اكثر. وانا بقوللك يا عيناء لو نزول وزنك كان من المشي فممكن ما يعود يزيد! لكن لو من الريجيم! فأنت بتعرفي الإجابة!
وبعدين معلومة هامة للجميع : الآلة الكهربائية بتاعت السيللوليت لاااااااااااااااا تحرق الدهون أبداًً هي فقط ترتب مكان الخلايا الدهنية بطريقة يظهر سطح الجسم مستوي وجميل اي بدون المظهر اللي بيشبه " قشرة الليمون : السيللوليت" لكن!!!! انتبهوا بعد فترة سيعود المظهر من جديد!
الوسيلة الوحيدة للتخلص من الدهون هي الرياضة ، الحركة ، المشي ...
اما النظام الغذائي الصحي بساعدك على الاستمرار بتمارينك وعلى الحفاظ على وزنك اللي نزلتيه بالرياضة وعلى عدم زيادة الوزن وعلى حياة صحية مستمرة بشكل عام. (ممكن تعملوا بحث معلومات وتتاكدوا من كلامي)
سكر نجد : ما تزعليش ابداً انا ايضاً وزني ثبت ويمكن زاد 400غ لكني مستمرة بالمشي والرياضة وممكن عشان الدورة قرّبت فجسمي حبس السوائل! انا بتكلم عن نفسي من باب "شوف مصيبة غيرك تهون عليك مصيبتك!" هههههههه
طيف الغلا : سلامتك يا حبيبتي ألف سلامة. ارتاحي ولا تعملي رياضة حتى يقولك الدكتور انك تقدري. اوكي؟! وبعدين ريجيم ال1000 سعرة مش كويس! عشان مش بكون متوازن او فيه كل العناصر الغذائية المهمة!
ورد : الله يرفع عنّك حبيبتي ايه الحاصل معاك؟! إن شاء الله كله خير؟!
السنيوراااا : سماح يا حبيبتي .. أنا بحبك جداً وفعلاً لما ادخل لقراءة الردود فقط واشوف خاصة ردّك بتألم فعلاً عشان ما عندي وقت ادخل وجاوبك!!
لكن قريباً (قولوا إن شاء الله) سأنتهي من "معلومات مهمة : من القلب للقلب " زي ما وعدتكم مش كده؟! وإن شاء الله كلنا نستفيد.
المهم يا السنيورا: انا مبسوطة منك عشان اقتنعتي بضرورة عدم الغاء وجبة الفطور!! هي مهمة حتى تقدري تكملي يومك بدون تلخبص وتقدري تعملي حركة ورياضة!! وما تنسيش ان الوجبة دي ممكن الغش فيها (لو عاملة رياضة قبلها) لكن كلّه باعتدال!!
المؤمنة : عايزة قولك برافو عليكي انك مستمرة بشرب الماء وانك بتعاقبي نفسك بزيادة الرياضة.
ويا جماعة الجو بدا يحرّ يعني " شرب الماء على فترات قريبة خلال اليوم بكمية معتدلة " دا أمر ما فيهوش نقاش!!
فترات قريبة (معدل كل نصف ساعة كوب صغير): عشان الجسم يفضل مرطّب.
بكمية معتدلة : عشان ما تثقل معدتك وتكبر!
أنسيتم الجنة : الله يجازيك كل خير على ردودك ويجعلهم في ميزان حسناتك. يعني تستاهلي كل خير يا حبيبتي. انا فعلاً متشكرة كثير كثير على اهتمامك بالردود وتذكير الاخوات بالمعلومات الصحية الجميلة.
وطبعاً شكرايضاً لسكون وام حنوني وكل اللي يردّون على اخواتهم ويشجعوهم بالاستمرار.
فووفوو : فيييينك؟! يعني قرأت تقريباً 8 صفحات لكن ما شوفتش ردّك! ما اعرفش لو غاب عني اسمك! على العموم : خليكي معانا انا بحب اقرأ ردودك كثير.
وأخيراً : أهلا وسهلاً بكل اللي انضم معانا.
بحبكم في الله وسامحوني لو نسيت حدّ.
