مجتمع رجيمالنقاش العام

زوجتي البارده

زوجتي البارده

بسم الله الرحمن الرحيم

بحكي لكم مشكلتي مع زوجتي من باب الفضفضه
زوجتي شخصيتها غريبه جدا ماعمري شفت بنت نفس طبعها
اول شي بقولكم عنها ايام الملكه
كنت اكلمها وماترد ادق عليها كلمه ورد غطاها كنت احسبها تسوي نفسها ثقيله يعني زي باقي البنات ايام الملكه
المهم يوم اتزوجنا طلعت هذه شخصيتها الفعليه بااارده بارده بشكل فضيع
مايهمها شي ماترد علي اغلب الوقت اذا هاوشتها ساكته ماترد علي
اذا ناقشتها في موضوع مهم مايهمها انها تعطي رايها
يعني اناقشها في موضوع مصيري ماترد علي بس تهز راسها

اسلوبها ينررفز بشكل
والغريب فيها ماتحب تطلع من البيت ما تحب تتمشى معي ماتحب تروح السوق ماتحب تقابل الناس
رغم انها عند اهلها شخصيه مختلفه تماما تطلع مع اخوانها وترجع وتنكت معهم احيانا انصدم منها بصراحه
اقول معقول هذه نفس الانسانه
قعدت عندهم شهر ما فكرت تكلمني ترسلي رساله تسال عني حي ولا ميت
قلت بشوف متى تتذكرني مر شهر كامل ولا حتى ارسلت لي نقطه لو بالغلط
قلت معقول هذا قدري عندها وكلمتها وهاوشتها ولا ترد
تعبت منها ومن طبعها والحل معاها عمر الزواج 6 شهور
منتدى الحياة الزوجية | دليل النساء المتزوجات | الثقافة الزوجية والعائلية من قسم: مشكلتي مشاكل زوجية معالجة المشاكل بين المتزوجين

.,[jd hgfhv]i
كلمات ذات علاقة
زوجتي , البارده