استشارات التغذيه العلاجيه

nonosh

تسلميلى حبيبتى عالدعوات وربنا يتقبل وليكى منى زيها وللكل يارب

بصى ياجميل موضوع ان الوزن بينزل وبعدين بيثبت ده بيتعالج بنظام اسمه نظام الموجه
يعنى بنعمل فيه ايه يعنى تكونى ماشيه طول الاسبوع على نظام معين تيجى فى اخر الاسبوع ده
تلخبطى النظام وتاكلى اكل غير منظم وتزودى وتقللى السعرات الحراريه اللى بتاخديها

عشان معنى حدوث ثبات للوزن ان الجسم حصل له تكيف ومبقاش مستجيب للنظام ده
فبنلجأ ليوم او يومين فى الاسبوع نلخبط فيهم النظام شويه

ومعلش لو برد عليكى بسرعه ومش بأستفاضه لانى لازم اقفل دلوقتى لانى صايمه والمغرب قرب

فهختصر دلوقتى بس لى عوده معاكى ان شاء الله بالنظام المناسب ليكى والسعرات المسموحه ليكى يوميا
طبقا لطولك ووزنك ان شاء الله
نيجى بقى للنقطه التانيه وهو النظام اللى ماشيه عليه دلوقتى
وهو تلات وجبات وبس انا هحسبلك السعرات اللى فيه لانه واضح انها اقل من 1000 سعر حرارى يوميا
والمفروض اى نظام تحت 1000 كالورى يوميا يكون تحت اشراف طبى فى المستشفى

فأسمحيلى النظام ده مش سليم النظام لازم لا يقل عن 1000 كالورى

ولا يقل عن 5 وجبات صغيره ويكون شامل لكل المجموعات الغذائيه الاربعه

يارب اكون وفيت بالكلمات القليله دى ولى عوده بأذن الله وتابعينى

ربنا يخليكي ومش عارفه اوفيكي حقك علي كل هذه النصايح المفيده جدا أنا طبعت قرأت ردك بخصوص رجيم دشتي وانا كنت فعلا محتاجه أسأل عنه لاني بدأت فيه من يوم السبت بس بصراحة تعبت منه أولا حسيت بصداع جامد وكمان أكل البروتين تعب لي معدتي جدا فقررت إني أضيف التفاح مع تجنب باقي الممنوعات زي اللبن بأنواعه وجميع النشويات والحلويات وكمان الاكل يكون يا مشوي يا مشلوق لأني مش مقتنعه إني لو لأكلت الاكل المقلي أو المحمر ممكن الواحد يخس أنا أساسا بطلت أكله من فتره ومش بخس
أنا كلن سؤالي عن الرجيم علوزه أقول لك أنا بعمل إيه وتقولي لي إيه الغلط فيه وليه مش بخس مع العلم بأني منذ فتره طويله بعمل رجيم وكل شويه أسيبه وأرجع وده إللي مخللي جسمي ثابت بس فعلا أنا زهقت جدا لدرجه إني ممكن أزيد 2 كيلو في يوم لو بوظت الدنيا
أنا طولي 170 سم ووزني 116 كجم وعمري 38 سنه والحمد لله ما عنديش مشاكل صحيه مشكلتي إني منطفة الارداف الهنش والأفخاد هي إللي مليانه عندي جدا وهي طول عمرها كده بس طبعا زادت بعد زيادة الوزن بعد الجواز والحمل (أنا كان وزني وأنا بنوته 75 كجم) وطبعا رحت لدكاتره كتير وعملت جلسات أبر وموجات فوق صوته علي المناطق دي بس برضه مش بتخس وما جا بتش نتيجه معايا أنا أسفه إني طولت عليكي بس صدقيني أنا نفسيتي تعبانه جدا لأني بعمل رجيم ومش بخس وده مخليني أحس بإحباط وطبعا بطلت أروح للدكاتره وقلت أمشي انا مع نفسي بس برده ما فيش فايده عملت الإسبوع إللي فات دايت لما وزنت نفسي في أخر الغسبوع لقيتني مش خاسه ويكمن اكون كنت زايده كمان مع العلم إني كنت باخد الأعشاب إللي قلتي عليها علشان كمان أن بطبيعتي عندي إمساك وكنت مانعه النشويات كنت بأخد ربع رغيف بس علي الفطار مع بيضه مسلوقه ونسكافيه بمعلقتين كوفي ميت
والغدا ربع فرخه مشويه + سلطه+ خضار سوتيه بملعقة زيت واحده
والعشاء 2 تفاحه + شاي بلبن
ومع ذلك ما خستش أرجوكي يا حوريه إنت جيتي لي نجده من عند ربنا ارجوكي تقولي أعمل إيه وأنا إني طولت عليكي ورغيت كتير وجزاكي الله خير

class="quote">اقتباس : المشاركة التي أضيفت بواسطة حوريه 2008:
ريجيم دشتى زى ماقولت منصحش حد بيه خصوصا انك عندك انيميا اساسا يعنى لازم تهتمى بالخضروات والفاكهه اللى للأسف معدومين فى دشتى


وبردو بالنسبه لتوزريع الدهوون انها مش منتظمه فى جسمك فحله الرياضه مع نظام غذائى مناسب لطولك ووزنك


وتأكدى ان لو الريجيم اللى بتعمليه مناسب ليكى ومافيوهش حرمان من اى مجموعه غذائيه عمره ابدا ماهيعمل اى هبوط

وانا متاكده ان نسبه 80 % من الانظمه الشائعه مش موفيه للمجموعات الغذائيه الاربعه فممكن اخد طولك ووزنك ونشاطك واعملك نظام غائى للتخسيس فى فتره مناسبه عشان ميرجعش يحصل زياده تانى


وبالنسبه للحماس فده شئ نفسى تقدرى تتحكمى فيه بنفسك وخصوصا ان النظام اللى هعملهولك مش هيكون فيه اى حرمان من اى شئ يعنى الرز والمكرونه وغيره وغيره موجودين بس المهم الكميه منهم

يعنى مش همنعك من حاجه مدام مافيش اى حاله مرضيه زى ضغط او سكر منتظره الطول والوزن والنشاط