بشرى لاصحاب الاوزان اللي في السبعينات والمرضعات وبدون تغيير النظام الغذائي ولا ريجيم

مجتمع رجيم / الحمية و الرشاقة و الرجيم
كتبت : big_heart_few_luck
-
السلام عليكم ورحمة الله وبركاته
اخواتي العزيزات
اخيرااااااااااا وبعد ابحاث مستفيضة وعديدة ع الانترنت توصلت اخيرا لتركيبة جربتها بنفسي اقسم بالله العلي العظيم و نزلتني تقريبا بمعدل كيلو اسبوعيا يعني 4 في الشهر انا دلوقتي نزلت 5 كيلو في شهر ونص.
انا اصلا طولي 155 ووزني كان قبل الحمل 65 يعني جسمي بصراحة كان متناسق ووصل وزني بعد الولادة وبالتحديد بعد الاربعين 73 وكنت باخد حبوب منع الحمل للرضاعة microlut وكنت خايفة جدا وزني يزيد مع الحبوب وده اللي خلاني اشتري ميزان واوزن نفسي عشان اعرف اذا كانت الحبوب هتزودني ولا لاء؟ على فكرة هذه الخلطة تصلح للمرضعات ولكن لازم تستبعد مكونين (المرمرية وقشرالرمان) لانهم بينشفوا الحليب. انا عارفة ان الخلطة مفعولها بطئ تقريبا وعشان كده قولت للي اوزانهم في السبعينات لانهم مش بيكونوا مضايقيين من جسمهم بالطريقة الفظيعة زي مثلا للناس اللي فوق ال100 كيلو وكمان قولت للمرضعات لانهم بيبقوا فاقدين الامل يشربوا أي حاجة عشان مش تاثر على الرضيع بس لازم يمر على طفلك 4 شهور لان قبل اخاف اقولك او استشيري طبيبك. الاعشاب مكونة من 15 عشبة بجانب كورس كده عملته وبدون تغيير النظام الغذائي والله ما غيرت ولا قللت اكلي بس كل الحكاية كالاتي:
1) رجل الاسد
2) شمر (يشد الجسم ومدر جدااااا للحليب للمرضعات)
3) يانسون (ومدر للحليب للمرضعات)
4) نعناع (ومدر للحليب للمرضعات)
5) بابونج (ومدر للحليب للمرضعات)
6) حبة البركة
7) قرفة مطحونة
8) جنزبيل مطحون
9) كمون حب
10) بردقوش ناشف
11)زعتر ناشف
12) روزماري (او اكليل الجبل)
13) مرامية (او مرمرية) – (لا تصلح للمرضعات لانها تنشف الحليب)
14) قشر الرمان (لا تصلح للمرضعات لانها تنشف الحليب)
15 ) شاي اخضر.
تضعي مقدار ملعقة كبيرة من كل هذه المكونات (ماعدا الشاي الاخضر) وبعدين تعصري ليمونة وتضعيها بقشرها بعد العصر وتضعي لتر ماء على كل ده يعني 4 كوب ماء وتسيبها تغلي عالنار لمدة ربع ساعة وبعدين تضعي باكيت شاي اخضر (انا بستعمل ماركة تويننجز فتلة هو شاي مستورد انجليزي من لندن لان لما عملت سيرش عالنت لقيت ان انواع الشاي الاخرى المشهورة والمعروفة شاي اخضر مخلوط مش شاي اخضر بيور يعني صافي وموجود في مصر 100 كيس ب31 جنيه) وتصبي الخلطة دي على باكيت الشاي الاخضر المحطوط في الكوباية واشربي الخلطة (بدون سكر).

ثلاث اكواب في اليوم:

1) كوباية على غير ريق يعني قبل الفطار (لان أي شيء بيتشرب على غير ريق بيوصل للدم مباشرة)

2) كوباية بعد الغد (وقبل الغدا ابدئي بطبق السلطة الخضراء واعملي المتوفر عندك من جميع اصناف الخضار للموسم وبمعدل حباية من كل صنف وحطي ملعقة كبيرة من خل التفاح (الاصلي) انا بستعمل الفرنساوي ب12.5 جنيه على السلطة وحبة قليل بعدين اابدئي اكلك وكلي اللي انتي عايزاه وبعد الاكل مباشرة تشربي الاعشاب المذكورة اعلاه لان لما تبدئي بالسلطة انتي كده بتساعدي جسمك يمتص كل الدهون اللي هتدخل جسمك لما تاكلي وجبة الغدا وبعد الغدا لما تشربي الاعشاب انتي كده بتحرقي برضه أي دهون زايدة.

3) كوباية قبل النوم (وبالنسبة للعشا لازم يكون قبل النوم ب3ساعات او ساعتين يا ستي ع الاقل لان المعدة في النوم بتتوقف عن الهضم وده معناه انه يسبب تخمة وكرش او وقبل العشا لازم تاكلي علبة زبادي عليها ملعقة صغيرة من بذر الكتان لانها بتعمل مفعول النخالة او الردة يعني بتنفش في المعدة وتحسسك بالشبع شوية وفي نفس الوقت الزبادي من الاطعمة الحارقة للدهون يعني انت برضه بتحرقي اللي هيدخل جسمك من أي دهون او سعرات حرارية قبل العشا).

دي يا جماعة تجربتي الشخصية وانا حاليا وزني 68 وبدون تغيير النظام الغذائ ولا ريجيم وعقبال ال3 كيلو باذن الله.
منتظرة ردودكم يا بنات واللي عندها أي سؤال انا في الخدمة الاوزان السبعينات والمرضعات الغذائي icon10.gifالاوزان السبعينات والمرضعات الغذائي icon7.gif
كتبت : big_heart_few_luck
-
معقول يا بنات ولا رد وصلني؟؟؟؟؟؟ انا قولت حتى اكيد هلاقي ردود واستفسارات غالبا من المرضعات لاني انا شخصيا كنت مضايقة جدا من وزني وكنت خايفة اخد او اشرب اي شيئ لاني برضع
كتبت : بنتـ ابوها
-
بارك الله فيك وان شاء الله البنات يستفيدون من تجربك يالغلا
كتبت : ماي العين
-
شكرا على الوصفة وانجربها ان شاء الله
كتبت : فاطمة الدبدوبة
-
شكرا يا عسل انا كنت بدور من زمان على وصفه زي كده انا كمان برضع ووزني 75 بشكرك من كل البي يا غالية وانشاء اله عقبال ما انزل 5.5 كيلو باشهر ربنا يوفئك
كتبت : سحر هنو
-
الصفحات 1 2  3  4 

التالي
السابق