يا بحر انا جيتك من همومي اعاني !

مجتمع رجيم / منتدى بنوتات
اميرة بكلمتي
آخر تحديث: 30 سبتمبر, 2020

يا بحر انا جيتك من همومي اعاني
جاك قلبي يشتكي فرقا حبيبه
جيتك كلي امل تاخذ همومي عشاني
اسألك بالله يا بحر اسمع هالمصيبه

ابحكي لك عن اللي خذا قلبي ووجداني
انادي له وصوتي يسمعه وعيا لا يجيبه

اشتقت له واشتاقت له كل المواني
كل عرق بداخلي يسأل ليه طول مغيبه

كنت لا شفته تشتعل في داخلي كل الاماني
كان لي نور بسود الليالي اقتدي به

كنت في قربه يمر وقتي عجل مثل الثواني
كنت افتخر به قدام ناسي واحتفي به

كنت اغيظه بالجفا عشان اعرف مكاني
كنت اشعل غيرته ثم ارجع انتخي به

كنت اتعمد اهجره ومعه كل وجداني
عشان اسمع عتابه واسمع منه تأنيبه

كنت اجيه بغروري وبكبريائي اللي كساني
عشان يقول حبك غرورك بس اللي يعيبه

كنت في قربه مستبشره فيه كل المحاني
كنت في قلبه كنت له اقرب قريبه

لين دقت ساعة الفرقا وبقسوته جاني
يقول ارحلي وقلبك اليوم الله حسيبه

حاولت اتعذر لكنه انعقد حتى لساني
كنت ابقول هذي سالفه وهم وعجيبه

واليوم قلبه قسا ورحل مع شخص ثاني
والجمر في اعماق قلبي تزايد لهيبه

احس الكون في بعده عاف قلبي وسلاني
واحس الدنيا ضاقت من عقب ماهي رحيبه

وكل من مر من يمي بكلمتين واساني
يقولوا ارحمي قلبٍ بدا يخفت من نحيبه

قلت ياناس اسمعوني: شوفوا حبيبي نساني
وعمرٍ من عقب فرقاه ضيع قلبي نصيبه

وادري ان الله خذا مني مثل ماهو عطاني
وادري ان الغالي تركني برضاه ماهو غصيبه

بس اقول الله كريم وعمر كل الناس فاني
والمكان اللي خلا من زوله وش ينبغي به

اسألك بالله يا بحر لو انك مكاني
وش تسوي لا صار قلبك فاقد حبيبه

^^^^^^^^^^^
mss!haifa
آخر تحديث: 30 سبتمبر, 2020
اسألك بالله يا بحر لو انك مكاني
وش تسوي لا صار قلبك فاقد حبيبه

جبتها على الجرح
شـكــ وبارك الله فيك ـــرا لك ... لك مني أجمل تحية .
بسمه امل
آخر تحديث: 30 سبتمبر, 2020
قمة في الرووعة اخي الكريم
شكراعلى موضوعكي الجميل و الاكثر من متميز..
‏vuelve
آخر تحديث: 30 سبتمبر, 2020
رااائعة
سلمت يداك
غاليه الاثمان
آخر تحديث: 30 سبتمبر, 2020
اه اه اه
انا اشهد انك جبتيها على الجرح
لا تحرمينه من مواضيعك العسل ياعسل تقبلي مروووووري

بسكوتة حلوة
آخر تحديث: 30 سبتمبر, 2020
[align=center]اكتر من روعه
تسلمى عليه[/align]