المرأه ايام مان والمرأه اليوم؟؟؟؟؟؟؟
مجتمع رجيم / الحياة الأسرية
كتبت :
هيليدا
-
إليكم هذا الحوار بين (امرأة أيام زمان وزوجها):
الزوج:
- مرحبا يا مرة... شو عاملتينا عشا اليوم؟
الزوجة:
- يه يه يه... تقبر عضامي... إجيت حبيبي؟!! تقبرني شو حركتك خفيفة وما بتزعج حدا... لك حلّت البركة على أرض الديار يا روحي... طابختلك حرّه بأصابيعو ويالنجي وكبة لبنية تقبشني...
الزوج:
- يا الله يالله بلا كتر غلبة، قومي حطي الأكل قومي..
الزوجة:
- لك إي مو تكرم ابن عمي... مو تكرم... لك من هالعين هَي قبل هَي...
الزوج:
- ناموا الولاد؟
الزوجة من المطبخ:
- ناموا حبيبي ناموا على عشية، وحميتلّك الحمام يا عمري...
الزوج بعد أن يرى أصناف المائدة أمامه:
- إيييييييييييييييييييييييه... باين السهرة رح تحلى اليوم...
يمضغ اللقمة الأولى ويقول:
- ممممممممممممم طيبة هالكبة طيبة!!!
الزوجة رافعة يدييها للسماء:
- لك روح... ربي مولايي يبيضلك أيامك... ويبعد عنك ولادين الحرام يا حق..
ينهي الزوج طعامه قائلاً:
- الحمد لله...
الزوجة:
- عجبك الأكل يا عمري...
الزوج:
- إي والله... تسلم إيديكي...
الزوجة مرتبكة من الفرح:
- عجبك الأكل؟؟!... لك تطلع على قبري شو إنّك هني وبتعرف تحكي... لك تكفنّي بإيديك على هالكلام الحلو يا حق.. بكرة بدي اعملّك حمام محشي وبطاطا بالفرن إي بدك تاكل أصابيعك وراهن...
وإليكم هذا الحوار بين (امرأة اليوم وزوجها):
الزوج:
- مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة:
- شو إيمتى جيت؟؟ مبكّر مو على عادتك يعني... على كلٍ عملتلك مجدرة برغل وعدس... شو بدي اطبخلك يعني ومبارح أكلت لحمة بالصينية؟؟...
الزوج:
- يا الله تقبشيني، قومي حطيلنا الأكل لناكل..
الزوجة:
- ليكو الأكل عندك بالمطبخ... وين بدو يروح يعني؟؟!! كمان بدي جبلك الأكل لحد عندك؟!
الزوج باتجاهه إلى المطبخ:
- ناموا الولاد على حد علمك؟
الزوجة:
- إي شو نيّمهم هلق وبكرة عندهم عطلة؟؟؟ ...
الزوج يحدث نفسه من المطبخ:
- العمى شو هالمجدرة؟؟!!!!!...
يمضغ اللقمة الأولى ويقول:
- إي والله كأني عم آكل بحص مو برغل!!!
الزوجة :
- شو عم تبَروِت يا رجال؟؟
ينهي الزوج طعامه قائلاً:
- آ... ؟؟ مو شي حبيبتي... موشي...
الزوجة:
- عجبك الأكل؟...
الزوج بإحباط:
- إي طبعاً طبعاً... تسلم إيديكي...
الزوجة بتأفف:
- معناها كل يوم بعملك منها إذا حبيت...
الزوج وهو ينشّف يديه:
- جاهز الحمام يا ترى؟؟
الزوجة ترمي الجريدة أرضاً صارخة في وجهه:
- العمى على هالقصة... طبختِ يامرة؟... ناموا الولاد يامرة؟...جاهز الحمام يا مرة؟... إي شو أنا ما عندي شغل غيرك يا رجال ؟؟!!! خليك عند الولاد... أنا رايحة أتسوق...
الزوج:
- مرحبا يا مرة... شو عاملتينا عشا اليوم؟
الزوجة:
- يه يه يه... تقبر عضامي... إجيت حبيبي؟!! تقبرني شو حركتك خفيفة وما بتزعج حدا... لك حلّت البركة على أرض الديار يا روحي... طابختلك حرّه بأصابيعو ويالنجي وكبة لبنية تقبشني...
الزوج:
- يا الله يالله بلا كتر غلبة، قومي حطي الأكل قومي..
الزوجة:
- لك إي مو تكرم ابن عمي... مو تكرم... لك من هالعين هَي قبل هَي...
الزوج:
- ناموا الولاد؟
الزوجة من المطبخ:
- ناموا حبيبي ناموا على عشية، وحميتلّك الحمام يا عمري...
الزوج بعد أن يرى أصناف المائدة أمامه:
- إيييييييييييييييييييييييه... باين السهرة رح تحلى اليوم...
يمضغ اللقمة الأولى ويقول:
- ممممممممممممم طيبة هالكبة طيبة!!!
الزوجة رافعة يدييها للسماء:
- لك روح... ربي مولايي يبيضلك أيامك... ويبعد عنك ولادين الحرام يا حق..
ينهي الزوج طعامه قائلاً:
- الحمد لله...
الزوجة:
- عجبك الأكل يا عمري...
الزوج:
- إي والله... تسلم إيديكي...
الزوجة مرتبكة من الفرح:
- عجبك الأكل؟؟!... لك تطلع على قبري شو إنّك هني وبتعرف تحكي... لك تكفنّي بإيديك على هالكلام الحلو يا حق.. بكرة بدي اعملّك حمام محشي وبطاطا بالفرن إي بدك تاكل أصابيعك وراهن...
وإليكم هذا الحوار بين (امرأة اليوم وزوجها):
الزوج:
- مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة:
- شو إيمتى جيت؟؟ مبكّر مو على عادتك يعني... على كلٍ عملتلك مجدرة برغل وعدس... شو بدي اطبخلك يعني ومبارح أكلت لحمة بالصينية؟؟...
الزوج:
- يا الله تقبشيني، قومي حطيلنا الأكل لناكل..
الزوجة:
- ليكو الأكل عندك بالمطبخ... وين بدو يروح يعني؟؟!! كمان بدي جبلك الأكل لحد عندك؟!
الزوج باتجاهه إلى المطبخ:
- ناموا الولاد على حد علمك؟
الزوجة:
- إي شو نيّمهم هلق وبكرة عندهم عطلة؟؟؟ ...
الزوج يحدث نفسه من المطبخ:
- العمى شو هالمجدرة؟؟!!!!!...
يمضغ اللقمة الأولى ويقول:
- إي والله كأني عم آكل بحص مو برغل!!!
الزوجة :
- شو عم تبَروِت يا رجال؟؟
ينهي الزوج طعامه قائلاً:
- آ... ؟؟ مو شي حبيبتي... موشي...
الزوجة:
- عجبك الأكل؟...
الزوج بإحباط:
- إي طبعاً طبعاً... تسلم إيديكي...
الزوجة بتأفف:
- معناها كل يوم بعملك منها إذا حبيت...
الزوج وهو ينشّف يديه:
- جاهز الحمام يا ترى؟؟
الزوجة ترمي الجريدة أرضاً صارخة في وجهه:
- العمى على هالقصة... طبختِ يامرة؟... ناموا الولاد يامرة؟...جاهز الحمام يا مرة؟... إي شو أنا ما عندي شغل غيرك يا رجال ؟؟!!! خليك عند الولاد... أنا رايحة أتسوق...
كتبت :
فتاه ابكت القمر
-
ههههههههههههههه
مو كل الحريم هيك
تأبشيني انتي ومواضيعك
مو كل الحريم هيك
تأبشيني انتي ومواضيعك
كتبت :
سراب امنيات
-
ههههههههههههههههههههههههه
حرام عليك والله فيه مبالغه شوي
موفق بإذن الله ... لك مني أجمل تحية .
حرام عليك والله فيه مبالغه شوي
موفق بإذن الله ... لك مني أجمل تحية .
كتبت :
ஜروح الـمـلاكஜ
-
ههههههههههههههههههههههههههههه
موفق بإذن الله ... لك مني أجمل تحية .
موفق بإذن الله ... لك مني أجمل تحية .
كتبت :
روميساء
-
Hhhhhhhhhhhhhhhhhhhhhhhhhh
كتبت :
~helwa~
-
السلام عليكم ورحمة الله وبركاته
هههههه تسلمى يا قمر
هههههه تسلمى يا قمر
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
الخصوصية وشروط الاستخدام حقوق النشر والتأليف الاتصال بنا
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0
| LinkBack |
 LinkBack URL |
 About LinkBacks |
| Bookmark & Share |
 Digg this Thread! |
 Add Thread to del.icio.us |
 Bookmark in Technorati |
 Tweet this thread |