عاوزة تشجيع

انا عضوة جديدة معاكم و بجد مستمتعة بتواجدى فى اسرة المنتدى
عاوزه منكم تشجيع علشان ان شاء الله حبتدى الرجيم بتاعى من بكره ان شاء الله
الأحد الموافق 8 / 11/ 2009
بجد أن زهقت من نفسى اوى كل يوم اقول حبتدى بكره و اصحى من النوم و اقول خليها بكره
كل يوم اقول خليها بكره لما بجد زهقت
و لما شوفتكم هنا شجعتونى و قررت ابدأ معاكم ان شاء الله
انا طولى 172 سم تقريبا
وزنى حوالى 80 ك بس برضه حوزن نفسى تانى علشان اتاكد قبل ما ابدا الرجيم
نفسى اوصل لحد 65 ك
انا كنت عملت من سنه رجيم و فعلا بدات بوزن 80 و وصلت 65 ك بس للاسف رجعت تانى زى ما كنت
و جالى احباط جامد جدا و بقى معنديش اى تفائل او عزيمة
بس ححاول ابدا معاكم من جديد
انا مشكلتى الاساسية هى جنابى هى اكتر حاجة مضيقانى و هى اللى عاطية لجسمى الضخامه فيا ريت اى حد عنده طريقة لتخسيس الجوانب و تكون متجربه يا ريت تفيدونى بيها
و طبعا انا فى انتظار تشجعكم و لو فى اى بنوته عاوزه تبتدى معايا و نشجع بعض و نتابع بعض يا ريت دى حاجة تسعدنى اوى